فتاه لا تعرف المستحيل .. نورا عوض

٦

هند: ابعد عني ي عصام انا مش عاوزه اتجوزك
عصام بغضب: بصي بقا انا مبحبش حد يعرضني وانا قولت كلمة وتتنفذ والا والله اخليكي تتمني الموت تمام ولا تحبي اعمل معاكي الصح واخليكي تندمي وتيجي تنفذي اللي بقولك عليه ماشي
هند بدموع م الوجع لان عصام ضاغط ع ايدها جامد ومش راضي يسيب ايدها وهيا م كتر الألم حاسه كان دراعها هيتخلع منها وقالت بتاوه:سيب ايدي وجعتني
عصام: ماشي بس اعرفي ان انتي لو رفضي مش هيحصلك طيب تمام ولا
هند بخوف ودموع: تمام
عصام :انا نازل دلوقتي اقولهم ابقا اسمع رفضك هيبقى يومك اسود معايا ماشي
هند بخوف: ح_حاضر

ف الرسبشن
عبدالرحمن بطيب خاطر: متزعليش ي امل حقك عليا انا مش عارف عصام اي اللي جرالو مكنش كدا خالص
امل بحزن: محصلش حاجه ي عبدو حصل خير بس عصام بيعملها كدا ليه نفسي افهم
عبدالرحمن:وانا والله
سالي بحنان: خلاص ي امل الله متقلبيهاش غم بقا اضحكي
امل بحزن: صعبانه عليا بنتي دي شافت كتير اوي
عبدالرحمن : انا هخليه يعتذر ورجله فوق رقبته
عصام قطع الكلام
عصام: طنط انا اسف
امل بحزن: ليه كدا ي عصام
عصام: معلش غصب عني انا لما قعدت وفكرت عرفت اني غلطان وجيت اعتذرلك
عبدالرحمن: مش مهم امل المهم هند
عصام بحنق: اه منا اعتذرتلها دلوقتي
امل بصدمة: اي اعتذرتلها
عصام: ايوا
امل ولسه مصدومة: امتى
عصام :دلوقتي انا لسه جاي م عندها
امل بصدمة: انت دخلت أوضة هند
عصام بثبات: ايوا فيها
امل وهيا لسه مصدومه : فيها كتير انت تجوز ليها وحرام تدخل اوضتها
عصام بثبات: حرام ليه مش خطيبتي وهتبقا مراتي
الكل بصدمة :نعم
عصام : اي مالكم
عبدالرحمن بصدمة: مش انت مكنتش موافق انك تتجوز ازاي خليت هند خطيبتك
عصام: مش انت عاوز تجوزهالي وانا عرضت عليها الجواز وهيا وافقت
الكل قعد يبصو لبعض
امل بصدمة: هند وافقت ازاي مستحيل دا بترفض العرسان عشان مستقبلها اهم ازاي وافقت
عصام بثبات: ما هو انا مش اي حد ي طنط هيا وافقت وخلاص وانا جاي اطلبها منك ولو مش مصدقه انها موافقه تعالي نطلع كلنا وتسمعو ردها بنفسكم
عبدالرحمن بصدمة: اه طبعا لازم نطلع ازاي انا مش مصدق نفسي
سالي بصدمة اكبر: ولا انا
امل ردت ع كلامهم بصدمة: ولا حتى انا
عصام رفع حاجبه: اي ي جماعه مالكم مصدومين كدا ليه
عبدالرحمن: ابدا ي حبيبي يلا نطلع ونعرف
امل وسالي: يلا

