الياسمين الذابل

البارت الثالث عشر

الياسـمين_الـذابل
#دعــاء

#البارت_الثالث_عشر

ردت افتح الباب وجان ينفتح فصار دخولي بشكل مفاجئ نضربت بياسمين .. لزمتها لان مالت بجسمها عبالي راح توكع بقيت صافن بيها وبجمالها ..

تركتها انتبهت لابسها بنطرون وتريد تطلع بي لسوك .. صارت تتخيلي اشياء واني محذرها كايل الها بنطرون ممنوع تلبسي

ياسمين : لزمني من خصري وجذبني اله ظلينه صافنين بعض ... تالي ابتعد وترك خصري وباوعلي من فوك الي جوه
- انتي وين رايحه
- اا .. مو انت .  الي طلبت منهم ..
- اييي .. بس ليش لابسه هيج .. بقت ساكته بس حركت اكتافها وشفتها بمعنى شكو بيها
- ليش اني شنو كلت .. مو كلت البنطرون ماريدج تلبسي
- بس مابي شي .. وملابسي مستوره
- اني الي اقرر بي شي او لا .. غيري وروحي
- اني من الاساس مو حابه اروح ..
- غيري ملابسج وروحي وياهم .
- اني ماريد اروح

تقرب علي وهو يباوع بعيوني ومخصر ادي
- جاي تفهمني كلامي .. غيري هذا .. وروحي

- كاافي تأمر واني انفذ .. اني بشر ياخي حس بيه  حالي حلكم  .. لشوكت يبقى هذا اسلوبك ويايه

- اللهم طولج ياروح ..

راح ع الميز وخله مفاتيحه وتليفوناته  و سلاحه وهو يكول سوي الي كلتلج علي بسرعه

- ماريد اروح ..
- ياااااسميين ..

جان لتفت علي و صرخ صوت خلاني ارجف غمضت عيوني من شفته تقدملي كلت راح يضربني

- الكلمه الي اكولها ما أثنيها ..

صاحت ندى يااااسمين وينج

فتحت عيوني كالي يله بسرعه .. باوعتله بحقد طلعت فستان ورحت على غرفة ندى ابدل دخلت الغرفتها كالت

- هاي شنو راح تبدلين
مارديت لان معصبه ذبيت ملابسي ولبست الفستان وبس واحد يبزني انفجر بي

- شبيج ليش هالعصبيه
- اخوج مااطيقه ولا اريد اشوفه ماعرف شوكت الله راح يخلصني منه ..

- شنو صار ..
- واحد متعجرف متكبر ماعنده احترام لاي شخص .. اني شنو الي سويته بحياتي حتى الله هيج يعاقبني ... بعد ماتحمل فاض صبري ..
نزلت دموعي اريدها توكف ماكو ..
- كافي ياسمين .. لا تبجين .. اذا مو حابه ترحين ابقي

- ليش اني عندي قرار ع نفسي .. مجبوره ع كلشي اسوي ..

- اني هم ماروح نخليها غير يوم بس كافي كومي غسلي وجهج يله

جان يفتح الباب باوعلنه ثنينه وكال نزلن كدامي

ندى : يزن !!
- يله ..

جان معصب .. وعيونه ماتتفسر ويخزر بينه باوعتلي ندى هزيت راسي وكلتلها امشي

طلعنه من الغرفه ندى نزلت واني ردت اروح للحمام اغسل وجهي جان لزم ذراعي وكال مو طايقتني موو .. اوعدج تخلصين مني بس بالوقت المناسب ترك ايدي بقوه ونزل كال لامه اني اوصولكم
مشينه الطريق كله عاكف حواجبه ويسوق سريع
الام : على كيفك يزن شنو طايرين
ندى همست لياسمين : بس لا يدخل لسوك ويانه كلشي مانشتري معناها
- ماتفرق عندي