مستشفى الموت

٢

فجاه سمع برعي التمرجي صوت بيقرب منه صوت عربيه مدير المستشفى قفل المكالمه مع المجهول وراح علشان عاوز يتكلم مع مدير المستشفى

عاند الدكتور باسم دخلت الممرضه ومعاها ملف كل حاله من الاربع حالات إللي قرر يبقي مسؤل عنهم وطبعا فيها بياناتهم الشخصيه وصور ليهم كمان

أو ملف جه ف أيده كان ملف (حنين) آه حنين أول إما شاف صورتها افتكرها دي البنت إللي أول ما دخل العمبر لفتت انتباهه شكلها الضعيف وحالتها إللي كانت سبب إنه يقرر يكون مسؤل عن الاربع بنات دول

سرح شويه ف شكلها إللي ف الصوره وبدأ يقرأ تقارير الدكاتره إللي كأنو مشرفين علي حالتها وإللي واضح فيها إن الحالة بتتأخر مافيهاش أي تقدم و التشخيص مفيش فيه حاجه واضحة حس بالغموض وقرر إنه يبدأ ويتكلم معاها ويحاول يمكن يقدر يعمل حاجه

طلب دكتور باسم الممرضه وسأل علي آخر تقارير للحالات الأربعة وايه العلاج إللي بياخدوه

ردت الممرضه وقالتله حاليا هما بياخدو جلسات كهربه ولسه مكملتش الجمله ومره واحده بصت الممرضه لقت الدكتور باسم أتحول وبصوت عالي قال مين المتخلف إللي قرر إن الحالات دي محتاجة جلسات كهربه

دكتور باسم مستناش الممرضه ترد عليه وراح بسرعه علي المكان إللي بيتعمل فيه جلسات الكهربه بص لقي التمرجي الملعون برعي بيحسس علي أجسامهم بطريقه مقززه تحرش واضح

حنين أول ما عنيها جت ف عين الدكتور باسم بصتله بصه استعطاف لأن من اثر جلسة الكهربه مكنتش عارفه تتنفس وكمان الحيوان إللي إسمه برعي مش مبطل تحرش واضح وصريح علي العلن ادام كل الموجودين ما هما كمان من أحسن منه هما كمان بيتحرشو بالمرضي بس ف المداري مش علي العلن كده بكل وضوح

دكتور باسم محسش بنفسه إلا وهو بيزعق وبيقول مين الحيوان إللي قرر جلسات الكهربه دي

برعي: بكل وقاحة أنا في حاجه

دكتور باسم :والله أول مره أعرف إن التمرجيه بقو دكاتره

برعي: أنا هنا إللي بعمل كل حاجه وأي حاجه وكلامي ماشي علي مدير المستشفى ولو عاوز تشتكي اجري يلا روح عيطله شويه يمكن يتحايل عليا و يخليني اسيبك ف حالك

دكتور باسم : الكلام ده المفروض ليا أنا

برعي: إنت شايفني ببص لأي حد غيرك

دكتور باسم : معذور إنت فعلا متعرفنيش بس نصيحه مني ليك بلاش تعرفني لانك ف الاخر حتبقي إنت إللي خسران

لسه برعي حيرد عليه لقي تليفونه بيرن وكان مدير المستشفى إللي كان بيقوله ملوش دعوه ب دكتور باسم وقاله إنه اد إيه إنسان واصل وإنه فعلا يقدر بكلمه منه يصفيه وبلاها الاربع حالات بتاعته هو كده كده مش حيعرف يعمل معاهم حاجه دول اخدو كميه كهربه تنور بلد سنه يعني أصلا مفيش أمل ف علاجهم
وكفاية أنا سايبك ف المستشفى ترمح فيها يمين وشمال ومحدش يقدر يقولك بم