الياسمين الذابل

البارت السادس عشر

#الياسمين_الذابل
#دعـاء

#البارت_السادس_عشر

جابتلي الماي اخذته منها وكلتلها طفي ماحب انام وضوه بالغرفه .. جاي اشرب لتفتت علي كالت

- بس اني مجايني نوم .. يعني شلون اطلع من الغرفه!؟
- بكيفج ..

مديت ايدي الها حتى تاخذ الكلاص جرته مني بعصبيه ولتفتت ... جريتها بسرعه علي وكعت بحضني ..

ياسمين : ضوجني كلش بكلامه المستفز جريت الكلاص منه ردت اروح لزمني من ايدي وسحبني علي وكعت بحضنه شعري صار ع وجهه غمض عيونه وابتسم وجذبني علي اكثر ربكني كلشي وتسارعت دكات كلبي وماعرفت شسوي ..

يزن : تمنيت مافتح عيوني وابقى طول الوقت واني اتنفس عطرها .. همست الها 
- ليش .. تتجاوزين ..
حاولت تبعد راسها عني وتبعد شعرها فتحت عيوني  .. شفتها مرتبكه .. انفاسها تتسارع بس تكون بين اديه
- ليش خايفه .. لهدرجه اخوف ..
- ا. ا.. اتركني ..

تلامست خدها وصرت اباوع بملامح وجهه تقربت اكثر وبستها بين عيونها ... بستها بخدها ..واسمع صوتها يرجف ..
يزن .. اتركني ..

وبعدت نفسها ....

- ليش تبتعدين عني ..
- مااحب اتأمل ع فاضي
- شنو تتأملين .. اني الي حق عليج ..
- الك حق يمي ؟؟! من شوكت ..؟!
- ليش اني مو زوجج؟؟
- ههه و انتي شوكت اعترفت بهلشي
- اعترفت او لا .. اكدر اخذ اي شي منج وماراح تمنعيني ..

- مو انت الي كلت ماريدج طخين بيه؟! .. وخلي مسافه بيني وبينك من اريد احجي وياك مو انت الي كلت مستحيل اعتبرج زوجه واستقبلج بحياتي ..
لو لان رغبه بداخلك تريد تكسرني ودمرني

- اكسرج ..؟ لج انتي شوكت تفهمين اني ..
- انت شنو ..!؟ احجي .. اتمنى اعرف اني شنو بالنسبه الك ..

- كومي ياسمين .. كومي بسرعه لا تخليني اسوي شي اندم علي تالي .. كووومي ..
كلها ايام واعقد ع بدور وراح يكون كلشي كدام عينج .. ساعتها تعرفين معنى الانكسار . .
جج
ابتسمتلي وكالت مبروك ..

- تستهزئين

- لا .. بس حبيت اباركلك خاف ماكدر اباركلك تالي
- شتقصدين
- مااقصد شي .. اخذ راحتك ..
- حضري نفسج الاسبوع الجاي تسافرين ويه احمد
لتفتت علي ..
- اسافر ؟ .. بس اني
- بس شنو .. ؟
- اني مااكدر اسافر ويه احمد ..
- وليش ... اذا تقصدين على الجواز مضبط كلشي

- انت ترديني اسافر بس لحتى تاخذ راحتك ويه بدور .. مو ؟ عادي اخذ راحتك .. اعتبرني مموجوده .. لان مو هامني هذا الموضوع صدكني ..

- اهتميتي او لا اصلا اني من زمان ماعتبرج موجوده .. مو شي جديد

باوعتلي بحقد تركتني وراحت

مو هامج مو!؟ .. اعرف بشنو تفكرين تردين تنهزمين .. المشكله بعدج ماتعرفي ليزن ..

مرت يومين وهمه يحضرون لسفر احمد ولخطوبه يزن واني القهر ياكل گلبي .. كل الي بالي انهزم واخلص من هاي الحياة .. بس لو حتى رحت لاهلي راح يلكاني .. ويرجعني لهنا ..
...