مستشفى الموت

عليا

بناء علي طلب متابعه القصه الجميله أنا النهارده حكتب قصه الشخصيه التالته عاليا

عاليا بنوته ملامحها ملامح اوروبيه والدها مصري ووالدتها فرانسيه عاندها ٢٦ سنه كانت عايشه مع والدتها لحد ما والدتها اتوفت كانت علي علاقة حب بشاب مصري عن طريق الانترنت قررت تنزل مصر علشان تشوف حبيبها إللي لأول مره تشوفه علي ارض الواقع صحيح كانت بتشوفه علي كاميرا الكمبيوتر والموبايل لكن طبعا كلنا عارفين إن دا حمادة ودا حمادة تآني خالص كل حاجه ممكن تبقي مزيفه لأن اغلبيه تعارف النت بيبقو ناس بيهربو من واقع علشان حقيقتة بتبقى وحشه

نزلت بطلتنا علي مطار القاهرة علشان تشوف حبيبها إللي م يعرفش أنها مصريه كان بيتكلم معاها باللغه الفرنسية كانت أسهل ليها في الكلام بس ميمنعش إنها بتتكلم وتفهم مصري كويس جدا

طبعا أكيد حد حيسال طيب فين باباها حقولكم أنه زيه زي اغلب الزيجات مش كلها لأن في طبعا ناجحه بس الاغلبيه بتفشل بسبب اختلاف العادات والتقاليد وطبعا كانت النتيجة إن البنت اتربت مع والدتها بحكم محكمة دوليه والاب حق رؤيتها مرتين ف السنه الاب كان ملتزم بالزيارات لحد ما البنت كملت ١٨ سنه لكن بقاله فتره كبيره متقطع عنها

دي كانت المعلومات إللي مكتوبة ف الملف الشخصي ليها

دخل دكتور باسم الاوضه بتاعت الحالات كانت عاليا موجوده كانت علي طول ف حاله صدمه مصدومة من مل إللي حواليها لكن إحساس جواها طمنها خلاها تهدي وارتاح وتتكلم طبعا هي كانت بتتكلم عربي لكن مكسر علي الرغم إنها بتتكلم عربي كويس لكن حنغرف من الأحداث إيه إللي حصل خلاها توصل للحاله الصعبة دي

باسم. صباح الخير يا عاليا شكلك النهارده رايق الحمد لله إنك كويسه ممكن نتكلم مع بعض شويه

عاليا اكتفت بهز راسها بالموافقة

باسم. لا أنا عاوز اسمع صوتك الجميل أنا مسمعتوش قبل كده لكن متأكد إنه جميل وابتسم

عاليا. حآضر تحب نبدأ منين

باسم. من الأول خالص عاوز أعرف كل حاجه عنك من ساعة ما اتولدتي لحد ما جيتي هنا

عاليا. يااااه من زمان آوي كده

لاحظ باسم إن عاليا بتتكلم عربي بصعوبه قالها إنت لو عاوزه تتكلمي فرنساوي أنا مستعد بعرف أتكلم كويس

عاليا. لا أنا حتكلم عربي عادي أنا بتكلم كويس بس حاخد وقت شويه لحد ما لساني يتعود علي الكلام

باسم ابتسم وقالها علي مهلك خدي راحتك خالص أنا معاكي متوتريش نفسك خالص  وأنا سامعك ولو نسيتي حاجه ف النص وعاوزه تقوليها قولي في أي وقت يلا نبتدي

عاليا. أنا بنت عاديه خالص والدي مصري صعيدي والدتي فرنسيه وطبعا السؤال إللي عارفه إنك حتساله إزاي بنت فرنسيه تتجوز مصري من الصعيد وأجابه السؤال ده سهله جدا بابا كان ف كليه الهندسه وكانت بيطلع من الاوائل علي دفعته ولما أتخرج اتعين ف الكليه بقي دكتور ف كليه الهندسه جامعه القاهرة الكليه سفرته بعثه فرنسا وهناك أتعرف علي ماما وحبو بعض واتفقوا على الجواز جدي والد بابا كان رافض رفض نهائي لأن المفروض حسب العادات إن بابا يتجوز بنت عمه إللي بابا مكنش شايف غير إنها بنت عمه وأخته الصغيره بس هي كانت بتحبه لأن طبعا متربية علي إنها لبابا وبابا ليها اتربت وهو الراجل الوحيد إللي وهي بتكبر بيكبر حبه جواها لكن بابا ف كل فرصه كانت ب تجمعهم كان بيحاول يفهمها إن هو مش شايفها غير أخته

