مستشفى الموت

حسناء ٣

ماما كانت فين ساعتها ماما اليوم ده كانت بايته عاند خالتو كانت خالتو تعبانه ماما راحت تزورها والحظ الغريب الدنيا شتيت شتا جامد الكهربا قطعت معرفتش تنزل هي عارفه إن عمو فتحي سهران شويه فالشغل وأنا بنام بدري دا كان مطمنها عليا شويه أما طبعا الحظ الزفت خلاني اسمع إن بابا واخويا إللي قتلهم معانا ف البيت

حس بوجودي خرج فجاه لقاني وكانت عيونه كلها شر ومن كتر الغضب كان لونها احمر لكن فجاه اتبدلت عيونه من الغضب لنظرة خبيثه أنا مفهمتهاش ولقيته جاي  بيلف حوليا وبصلي بصله جسمي قشعر بسببها جابني من فوقي لتحتي ببصه رعبتني وقالي طبعا آنتي سمعتي المكالمه واحب اقولك إن كل كلمه سمعتيها صح ميه ف الميه ابوكي كان فاكر إن الشرف بياكل عيش حاولت معاه آكتر من مره لكن كل مره كان بيرفض كان ممكن اسيبه ف حاله بس وقع ف أيده ورق كان ممكن يلف بيه حبل المشنقه حوالين رقبتي كان وقتها لازم أتخلص منه والصدقه جابت اخوكي معاه ماشي معلش لكل حرب الضحايا بتاعتها وكانت فرصه حلوه ليا وصفقه كسبانه من كل النواحي أخلص من ابوكي ف الشغل والبيت لإن كنت بيحب أمك من زمان  بس هي فضلته عليا ف حبقي غبي لو مستغلتش الفرصة دي

طبعا آنتي حتروحي تقولي لمامتك وتروح هيا مبلغه عني واروح أنا ف داهيه بس تعرفي أنا قولتلك ليه علشان لما تروحي تقوليها عمرها ما حتصدقك

وراح مطلع حقنه من جيبه وبسرعه عطاهاني وكانت كميه كبيره عليا لأني مش بتعاطي طبعا اترميت علي الارض أغمي عليا اتصل عمو فتحي بماما وقالها وهو عامل مخضوض

الحقيني أنا لسه داخل البيت لقت حسناء واقعه علي الارض أنا حروح بيها علي المستشفى والخقينا علي هناك

طبعا وداني المستشفى وكان أستاذ ف التمثيل ف زعله عامل فيها أبويا وخايف وقلقان عليا إمي جات ف نفس اللحظة إللي الدكتور خرج من اوضه الكشف ماما بلهفه سألته بنتي مالها الدكتور قالها أوڤر دوز

أنا مش فاهمه حاجه يا بني
يا أمي يعني بنتك متعاطيه مخدر بكميه زياده بس الحمد لله هي تمام دلوقتي تقدر تروح معكم

أمي ست بسيطه جدا  عمو فتحي سيطر عليها و أقنعها إن أنا مدمنة ولازم ادخل مصحه اتعالج

روحت مع أمي وكانت علي قد زعلها مني كانت خايفه عليا بس كانت مقتنعه بكلام عمو إن أنا لازم ادخل المصحة اتعالج وبسرعه عمل اتصالاته وبسرعه حجزلي ف المصحة

دخل عليا هو وماما وف عينه نظره مزيفه خوف مزيف وماما بتعيط ومش عارفه تحوش دموعها

بص لماما بصة حزن مصطنع وقالها أنا حسيبكم مع بعض شويه قبل ما نمشي وبصلي بصه احتقار أنا بس إللي شوفته وهو بيبصلي البصه دي وكأنه كان عارف أنا حقول ل ماما إيه

ماما أنا عاوزه اقولك علي حاجه

خير يا قلب أمك

حكيت لماما علي كل إللي سمعته ليله إمبارح

ابتسمت أمي ابتسامه غريبه كأنها مصدقاني بس كانت ساكته

خلاص كده أنا حكيت كل إللي حصلي ومستعده اتعالج من حاجه مش عاندي أصلا بس كل إللي أنا فيه ده خوف علي أمي خايفه عليها من الراجل المنحط إللي هي متجوزاه
أنا مش مدمنة أنا مش عارفه اخرج علشان الحق أمي من الراجل ده إزاي
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
تفتكرو باسم حيصدقها ولا لا

حيتاكد إزاي من كلامها

إزاي لو عرف إنها صادقه ح يساعدها

عاوزه أعرف توقعاتكم ورايكم ف البارت الجديد

سلمي كحله💎💎💎