اقدار البشر

الفصل الثاني

جتي السيارات وسمعت صوت الموسيقى بأذني كأنهه بوق المقابر عبالك ماخذيني للموت صعدوني بالسيارة والنَّاس مخبوصه وتركص بس اني الوحيدة كنت أتقطع من داخلي
كعدوني والنمو علي عبالك فرجه كدامهم بس اريد اعرف الناس ليش تجي الاتشوف العروس عبالك نازله من كوكب اخر مو اني كبالكم يوميه خلصت الفرجه وإني طاكه روحي من الفستان بس اريد انزعه  صعدوني لغرفتي وصعدو وياي امي وعماتي
اني كنت مرتبكه وخايفه انتبهت على امي شمرت فد شي خلف السرير
ما اهتميت عبالي ترتب السرير
زفو العريس وهوسه وهلاهل دخل اني لازمه شمعات اثنين ومعطين وجهي
إجه زوجي عادل طفى الشموع واخذهن من ايدي ورفع الكليل وباسني من كصتي وكال يالى غيري ملابسج
خلي افضهه يردون العلامه
غيرت ملابسي واجه عادل عالسرير
كلما يحاول ميكدر بقينا الليل بطوله لحد الصبح وهو ماكدر يفتحني
جتي بيبي وعمتي تقى وعمتي خنساء يرزلون بي انت ماخليتي ياخذج
طبعا ماكتلكم عمتي ورده من انخطبت رجعت للعراق وحضرت زواجي وهي كانت امي الحقيقيه
هي الوحيدة الي دافعت عني وكالت بعدهه زغيره شتفتهم بهالامور
كتلهم مو اني هو ميكدر ياخذني
رجعنا دخلنه الغرفه لكيت وجه المخده مزروف على شكل عيون 2
كتله عادل خلي ننام عالارض
وفعلا بس نمنه عالارض كدر يأخذني
وطلع الهم وبيده العلامه وفرحو واشتغلت الهلاهل
وره يومين جاي أغير الشراشف وشفت بيهه ريحه تراب مقبرة ما عرفت شنو الموضوع غسلتهم وبدون ما استفسر
بالأسبوع الاول بدا زوجي يضربني واشلون ضرب كله على راسي واني راسي كله عنجورات من ضرب عمامي كانو يضربوني بقساوة على راسي كنت مثل اليتيمة وامي وابوى عايشين
دنيا عجيبه
خلى احجيلكم علي بيت عيالي عندى 3حموات صحيح عمتي كلبه طيب لكن بناتهم يوزونهه علي
حتى عادل طلبت منه مروحه عالشحن كتله من تنقطع الكهرباء اموت حر جابلي المروحه تعاركو وياه خواته شنو هي وحد ماتتحمل وصارو من تنقطع الكهرباء يجون يأخذونه من غرفتي واني ما اكدر احجي
مرات اطلب من عادل  يطلعني يتعاركون وياه اخواته تعبوني
من اول أسبوع العرس فرضو علي شغل البيت كوله علي وياريت عاجبهم
كتله عادل اريد تحددلي مصرف اسبوعي
يوووو تعاركو وياه شنو تنطيهه مصرف
وإذا مرات أوصي على اَي شي مثلا ببسي نستله كرزات يشوفون الزباله ويتعاركون ويانه ويكولون اى النه بس الكشور والزبالة
احتاريت وياهم حتى عالتنور اوكف ويه عمتي من تخبر ومعاجبهم
خلال هالفترة كانت حياتي جحيم مع عيالي وزوجي عندما يزورون بيت جدي يحجون علي ويكولون وسخه وما تنظف
طبعا عمامي وعماتي ميصدكون يحجون علي وينتقدوني ما عدا عمتي ورده كانت كالبلسم عالجرح ماتقبل عند ما يحجون دكولهم بعيني شفتهه تنظف أحسن تنظيف عاد يسكتون
بهالفتره كنت احلم اني واكفه بنص المقبره كل ليله واشوف قبه الامام علي
بقيت ليليه نفس الحلم
مر على زواجي سنه واني لا حبلت ولا تغير الحلم نفسه اشوفه
كنت اشوف امرأه يخوف شكلهه وين ما اروح تمر مثل الخيال بالمطبخ بالهول وخصوصا من أكون وحدي
مرات احس اختنك وأريد اقتل نفسي وبدون سبب
حماتي الزغيره تزوجت
وره شهر حبلت
عمتي كالت شوفي بنتي ماصارلهه شهر تزوجت وحبلت انت اشبيج
سمعت بناتهه يكلولهه ليش مانزوج عادل لازم نشوف اطفاله خو مايضل على هالعاكر
لزمني عادل وضرب حيل علي راسي بدون رحمه
زعلت ورحت لاهلي
عمتي ورده أخذتني لوحده تكشفلي
كالت ماما مسويلج سحر بليله العرس حتى ما تحبلين والليله تشوفيهه بالحلم ويكلولج منو مسويلج سحر
وانطتني حجاب اخلي تحت المخده

يتبع ...