الياسمين الذابل

البارت الرابع

#الياسمين_الذابل
#دعـاء

#البارت_الرابع

يزن: جنت كاعد ومعصب من كلام عمي لان يكلي اجو الناس والشيخ منتظرك و دخل أبويه معصب مني

عمي : لا تفشلنه يول وكوم يله
يزن : لا تخبلوني جاي اكلكم طلعوهم من البيت لا هسه ادفنهم والله ...
الاب : هاي انت بعدك هنا والجماعه كلها صارت بديوان ومنتظرتك ..!!
- بابا لا تخلوني هسه افرغ المسدس براسهم كلتلكم ماراح اسوي الي تردوا ...
عمي : زين والحل
- سليم وين  ليش خليتوا يسافر ليش مانطيتوها إله مو هو الجبير ليش كلشي براسي اني

- اخوك كل وقته سفر و دراسه وهذا الشي ناقشناه قبل لا كل شوي طلعلك سالفه
- استغفر الله .. عمي انطوها لاي واحد من ولدكم ليش اني بذات ليش لكم لا طلعوني عن طوري ؟!

ابويه : يزن اكسر الشر ويله السيد منتظر بس اعقد عليها وتالي معليك بيها خلي دير بالها اخوك احمد

- لا حول الله هاي شنو مشكله .. شنو اعقد عليها انتم قررتوا هلشي وتصرفتوا وحدكم لادخلوني بعد
اني عندي شغل طالع..

عمي : يزن بسرعه كوم لا تفشلنه شتريدهم يكولون عنه ماعدهم كلمه ..

- ما اروح يابه شيريدون يحجون طز بيهم .. وبعدين انتم مو كلتوا مايقبل ينطي بناته اشلون اجت هاي
- يزن كوم بعد عمك نشفت رياگنه كوم ..

- انتم مو جبتوها فصليه اخذوها لاي واحد من ولدكم اني بس اشوفها راح اخليها تكره اليوم الي نولدت بي

عمي : هاي شبيك يزن .. كلشي تحله بالعصبيه والضرب والسلاح البنيه مالها ذنب ..

- عمو هذا دم حمزه .. حمزه الي نحرم وهو صغير من اغلى شي بحياته وهسه من صار شاب فقد حياته كلها .. واحمد الي نعدم شبابه جاي اموت من القهر وانا اشوفه بهاي الحاله ... يابه متحجي انت ليش ساكت .. ليش مخلي گلبي يغلي مو راح اموت من القهر

- يزن الموضوع انتهى ... لهنا وكاافي كلشي صار قضاء وقدر والخطأ من ولدنه و الموضوع نحل عشائرياً والبنيه إلي موجوده هنا مالها ذنب بأي شي واني وانت وامك لازم نقتنع بهلشي

- تردوني اعقد ع وحده وتربة اخويه لهسه مناشفه .. . انتم صدك متخلون عقل بالراس ..

- يزن كاافي عاد اذا مااجيت وياي هسه راح اغضب عليك اليوم الدين ولا انت ابني ولا اعرفك

هنا وكفت وخليت عيني بعين ابويه ابد ماواكف بوجه طول عمري احترمه ومقدر تعبه علينه باوعتله كلتله ...
- اني رايح وياك يابه بس قسم بالله لخليها تكره اليوم الي اجت بي لهذا البيت و ساعتها تعالو ادخلوا 

مشيت قبلهم .. دخلت وسلمت
- السلام عليكم
- وعليكم السلام
جان موجودين ثنين من عدهم والبنيه وعمي كعد والشيخ و اجه ابويه ورانه.. بيده شال نطاه للبنيه خلته على راسها باوعتلها لابسه بنطرون اسود وقميص اسود .. لتفت ع ابويه وهمستله
- حلو حلوو .. هاي فصليه هاي ؟!!
- خلي اليوم يعدي ع خير