الياسمين الذابل

بـارت الحادي عشـر

الياسـمين_الـذابل
#دعــاء

#البارت_الحادي_عشر

حجيتها بعصبيه

- هاي ليش هيج . ..
- ماادري
- ماتدرين لو متعمده
- وشصار رجعي مسحي
- بدور روحي من خلقتي ترى واصله عندي لهنا
اسعد : شبيكم اصواتكم شعلوها ماتكولون احد هنا
بدور : ليش مادريت خدم هلوكت صوتهم عالي
ياسمين : استغفر الله ياربي اللهم طولج ياروح
- هههه شوف ماعاجبها
اسعد : شكو بدور شنو مشكلتج
- ماعندي مشكله تبده الماي الا صار انتقام
ياسمين : لا تستغبين انتي ذبيتي تدرين بيه توني خلصت .. شغلج بس خباثه وخري منا يلا
- اني خبيثه ياحقيره شو متعرفين تحجين
اسعد : كافي بدور اذا ماعندج شي هنا توكلي روحي يم البنات
- وانت شعليك ... اروح ابقى . شنو وكلتك محامي عليها
- دروحي يله عن المشاكل البيت متروس خطار
- والله شي حلو .. اكو من الي يدافعلج غير يزن ..

اخذت الماسحه وكلت مااخلص من الزبل وين ماروح الكاهن كبالي

اسعد من سمعها هيج تحجي باوعلها وضل يضحك اني رجعت عليها وكلتلها لج عليمن هاي الزبل

بقت ساكته وتنشف بالماي جان كلها اسعد انطيني عنج اطلعه برا
- لا اتركه اني اسوي
مانتظر موافقتها سحب الماسحه وطلع الماي برا واني صافنه شلون مهتم بيها هاي شمسويه الهم سحرتلهم لو شنو بس هم زين شفت عليج شي صبريلي اذا ماقلعتج من هذا البيت .. عفتهم وظليت اراقبها من بعيد ..

مااكون اني بدور اذا مادمرتج بسيطه ..

لشوي خفت الناس ظلوا يرحون ردت اشوف يزن واكوله على ياسمين بس جان كاعد يم الرياجيل ..

رحت شفتها مخليه درج وتخلي الصحون داخل الكاونتر لان ماتلوح وترتب بيهن ..
صحت على ابن مريم جان عمره 5 سنوات كلتله انطيك الف وتروح تهز ذاك الدرج
- خاف توكع ياسمين
- نشاقه وياها ماتوكع هي جبيره
- يله ..
- اول شي اضحك وياها وتالي هز الدرج
هز راسه وانطيته الف وراح هو يركض ..
وجان اشوف يزن جاي يمشي باوع علينه تالي كمل مشيته لتهيت اباوع علي وعلى مشيته يخبل بكل حالاته بس شفته دخل للمطبخ قبل ابن مريم

يزن : تعبت واني كاعد يمهم كلت اروح ارتاح شفت بدور هي وابن مريم يسولفون شافتني وظلت تصفن بوجهي لا هلا تعال شيخلصني راح تكعد تسأل ومالي خلك سوالف ابد

دخلت المطبخ اشرب ماي لكيت ياسمين صاعده ع درج ترتب بالصحون
ابتسمت ابداخلي لان هي ماتلوح وماتحب تكل لاحد يساعدها لازم تسوي كلشي بنفسها .. فتحت الثلاجه واخذت بطل ماي جان نتبهت على باوعتلي ..  ومااحس الا ابن مريم يهز بالدرج نفزعت بخوف وهي تكول لاااا .. راح اوكع تركه عفيه
واختل توازنها  والطفل ضل يهز بي حيل
المطبخ جان سيراميك والدرج بسرعه يتزحلك كام يروح ويجي ذبيت بطل المي وركضت عليها قبل لا توكع كمشتها وهي مجلبه بيه محاوطتني من رگبتي ..