#ومن_اعطاك_الحق؟
🏵:-بقلمي رفل امير:-🏵
🏵الحلقة:-السادسة🏵
العُزلة لِيست سيّئة فهي وطن للأرواح المُرهقة، فهي نوع من أنواع السلام أحياناً، لا انكسار لا انتظار ولا خذلان، راحه أولاً وأخيراً.. .
💮💮💮💮💮💮💮💮💮💮💮💮💮💮
عذاب:- هاااااااااا
مروان:- شبيك يمعود لحگ ترى انا الضحية اصير
عذاب:- رجعت وجهي للجدية وگعدت عالقنفة ييي يوم شنو الموضوع شكو
ام رافد:- يايمة كافي شكبرك صرت وانت ماراضي تتزوج مو كافي والله قبل لانام مية فكرة تجي ابالي هاا خاف انام وماگعد وتظل بحسرتي اشوفك عريس واشيل جهالك يايمة والله منى عيني..
عذاب:- يمة الخير والبركة انتي لاتحجين هيج هسة هو شنو المووضوع انتي جاي تهيئين للسالفة ؟
ام رافد:- باع شلون عاگد حواجبة والله حتى الواحد يخاف يحجي وياه لانوب يگب عليه
عذاب:- ابتسمت بقهر احچي يمة اسمعج نوريني
أم رافد:- اريد ازوجك
عذاب:-يي ومنو هاي الي ترديني اتزوجها
ام رافد:- يايمة بنية بعشر زلم ، وسبعة ، وملگاها حلو، وامها صديقتي وكافي هي تربات بت عمتك
عذاب:- ييي بنت ام عمر
ام رافد:- يي يايمة والله جيت احجي وياها اليوم بس خفت انت خاف ماترضا واتفشل وياها
عذاب:- صفنت وسرحت بالطفلة الي الله بلى گلبي بيها..،،وحجيت ول امي انتي انا هسة مال زواج والي تجي ماتريدلها وكت وانتي دحگي شوفة عينج هاي مثل ذاك اليوم من خابروني ساعة ١١ويردوني اطلع واجب من اجيبها هي انتي واثقة منها تقبل بالوضع
ام رافد:- مو عليتة الگلبي والله تفلت المر لما كبرتك من دون اخوتك واريد اشوفك عريس يايمة واكحل عيوني بيك ،،، والله تقبل انا اضمنها الك بس انت يايمة ريحني وارتاح وخلني اخطبها الك
عذاب:- والبنية اذا ماقبلت
ام رافد:- تقبل يمة تقبل بس خل نستعجل ونروح نخطبها بالعجل لان يايمة سمعت بيت عمك ابو خالد يردون يخطبوها الطلال
عذاب:- طلال شراب العرگ وكل سالفة مكسرة جامعها
ابو رافد:- يول شو انت ماتحشم ابوك مو انا هين گاعد
عذاب:- حگك يابة بس انت قابل بتصرفات ابن اخوك
ابو رافد:- مهما يكون يبقى ابن اخوي
عذاب:- تمام حگك علي
ام رافد:- سدوا السالفة ،،،، هااا يمة شگلت
أنت تقرأ
ومن اعطاك الحق؟
Romanceمابين الحب والجنون بالعشق والكبرياء ،،، يكون الاجبار على كل شيئ الا الزواج فهل ياترى سوف يدوم هذا الزواج ام لا.؟. وهل الفارق العمري له ثأثير ؟؟ بقلمي ،،، #رفل_امير