ف غرفة هند
امل خبطت: افتحي ي هند انا ماما
هند بتوتر: حاضر ي ماما معاكي حد
امل: اه معايا
هند بتوتر: مين
امل: خالك ومراتو وعصام
هند بخوف: حاضر هلبس الطرحه وافتحه وهيا ف نفسها خايفه وراحت غسلت وشها م الدموع ولبست الاسدال والطرحة وبعدها فتحت
امل: اي ي قلبي اتاخرتي ليه
هند: ابدا ع ما لقيت الطرحه وافتكرت اني خلعتها ف الحمام
امل : اه طيب
هند بحنق وتوتر م نظرة عصام ليها: اي ف اي
عبدالرحمن وقف قدامها وقال: عصام كان هنا صح
هند بخوف: اه
عبدالرحمن: تمام هو قال لينا انه اعتزر منك الكلام دا صح
هند بتوتر :ها اه اعتذر
عبدالرحمن: قبلتي الاعتذار
هند محاوله الثبات: اه
عبدالرحمن : تمام وهو كمان عرض عليكي الجواز وانتي وافقتي واحنا حابيين نعرف رايك ونسمعه بنفسنا
هند بتوتر وخوف لما شافت عصام بيبصلها بنظرة شر: اه وفقت وكمان حددنا معاد الخطوبه
عبدالرحمن: كمان وحددتوه امتى بقا
هند بتوتر: يوم الاربعاء اللي بعد الجاي
عبدالرحمن: كمان طيب انتي موافقه بإرادتك ولا هو أجبرك
هند بحنق وخوف بس حاول التماسك: لا بكل إرادتي وانا موافقه بيه ومش هلاقي زيه
عبدالرحمن برضا وحط ايده ع وشها وقال: الف مبرووووك ي قلب خالو
امل بفرحه: الف مبروووك ي قلب ماما
هند: الله يبارك فيكيم
سالي بفرحة كبيره:تعالي ف حضني ي قلبي
هند حضنتها وكان نفسها تعيط بس مسكت نفسها بالعافيه
سالي بفرحة: الف الف مليون مبرووووك ي قلبي
هند: الله يبارك فيكي ي طنط
سالي: لا طنط اي م هنا ورايح تقوليلي ي ماما
هند باستنكار وبصت ليها وبعدين لمامتها وهيا متردده
امل بطمنها: عادي ي هند دا لازم تعملي كدا م هنا ورايح تقولي لمامت عصام وباباه ي بابا وماما لان هما ابوكي وأمك دلوقتي
هند بتوتر: حاضر
امل بفرحة : الف مبروووك ي قلبي😌
هند: الله يبارك فيكي ي ماما
وبعدها الكل بارك لعصام
سالي بفرحه انا هاخد هند وشيماء وامل ونرووح نعمل شوبنج ونشتري هدوووم كتيره لهند
عصام بحنق: ايوا اشتريلها كل حاجه
عبدالرحمن: خلو الشبكة بعد بكرا
هند بصدمة: اي بعد بكرا
عبدالرحمن: ايوا خير البر عاجله انتي النهارده تروحي انتي وسالي وامل وشيماء تشترو البس وبكرا تنزلي انتي وعصام تجيبو الشبكة
سالي قاطعت الكلام: لا الجواهرجي يجي لحد هنا ونخترلها اجمل طقم الماظ حر ليها
عبدالرحمن: فكره حلوه
امل: اي الماظ اي لا هيا دبله كفايه احنا مش طمعانين غير ف ان هو يبقا سند وستر لبنتي
عبدالرحمن: ي قلبي دي هديه بسيطه لبنتك وهو احنا عندنا اعز منها ولا أغلى منها
امل: ربنا يديمك ليا ي قلبي
هند قاطعت الكلام: انا عندي شرطين
عصام رفع حاجبه وبصلها بنظرة شر وقال محاول التماسك : خيرا ان شاء الله
هند بخوف منو وجمعت قوتها وقالت: الشرط الاول اكمل تعليمي
عصام وحط ايده ف جنبه: تمام والشرط التاني
هند بتحاول تتشجع: الشرط التاني اشتغل واصرف عليا انا واخواتي
عبدالرحمن: هو احنا مقصرين ي بنتي انا وافقت قبل ما تكوني خطيبة ابني دلوقتي بقيت ملزمه مننا اكتر م الاول
هند بثبات: معلش دي شروطي ولازم تتنفذ والا مش هكمل الجوازه وهمشي م البيت دا وارجع بيتنا القديم واعيش هناك وأدور ع شغل
عبدالرحمن: وعلى اي خلاص هتنزلي مع عصام الشركة وتكوني السكرتيره الخاصه بتاعته وهيعرفك كل أمور الشغل لان دلوقتي انتي الوحيده اللي لازم يكون سر عصام معاكي ف البيت والشغل
هند بحنق: تمام
عبدالرحمن مخاطب عصام: هتبدا تيجي معاك م بعد الشبكة يعني كمان٣ ايام
عصام بحنق:تمام
عبدالرحمن: تعالى المكتب ورايا عوزك
عصام : تمام
سالي واحنا هنلبس عشان نروح نعمل شوبنج
عبدالرحمن : تمام وانا هخلي السواق يجهز العربيه
سالي:تمام