ومن اعطاك الحق؟

ج2 Parr36

#ومن _ اعطاك _ الحق؟.

#🌼🌼بقلمي رفل امير🌼🌼.

# 🌼🌼ج..2 الحلقة السادسة والثلاثون🌼🌼.

🌼🌼🌼🌼🌼🌼🌼🌼🌼🌼🌼🌼🌼🌼

.. هذا كلة وماجاي نار كلبي تبرد احس دا تحرك بي حرك وتسعر بكلبي .. فعلا هذا مايسموا الموت اللطيئ الموت من تشوف انسان حبيتة راح يروح بلمح البصر لانسان ثاني ..

ماتحملت لبست شالي ونزلت جوا امشي بحركة مثل الواحد الي طلع حركة كلبة بمشية رفعت راسي وجان اشوفة هو كدامي وجهة صاير نار من الاعصاب بس كوة مسيطر على نفسة ..

..جيت احجي بس خفت من عندة ومن شكلة سكتت وبلعت غصت كلبي .. وشكلي راح اظل اسكت الى ان يدفني بالحياة..

.. مسحت دمعة خاينة نزلت من عيوني ومشيت جوا .. ماحجيت شي بس النار البكلبي تحجي كل الي بداخلي ..

..دخلت للحمام حتى لاخلي يشوف ضعفي وانكساري خليه ولوو ابين اني قوية بنظرة حتى وان جان داخلي متحطم..

..فتحت الدوش واني جوا المي بملابسي والجو بارد شتا والجو يثلج .. بس جسمي احسة حار وكل هالبرد هذا ما كادر يبرد النار البداخلي ..

..انتبهت النفسي مجايبة ملابس ،،لبست القديمات وطلعت برا اخذت وبدلت ..

..لبست صيفي بالكي ابرد شوية وتقل ناري ..بس وين ونار الي بالكلب ميبردها بس اللي حركها ..

.. اخذت فراش فرشتة بنهاية الغرفة وسحبت كاروك اشهب يمي ..

.. اتمددت بفراشي تعباااااانة بكل استحقاق الكلمة من معاني ..اشهب يبجي مالي خلك اله .. ظل يبجي اخر شي زهكت بييي وعطت عليييه ..

... كااااااااااافيييييييي ..

.. لم شفايفة وعيونة غوركن دموع وعاط ..

.. انكسر كلبي عليه .. لمت نفسي لان عطت عليه بس والله من ورى نفسيتي جريتة الحضني.. وكعدت انحب وابجي مثلي مثل اي طفل راد لعبة بعيد وماكدر يحصلها وراحت الغيرة وماظلت اي وحدة عند ابو المحل ..

.. بحياتي كلها لابأجباري ولابموت ابوية ولابأتهامهم الي حسيت نفسي عاجزة بكد ما هالمرة هاية اشوف نفسي عاجزة حتى بأن اخذ حقي من الي ظالمني ..

.. اشهب نام وظليت اني وحدي بالغرفة بوكتها جانت اوضاع الانبار كلش سيئة وبلشوا دواعش يحتلون اماكن من الموصل وطلعوا عالانبار صح ماجان اكو شي يمنه بس جنة اقل صوت ضرب مدافع طلق نسمعة ..

.. لنص الليل وهو ماكو مافات للبيت كلبي ظل يلوب عليه .. نسيت نفسي وحزني وقهري وحقدي عليه بس المهم يرجع سالم كل شي بعد ماريد .. ممكن كل الي يميز المرأة العراقية هو صبرها يعني اشوف ناس هناك يمهم يتزوج اثنين واربعة ميحجن عادي .. ويصبرن ويتحملن حبهن للرجل جبير بحيث كل هاي المعرقلات ماتاثر عليه .. والدليل ان من تكشف زوجها خاينها تسكت وتصبر بنفسها بس في سبيل لاتهدم بيتها ..فعلا المرأة العراقية عظيمة بصبرها وقوة تحملها العالية ..