من وكعت حسب ما حجولي بقيت اصرخ وأملخ بنفسي شعرى جسمي واصيح وخرو من يمي
كنت اشوف وحده سوده تخنكني
وعمي وزوجي يصيحون اشبيج منو يخنكج كافي يلزمون ايدي لكن مكدرو كنت أقوى منهم
أخذوني بسرعه لام بنين بعد ما اتصلو بيهه كالتلهم جيبوهه بسرعه
ظلت تقرى عليه 'كالت هذا سحر اسود هالمره موامهه هاى عمته خنساء
وهي تقرى تكلم الجني بلساني
ام بنين::منو انت وليش دخلت بجسد إيلاف
الجني::اني جيت مسخر الهه وصارلي أسبوع اريد ادخل ومكدرت لأنهه تصلي وملتزمه من ضربهه زوجهه دخلت
ام بنين. وشتريد ومنو دازك
اريد اخبلهه لو اموتهه
منو دازك عليهه
عمتهه خنساء
عمتي ام زوجي ضلت ترجف من الخوف وخنساء اختهه
الجني. مو بس اني دخلت بجسمهه
اكو واحد مسلم دخل وياي ويريد يطلعني من جسده وبينا عرك كل واحد يريد يبقى بجسدهه
بقيت بغيبوبه خمسه ايّام
صحيت بعد 5ايام إجه عادل الوفه هذا ابنج عبودى ما اشتاقيتيله يبجي عليج
لكن اني بعالم ثاني بس أخزر بعيوني
ماحجيت ولا كلمه وحتى الاكل ما اكدر أكله
وفجأة هم وكعت بقيت اصرخ وتكلم الجنى المسلم لانه ما يخلي الكافر يتكلم
كلهم اخذوهه زوروهه للحسين
لكن خافو كالو خاف الجني يقتلهه من نوديهه
هذهالاحداث اني ما واعيه بيهه بس اختي تحجيلي
عمتي ورده كالت لازم نوديهه للأمام أحسن من هذا العذاب الي جاي تتعذبه وفعلا اخذوني للأمام
من وصلت وكعت عالارض والتمت الناس علي وشالني زوجي وخلاني بعربانه وزورني
من وصلت ظليت اركع راسي بالضريح
من غير شعور ما حاسه على نفسي
من طلعت حسّيت ارتاحيت
لكن بقت صحتي تعبانه وما أتحمل اَي كلمه أو يضربني زوجي بسرعه اوكع
واملخ بشعرى واعض بجسمي من تأثير الجني يخليني أعض بجسمي لحد ما يزورك ويطلع الدم وزوجي يكولي انت كذابه ميصدك ان الجن مسيطرين على تصرفاتي
تغيرت كل تصرفاتي وزوجي بدل مايساعدني اتعالج يتهمني بالكذب واهملني صرت وحيده بهالدنيا لو يتيمه أكول يتيمه وهذا قدري لكن امي وأبوي عايشين واني وحيده بهالدنيا ماعندي غير عمتي ورده
حملت بالطفل الثالث وبالشهر الخامس
تعاركت ويه زوجي بسبب عنده علاقه ويه بنت عمته ويريد يتزوجهه
وفقدت ماحسيت بنفسي اضرب على بطني حيل واملخ بروحي لحد ما وكع الطفل وصار عندى اسقاط فقدت طفلي بدون شعور تاذيت من ودّوني للمشفى عالجوني ورجعلي الوعي افتهمت اني الي وكعت الطفل بقيت ابجي ماكنت بوعي
كنت افقد أعصابي بدون سبب عمتي ورده الي احبهه اكثر من روحي تعاركت وياها وفقدت حتى الكلام الي يطلع مني ما أسيطر عليه كله بسبب الجن بقيت ابجي لحد ماهدأت ورجعت اتصلت بيهه اعتذرت منهه كالت اني مريضه لا تاكل ولا تتحرك تخبلت رحت لبيتهه شفت وظعها تعبان اتصلت بام بنين وجتي لبيت ورده وبقت تقرى عالبيت وفعلا طلعت عمتي مسحوره بسحر اسود مسخرين عليهه الجن بالبيت وبقت ام بنين تحجي وياهم وتقرى عالبيت حجو وياها وكالو سخرتنه خنساء اختهه والسبب؟
حتى تخبل ورده لان تغار منهه وسلطان زوج ورده يحبهه كثير ومدللهه ومتدين من سمع كال حا اروح اقتل خنساء هجمت بيوتنه
ام بنين ماقبلت هدأته وكالت اكو نيه عند خنساء على ابن ورده
كالت خنساء ناويه تسوى سحر لابنج حتى يتزوج بنتهه لانهه تحبه
ابن ورده تخبل كال ما اتزوج بنت ام السحورهلو بس هي بالدنيا
بقت ام بنين تقرى بالبيت وابن ورده يشوف وحده تخطف من يمه وكل ما تقرى يخطف الخيال لحد ما صار صوت طكه كبيره طلعو بالطارمه لكو بقعه دهن بالطارمه
كالت ام بنين هذا كان راميته عليكم ومن خلاله تتحكم بالجن
يتبع..
أنت تقرأ
اقدار البشر
General Fictionقصص قصيرة منقولة اتمنى تعجبكم احداث حقيقية واكو قصص خيالية تجمع كل المشاعر الممكن اتحيط الشخص وتستفاد منهة الحكم القصة راح اتكون معدودة وكل قصة جديدة راح يكتب البارت الاول
