#ومن_اعطاك_الحق؟
#🏵-:-بقلمي رفل امير-:-🏵#
🏵#الحلقة:-الخامسة🏵
جر #حسره -كلبي اعليك
ماجرهه #يعكوب
#حسرة يتيم اوصاح
وين #امي الغروب.
🌼🌼🌼🌼🌼🌼🌼🌼🌼🌼🌼🌼🌼🌼
عذاب:- ابوية لو يجي الحمزة ماتلگيه..
هبة:- شهگت وضربت على صدري ولج صخام هذا سمعنا ولج عزااا بعينج
ولاء:- صخام بعيني عزا شكد فشلة منة انوب فوك القهر يرد عليج ويكلج لو يجي الحمزة ماتلگيه
هبة:- سكتت كل شي محجيت الموقف كلش فشلة انسحبت وكعدت يم امي احس حرارتي زادت من ورى الفشلة الي صرت بيها انتظرت امي تكمل وطلعنا نريد نروح للبيت والحظ زيدها والگاه واگف برا باوع وبسرعة دنگ راسة وابتسم يمة ساعة قطرة دم مبقت بجسمي صرت اهرول وما امشي يردون يلحگوني ميكدرون طبيت للبيت واحس الدمعة بطرف عيني فاتت ولاء
ولاء:- هاا
هبة:- وجعا اكلت تبن لج انوب يضحك ويبتسم غير اجيت اشمر روحي من فوگ السطح
ولاء:- والله خية شحجيلج هي مال فشلة فشلة بس يلااااا قابل شسوينا احنا مثلا
هبة:- دولي مو هو مو انتي الي مصخمة الشرايع اني
ولاء:- ديلا قابل حيذبح بو حيصلخ هو
هبة:- سكتت بس افتر بالغرفة واكل بأظافيري وادردم وهاي حاطة علف تعلف وادور عيونها علية خيرج مضيعة الخلفج بوجهي
ولاء:- متستاهل والله تعالي اكلي وياية
هبة:- علفي وحدج ماريد ،،، فاتت الاء وجها ضايجة كتلها ،، شبيج انتي الثانية
الاء:- مابية اكلج صدك تردون تخطبون العمر
هبة:- هسة شجاب صخمان يي نريد نخطبلة جنت ادورلة على وحدة
الاء:-ها
هبة:- اشو هاي عافتنا وطلعت تركض بقينا صافنين ثنينا وراها هاي ،،، شبيها هاي
ولاء:- بس لااااا
هبة:- يعني ،،،، شهگت عزااا شسالفة اليوم كلة صدمات وحدة ورى الخ
ولاء:- خرب اختي خطية والله
هبة:- قهرتني والله بس ذاك المطي شيقنعة
ولاء:- اختي طيبة واعرفها هاي تلكيها ميتة بي
هبة:- عوفيها هسة اني افتح الموضوع ويا عمر واقنعة وكومي جيبيلي علف من الضوجة اظل بس اعلف كم مرة اكلكم لاتضوجوني حسمن والحمزة
ولاء:- خاب ماطيرين تسمن هاج حكوم اجيب علف الي والج
هبة:- يلا راحت هي تجيب النا علف واني بدلت وگعدت عالسرير جتي وگعدنا ناكل ونسولف ،، كملنا ولملمنا ونمنا ،،،
أنت تقرأ
ومن اعطاك الحق؟
Romanceمابين الحب والجنون بالعشق والكبرياء ،،، يكون الاجبار على كل شيئ الا الزواج فهل ياترى سوف يدوم هذا الزواج ام لا.؟. وهل الفارق العمري له ثأثير ؟؟ بقلمي ،،، #رفل_امير
