اقدار البشر

الفصل السادس

شفت ولد شاب اسمر طويل حلو بصراحه عيونه عسليه شعره ثخين اسود شخصيه ومرتب الشنطه كانت بايده اني تصورت انه سارقهه  وكلمته بعصبيه ...مو عيب تبوك شنطتي ماتستحي هو بقى صافن بوجهى ويباوع على أخذت الشنطه ومشيت
كان يجاوبني ...اسمعي اني مو حرامي اني شفتج من نسيتي الشنطه
وجاي ادور عليج وانطيج اياها بدل ماتشكريني تتهميني
بصراحه خجلت واعتذرت ورجعت للسياره
بيبي...وين كنتي
كنت بالحمام
انتبهت شفته بنفس السياره ويانه
بعد ما وصلنه للنجف نزلت من السياره بيبي كالت خذيلي تكسي ما اكدر امشي وكفت يم السياره تمشيت اريد تكسي وكفت ابو التكسي وفجاه شفته واكف وماشرله كلى صعدى اني استأجر تكسي ثاني كتله لا اصعد انت
كال بلا نقاش اني رجال وادبر نفسي
ياربي شكد حلوه شخصيته
وصعدت وأخذت بيبي ورحنا لبيت اقاربنا واني أفكر بي سبحت وارتاحيت بيني وبين نفسي كلت اني متزوجه حرام أفكر برجل اخر
اني حسن خريج قانون اشتغل بالمحافظه وعندى شركه أمنيه حمايات
والدى توفى بحادث سياره قبل سنتين والدتي استشهدت بانفجار أربعينية الامام قبل 8اشهر مابقالي احد بهالدنيا كنت مشتاق لوالدي ووالدتي أخذت اجازه وصعدت بسياره للنجف
لفت انتباهى فتاه بيضا جميله جدا عيونهه واسعه تشبه ممثله تركيه كانت هي وببيتهه حسيت روحي انجذبت الهه بس اكو حزن بنظراتهه بعيونهه حبيت اعرف ليش هذه العيون الحلوه حزينه نزلنا للمطعم اكلت وشفته مخبوصه وياها امرأه كبيره ومن انشغالهه بيبيتهه نست شنطتهه اليدوية 
أخذت الشنطه وجاي اطلع وشفتهه جتي علي وعصبيته
مو عيب تسرق الشنطه وجاوبته اني مو حرامي جاي أدور عليج حتى انطيج الشنطه اعتذرت مني وصعدنه بالسيارة بقيت مركز عليهه ما اكدر اشيل عيوني من عليهه وصلنه وأشرت للتكسي وهي تقربت وكالت يالى أخذ غيره كتلهه لا صعدى بدون نقاش وأخذت بيبيتهه وصعدو بالتكسي وراحت رحت للمقبره زرت قبر والدى ووالدتي وبجيت وقريتلهم الفاتحه وزعت ثواب للفقراء
رجعت للفندق سبحت وطلعت للأمام
علي زرت وكملت وبقيت عيني عالطالعات أكول بلكي تطلع واشوفهه حسّيت اريد اشوفهه أكلمهم
إيلاف...بعد ما ارتاحيت من السفر كلت خلي اروح أزور الامام
بيبي ترحين للأمام
لا بيبي مابي بكره اروح روحي وحدج
رحت زرت وكملت من طلعت بالساحة شفته واكف يباوع علي
إجه تقرب مني وسلم
بصراحه ما اعرف اكو شي يشدني اله من شفته حسيت بالراحه والامان
كال هذا الكارت بي اسمي وأرقام تلفوناتي اى شي تحتاجين اني بالخدمه
خليته بالشنطة بدون ما اقرى اى معلومه عنه
وره يوم كملنه ورجعت لبيت جدى إجه عادل أخذني لبيت أهله بس دخلت تلكوني خواته جيتي لاهلا بيج اول مره احس اني قويه وعندى ظهر ما اهتميت لكلامهم ولا إهمال زوجي
زوجي يحب بنت عمته فد يوم اجوي يمنه خطار كال خلي نكعد بالحديقه دخلت اجيبلهم عصير من طلعت ما لكيتهم دورت عليهم لكيته حاضن بنت عمته ويبوس بيهه وهي هم متحاظنه وياه انصدمت من المنظر رجعت كلت ما اريدهم يشوفوني لكن هوشافني واجه وراي واتعارك وياي وضربني ضرب قاسي  طبعا بهالمرحله كلمن ياذيني الجن الى بي يضره رأسا أيده عادل خدرت وميكدر يحركهه
رجعت لغرفتي فتحت الشنطه وطلعت الكارت الي بي رقم حسن دموعي قهر وظلم
اتصلت
الووو
تفضلي منو
اني إيلاف
هلا والله هلا بريحه المسك والعنبر
ليش ما اتصلتي صار كم يوم. هاى اشبيج تبجين
اَي
ماعاش الي يبجيج  دليني عليه لااقتله
ضحكت
اى سمعيني الضحكه الحلوه
بقيت اسولف ويه حسن نسيت همومي ونسيت كل مشاكلي حتى زوجي بعد ميهمني لان مينفع وياه
مره كان ابني مريض عمره شهرين اتصلت عمته وكالتله تكدر تودينه للعماره لا قاربنه واني ابني مريض
اجه اخذ الفلوس الي مجمعتهم بمناسبة ولادتي جابوهه لابني أخذهم
بس حجيت كتله اشلون ينطيك كلبك تعوف ابنك مريض وتروح ويه حبيبتك وتاخذ فلوسه
ضربني ضرب موتني لحد ما حسيت روحي حاتطلع وأخذ الفلوس وراح وياهن 5ايام ولا عاف مبلغ الحفاظات للحليب لابنه بس المهم يروح ويه حبيبته طبعا خطبهه ورفضو لانه مفلس
واني اذا اريد اروح للطبيب لازم أبيع قطعه من.  ذهبي وأروح
حجيت وياه كتله ميصير انت كل يوم تروح يمهم واحنا كنّا عند الطبيب ضربني على راسي فشلني كدام الناس
رجل لايحترمني ويهيني ومايصرف علي
فد يوم متداين من جماعه اجاني اني مطلوبشكد عندج ذهب
كتله خليهن يفيدوني اروح طبيب انت ماتنطيني
كوليلي شكد يجيبن فلوس
كتله مليون
كال اريدهم
كتله لا
سود عيشتي بقى يضربني ويدور حجج لحد ما انطيته وخلصت من اذيته
بقيت ابجي ليش هيج يصير وياي خابرت عمتي ورده كالت ميخالف يتغير
مافد يوم حسيت بي زوجي ويحبني ويكول بس يصير عندى فلوس اتزوج عليج انت مخبله وبيج جني
كتله عالجوني
صدك فد يوم اخذوني للسيد حتي يطلع الجني
حسب ما حجولي
كانو 4 رياجيل دفعتهم صارت عندى قوه تفوق 4 زلم وانهزمت ركض كالمجنونة رجعت للبيت وكعت ظل يصرخ الجني واني فاقده ما اعرف كال اسمي لمعون الجني الكافر واذا تطلعوني اقتلهه يالى اطلع
من جسمها أو اخليهه تنتحر
جتي عمتي ورده هدأ

الصريخ وكلمهه بهدوء كلهه لا تحاولون تطلعوني من جسدها
بقيت بهالوضع بس الشي الي يريحني هو علا قتي بحسن
حبايبي ترقبو الجزء الاخير وشوفو نهايه الى أتفقو وسوو سحوره لايلاف واذوهه لكن الله بالمرصاد

يتبع ...