اقدار البشر

الفصل السابع والاخير

بقيت كلما يضربني عادل أو ياذيني اتصل بحسن حتى أنسى القهر
تعلقت بحسن وهو تعلق بي
حسن آلو هلو قزومتي حبيبه كلبي مشتاقلج
هلو حسن اشلونك
حبيبتي حا اروح بواجب للموصل اذا متت اريدج تعرفين اني حبيتج من كل كلبي وناوى اتزوجج وإذا رجعت من الموصل اريدج تطلكين ونتزوج
ليش هيجي تحجي هي حياتي بدونك كلهه ضيم وقهر الله يرجعك بالسلامه
التحق حسن بالموصل واني كلبي ما مرتاح
طلبت من زوجي فلوس اشترى ملابس للعيد للأطفال لزمني ظرب وأهانه وغلط والظرب كوله على راسي حتى فد يوم عمتي ورده أخذتني للطبيب شاف راسي كوله غدد كال ميصير تضربوهه على راسهه وزوجي من سمع راد الضرب على راسي ويكول ياريت تموتين وأتزوج غيرج من طلبت الفلوس علمود جهالي يضرب راسي بالحائط ولحد الان الالم برأسي من ضربني وكعت ونمت بعدهه حماتي شغلت قران صحيت اصرخ وبدون شعور لزمت ابني وأريد اخنكه طبعا هاى من سيطره الجن مو اني لان احب أطفالي وأموت عليهم همزين كان عادل موجود وبالقوه خلص ابني من أيدي كان قتلته والحقيقه مو اني هذا الجن الي بي كال عادل امشي اوديج لمقام شريفه بنت الحسن أخذوني هو وحماس من وصلت ركضت ويركضون وراي وردت ارمي نفسي بالنهر لوما لحكو علي كان ذبيت نفسي بالنهر وتكلم الجني كال بس تأخذونهه للمقام اقتلهه رجعوني للبيت تعبانه كل هذا التعب يزول وتتحسن من أتكلم مع حسن
اتصلت بحسن مايرد قلقت عليه تاذيت
حسن كانت معركه شرسه مع الدواعش وتصوبت وفقدت الوعي كنت بعالم ثاني شفت امي أبوي وشفت حبيبه كلبي قزومتي ايلاف تركض وتركض ورآها امرأه طويله وأريد اروح انقذهه من هذه المرأه لكن مجروح وما اكدر أتحرك بقيت أصيح ايلاف ايلاف انتظريني جايلج فتحت عيني والدكتور واكف كالي الحمد لله عالسلامه كنت بغيبوبه
شكد صارلي دكتور
صارلك يومين
وشوكت ارجع لاهلي
لازم مستعجل على ايلاف خطيبتك
ها اى خطيبتي
اوك بأجر بعد ما نتأكد من بعض التحاليل ترجع لأهلك
لزمت التلفون واتصلت بايلاف
مجاوبتني بقيت انتظر على نار
ايلاف. حسن رِن علي رحت يم عمتي ورده بس هي تعرف بحسن
آلو هلو حسن
هلو قزومتي لج تصوبت وهسه زين
ايلاف وكعت بالأرض وأعمى عليهه
ورده آلو حسن بعدين احاجيك
احجي عمه شكو
ايلاف وكعت
اني جاي
وين تجي
راح اصعد بالسيارات وكم ساعه أوصل
وصل حسن اتصل ردت ورده وين ايلاف
ايلاف مريضه ورايحين للطبيب
انطيني عنوانه
وين تجي زوجها ويانه
ميخالف اشوفهه من بعيد واطمئن عليهه
اكيد انت مجنون
كتلج من بعيد ماتحسون بي
وفعلا اجه حسن من شفته ردت روحي كل أوجاعي زالت بس حبيبي مربوطه أيده مصوب
نرجع لام ايلاف وخنساء بعد ما كانو صديقات ويتعاملن بالسحوره مع بعض اختلفن بينهم
ام ايلاف خطبت بنت خنساء لابنهه لانه كان يحبهه يموت عليهه لكن خنساء رفضت تزوج بنتها الهم
ام ايلاف كالت الا ادمرها واشتغلتهه سحوره وراحت لساحر قوى ودز ملك الجن على خنساء وفعلا دخل بيهه جن
ورده مع كل الي شأفته من خنساء وكفت وياها وساعدتهه
واكو محبس عند زوج ايلاف ضد الجن من خلا بوجه خنساء بقى الجن يصرخ ويصيح شيل الخاتم ما اكدر اتحمله
خنساء كسرت المناور وعيونهه حمر وتريد تنهزم من البيت رجع خلا الخاتم بوجهه وكله منو جابك ميقبل يكول بس يصرخ كان جايبيلهه تعويذه أكلته وصارت مثل الوحش بس تصرخ
بعدين اجوي اخوانهه اخذوهه
جتي ام بنين وضحكت وكالت ربك بالمرصاد كانت تأذي الناس بسحورتهه والآن ربج سلط عليهه الي يسحرلهه
وره فتره تحسنت خنساء لكن مابطلت سحوره كنت متصوره هذا درس لكن ماجازت استمرت تأذي الناس
بس خنساء انفضحت امام الكل بانهه سحاره بنتهه بقت محد يتقدملهه
خنساء تمرضت بعجز بالكليه وشعرهه وكع وتعالجه وميفيد رجليهه متكدر تمشي لان جسمهه من فوق عريض صدرهه تشوه كبير جدا كأنه جبل ورجليهه ضعيفه ماتتحمل وزنهه ابنهه فاسق ويشرب خمر
حسن اتصل بي وكال بعد ما أتحمل اعوفج يمهم لازم تطلكين واتزوجج
كلمت عادل كتله طلكني وأخذ وحده انت تحبهه وعوفني رفض وماقبل وكال ابقيج خدامه لجهالي اني ما احبج ولا اريدج بس ما اطلكج
ايلاف. اريد أكول شي حتى لو متت اني ماشفت شي بهالدنيا من يوم ولادتي لحد الان عمري 24 سنه لا رحمه ولا عطف ولا حب ما عدا عمتي ورده وحبيبي حسن الي حسسني اني شي مهم بحياته وحسسني اني انسانه وانحب
حبايبي هذه قصتي وعذابي اني اشكركم على متابعتكم لقصتي وأحب أكول لكل ام لا تتخلين عن امومتك وتركين طفلج بيد غيرك الامومه رساله يجب ان تحافظين عليهه أو لا تنجبين الطفل بهذه الحياه الصعبه وأحب انصح كل وحده تمشي بطريق السحوره وتحل مشاكلهه بالسحر ترى عقوبته بالدنيا قبل الاخره
حبايبي اريد رايكم هل ابقى مع زوجى الى مايحترمني ولا يحبني
ام اتزوج حسن
الانسان الوحيد الى حسسني بحلاوة الحياة انى فكرت بالانتحار والخلاص من هذا العذاب لكن ما اريد ادخل جهنم لان مصير الى ينتحر  ايلاف ......
احبابي ارجو ان استمتعم بهذه القصه الى ارسلتهه الاخت
ايلاف .

#النهايه نستقبل رايكم ع بوت القناة 👈 @Iq_griLbot 💠