ومن اعطاك الحق؟

الجزء الاول من البارت الاخير

#ومن _اعطاك _الحق؟

# 🌼🌼بقلمي رفل امير🌼🌼

#🌼الجزء الاول من الحلقة الاخيرة🌼

🌼🌼🌼🌼🌼🌼🌼🌼🌼🌼🌼🌼

.. بحيث حتى عمو انتبه عليه وكال .. اخذج للدكتور كافي المرض الماكاعد يرحم بحالنا

.. بس جنت مصرة ماروح الا لمن يجي عذاب وجان شي اشبه بالمستحيل جية عذاب بذاك الوكت ..

.. بس سبحان اسمك يالله كل ماشفت عبدك مكسور جبرت بخاطرة ..

.. لليل واسمع صوت هوسة كب بكل الببت .. اخذت شالي مني ونزلت النص الدرج والكه الغالي واكف كدامي بطولة بس شصاير بي صافي نص عن جسموا قبل لحيتوا طولانة وعيونة الناعسة اللي اتجامل وتحجي وذيج هي مبينة من التعب ..

..رفع عينه وجتي عيونة بعيوني ..ابتسملي ابتسامة الاب من يرجع من الشغل ويشوف جهالة ويبتسم بوجهم رغم كل التعب..

..نسيت وجود الكل حوالية ماهمني كلهم جان اشتياقي اله كلش جبير .. رحتلة اركض .. حضنتة وجلبت يدي بركبتة .. جان شعوري كشعور العطشان ورتوى مي من بعد عطش كلش جبير ..

..وخرني من يمه وكمل سلامه عليهم كلهم ..وكعدوا يسألوا ويحجون وياه وهو كل شوية يباوعلي ويبتسم بوجهي بس جان مبين عليه التعب والكبر والقهر ..

.. عفت كل شي وصعدت فوك حضرتلة المي جان الجو بداية صيف وحارة بس لان دنيا ليل مو كلش مبين الحر..

.. اخذتلة ملابسة وجهزتلة كل شي ..نزلت جوا لكيتة ماكو مكاعد يمهم كلبي كام يوجعني احس صارت بيه خوفة الفقدان كل شي بحياتي ..

... سألت عمو بصوت يرجف:-عمووو ويين عذااب رااح

:-هين بالاستقبال كاعد جوي علي ربعة ..

..بلحظتها من اتأكدت ان هو مطالع وراح بعد يلا تنفست براحة .. عفتة ورحت للمطبخ اجهزلة العشا .. جنت استمتع بكل شي اسوي اله لان احس من صدك بس هو الظلي بحياتي سند ..

.. بس هو بي ريحة اشهب ..

..كملت العشا دورت عليه كالولي صاعد فوك جهزتة وديتة اله فوك لكيتة ثاني رجل ومنزل ثانية عالكاع وحاط ايديه على راسة وصافن بالكاع ..

.. شافني عدل كعدتة وابتسم بوجهي ..حطيت الصينية كدامة ..

فتحلي ايديه من شتياقي اله تلقأئيا رحتلة اركض حطيت راسي جوا اضلاعة ..

..همس:-شونج بنيتي ؟،

:-ميتة وشوفتك حيتني ..

:اششش اشش اسم الله الرحمن كافي لحد هساع الموت اخذ مني جثير لاتجيبين طاري عاللسانج ابد ..

ابتسمت بوجهة:-مو انت تكول هو حق علينا والمكتوب لازم يصير ..

:-يي وبعدهي حجايتي نفس ماهي بس انا اسأل الله سبحانه يلطف بعبدة ويحفظج اللي ..