كان أقرب صاحب لبابا كان أبن عمه كان عارف ومقدر إن بابا مش بيحبها ومش شايفها غير أخته

بابا أتجوز ماما علي الرغم من رفض جدي ولما جدي عرف زعل جدا وغضب عليه مكنش عارف يزعل جامد منه لإنه ابنه الوحيد وكان بيصبر نفسه إنه لما يرجع حيحوزه بنت عمه إللي كانت بتموت ف اليوم الف مره لما عرفت إنه أتجوز الخواجايه لكن إللي كان مصبرها إن عما إللي هو جدي قرر إن الجوازه متلغتش وانها لسه حتتجوز بابا

بابا خلص البعثه كانت ماما فرحانه إنها أول مره حتروح مصر ومتعرفش الخلافات إللي بين بابا وجدي بسبب جوازه منها كنت أنا ف وقتها كان عاندي ٤ سنين بعثه بابا كانت ٥ سنين أخد الماجستير وخيروه يرجع مصر الدكتوراه ولا يكملها ف فرنسا كان قرار بابا إنه يكمل ف فرنسا كان شايف إنه ممكن يتعلم حاجه جديده يفيد بيها بلده

بابا كان فاكر  إنه أول ما جدي حيشوفني حينسي الخلافات كلها وحيقبل ماما ويلغي قرار جوازه من بنت عمه لكن بابا كان غلطان
علي الرغم إني كنت شايفه نظره فرح ف عين جدي أنا فاكراها كويس لكن تمالك نفسه وكان جامد جدا ف التعامل معايا أنا وماما مكنش بيهزر معايا كنت بتكلم وافهم عربي لكن مكنش حد غير بابا وماما بس الباقي كان فاكرني مش بعرف وعلي الرغم إن كان عمري بس ٤ سنيين لكن كنت بحس إن عقلي أكبر من شكلي وسني كنت بسمع كلامهم على ماما بطريقه مش حلوه خالص إللي يقول آه ما صدقت لقت واحد يستر عليها ما هما كده بنات بلاد بره ملهمش رابط وإللي يقول عليا إن أنا مستحيل ابقي بنت بابا وإن ماما لزقتني فيه وكلام كتير مفهمتش معناه غير لما كبرت وعرفت اد إيه كأنو بيكرهو ماما

وف يوم كنت بلعب ف الجنينه سمعت بابا وجدي بيتكلمو قررت اسمع ويا رتني ما سمعت حاجه لقيت جدي بيقول لبابا

خلاص إنت اخترت واتجوزت الخواجايه وعملت إللي إنت عاوزه خلاص أتجوز بنت عمك إللي مكتوبة علي إسمك من يوم ما اتولدت ومتعرفش راجل غيرك

بابا أنا طول عمري شايفها أختي عمري ما شوفتها آكتر من كده وبعدين أنا متجوز وبحب مراتي جدا وربا كارمني ببنت احلي من القمر نفسه

ماليش صالح الجوازه دي لازم تتم وإلا لا إنت إبني ولا أنا أعرفك وعقلك ف راسك تعرف خلاصك ومشي جدي وسايب بابا يفكر ف الكلام إللي جدي قاله وعلي الرغم من حب بابا لماما لكن كان قراره إن ينفذ كلام جدي علشان يراضيه ولو حتي جواز علي الورق بس وهنا كانت المشكلة إن ماما رفضت الوضع ده إن بابا يتجوز عليها وخيرته يا يرجع معاها فرنسا يا يطلقها ويتجوز إللي اختارها له باباه

طبعا بابا كان رافض فكره الطلاق خالص وكان فاكر إن ده كلام وقت زعل و حيروح لحالة لكن ماما كانت رافضه فكره إن في حد ح يشاركها ف بابا و فيوم ماما قررت السفر بالليل ومحدش صاحي اتفقت مع عربيه من القاهرة بالتليفون جات بالليل متأخر خرجت ماما بالليل خالص واخدتني  معاها وسافرنا علي بيتنا ف فرنسا كان دا كله تحت عيون بنت عم بابا إللي كانت الفرحه مش سايعاها كانت صحيح موافقه علي وجود ماما ف حياه بابا طول ما حتتجوز بابا مفيش مشاكل ف كده خالص بس الصبح أول ما بابا صحي دور علينا ملقاناش لا إحنا ولا هدومنا ظهرت بنت عم بابا وقالتله..........

♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️ ♥️
تفتكرو قآلتله إيه......
عاوزه توقعاتكم واذا كان في أي سؤال ارحب بالاجابه عليه.

سلمي كحله💎💎💎💎