مستشفى الموت

مايا

آخر حاله ف العنبر إللي مسؤل عنه دكتور باسم وتعتبر من أصعب الحالات الانسانيه قبل النفسيه حاله كتير من البنات ف حاله طمع الاهل و الظروف الماديه الغير مستقره  وطموح الاب الغير متناهي إللي ممكن يعمل أي حاجه مقابل الفلوس حتي لو باع أولاده طول ما المقابل المادي يرضي غروره ويا ريته بيعمل حآجه بالفلوس دا بياخدها يدخل مشاريع فاشله يتنصب عليه ويخرج خسران كل حاجه الحكايه بدأت لما جات جارتنا أم جورج بتقول لماما في عريس لؤطه ل مايا غني ومعاه فلوس لو فضل يصرف فيها العمر كله مش حيعرف يخلصها وسيم طول بعرض يعني شاب بنات البلد كلها بتجري وراه

ماما . ولما هو في كل المميزات دي بيتجوز بالطريقه دي ليه الموضوع ده فيه حاجه غلط أنا مش مطمنه وبعدين الغني إللي معاه فلوس كتير ده عرف ابنك جورج منين متزعليش مني يا أم جورج ابنك حته سواق عليى عربيه كمان مش بتاعته وقع عليه فين

أم جورج. كده يا أم مايا دي أخرتها تعيبي ف إبني وابني أول ما عرف إن الراجل عاوز يتجوز بنت ناس محترمين وغلابه لإنه ف جوازته الاولي كانت بنت تكابر بهدلته وفضحته قرر يتجوز وآحده بنت أصول وبنت ناس واول ما الراجل أتكلم مع جورج أول إللي جم علي باله كانت مايا يبقي هو عاوز مصلحتها وإنتي بتتريقي علينا وعلي فقرنا الله يسامحك يا أم مايا مكنش العشم

زعلت أم جورج وخلاص وقفت عاوزه تمشي مسكت فيها أم مايا

والله يا أم جورج ما اقصد هو العريس حيخليني أبيع عشره العمر دا إحنا جيران لينا آكتر من ٢٠ سنه والصراحه أنا بعزك وبحبك وإنتي عارفه ياختي يغور العريس ولا تزعلي أنا ميهمنيش يا أم جورج غير ال عشره الطيبه و الجيره إللي متتعوضش وأنتي يا أم جورج ونعم الجيره ونعم الناس متزعليش بقي أنا بس كنت مستغربه البيه الهاي ده عرف ابنك منين

هدت أم جورج وقعدت. بصي بقي يا ستي جورج إبني زي ما آنتي عارفه سواق علي عربيه ملاكي بتطلع طلبات و ف مره طلبه راجل عربيته عطلت منه علي الطريق وهو رايح الشغل بتاعه أول ما جورج وصل لقي عربيه فخمه آوي واقف قصادها راجل له هيبه كده من كتر هيبته كان خايف لكن الراجل طلع طيب آوي وفتح كلام مع جورج لإنه دخل قلبه وارتاح لابني ومن ضمن الكلام إنه بيدور علي عروسه بنت ناس غلابه لإنه تعب من العيشه لواحده بعد ما طلق مراته إللي كان متجوزها كانت مطلعه عنيه وبهدلته ومرضيتش تخلف منه بحجه إنها لسه صغير وخايفه علي جسمها ورشاقتها بسرعه جورج إفتكر مايا وقال ف نفسه بنا حتتي أولي من الغريب وبيبني وبينك يا أم مايا الراجل وعد جورج إن لو الجوازه  عجبته حيشوفه وحتبقي مصلحه ليكو ولينا واديكي شايفه الظروف الحاله صعبه آوي آنتي جوزك الله يزيده عانده المحل وشويه املاك يقدر يصرف منها انما إحنا غلابه محيلتناش حاجه يا عيني علينا

سكتت ماما وقالتلها.. يعني يا أم جورج علشان الراجل حيشوف ابنك عاوزه تجوزي بنتي لي جوازه والسلام علي العموم أنا حشور علي أبوها وحاخد رأيها وابلغك بالاخبار أنا طالعه بقي يا أم جورج الواقفه كتير كده بتوجع رجلي ولسه معملتش الغدا وابو مايا آنتي عارفاه لو جه ومكنش الغدا علي السفره حيسود عيشتي سلام عليكم يا أم جورج

وطلعت ماما فتحتلها الباب دخلت معاها المطبخ وإحنا بنحضر الغدا حكيتلي ماما علي إللي حصل مع أم جورج وحاولت تعرف رأيي أنا كنت موافقه بس علشان أخلص من كلام بابا علي الفلوس وإن خلاص تعب من مصاريفي وأنا لا بصرف ولا حاجه أنا بعد الكليه إشتغلت وبياخد مرتبي مقابل العيشه ف البيت واكلي وشربي لولا الحوافز إللي كانت أمي بتخليها معاها من غير ما بابا يعرف عنها حاجه كنت حبقي من غير ولا مليم دا حتي العلاج والدكاتره بيسخسرهم فيا

بابا سمع ماما وهي بتحكيلي ولقيته دخل المطبخ والفرحه من خلصانه مني مش سايعاه علي الرغم إني مش مصدومة أنو عاوز يخلص مني لكن كان نفسي أنو يغليني ف عين أي حد عاوز يتجوز ني عاوزه أعيش بكرامه واحس إن غاليه ف عين الراجل إللي حتجوزه أحلامي كانت بسيطه بيت صغير راجل حنين أخلف ولد وبنت يكونو سند ل بعض من زيي وحيده

كلم  جورج الراجل وفعلا الراجل متأخرش وجه علي طول انبهرت بيه شاب وسيم طول بعرض بجمال دا غير البرفان إللي دوخت لما شميت ريتحه لقيت بابا بيقوله أنا أتأكد إزاي إنك زي ما بيقول جورج أنا كنت فاكره بابا ح يتطمن من الراجل إللي حعيش معاه علشان مرجعش ليه تآني لكن لقيته عاوز كمان يستفيد من وراه بأي مصلحه والراجل سايره ف الكلام وخلص اليوم وهو كان بيبصلي بصات غريبه أنا مكنتش مرتاحه بس كنت بقول يمكن علشان عاوز يتجوز بسرعه ف عاوز يشوفني كويس قبل ما يتفق مع بابا ماما قالت حصلي صلاه استخاره أنا قلبي مش متطمن وإنتي كمان يا مايا صلي صلاه استخاره يمكن يا بنتي أكون غلط واللي عاوزه ربنا هو إللي حيكون........

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

قراءه ممتعه......

سلمي كحله 💎💎💎