ومن اعطاك الحق؟

Part15

#ومن _ اعطاك _ الحق؟

#🌼🌼بقلمي رفل امير🌼🌼

🌼🌼الحلقة 🌼الخامسة عشر🌼🌼

قسمت نسيانك ليلاً فرأيتك في منامي أي حب هذا الذي أبتليتُ به؟❤

🌼🌼🌼🌼🌼🌼🌼🌼🌼🌼🌼🌼🌼🌼
.. نمنا ثنينا سوى بأنتظار يوم ثاني يشرق على حياتنا..

.. الصبح گعدت على حركة وثكل صايرة على بطني..

.. رفعت راسي بتثاقل باوعت عذاب حاط ايدة على بطني ومقفلني..

.. اخذت نفس اباوع على وجهة جان شكلة رجولي حيل رموشة الكثيفة وسمار وجهة ولحية ماكو بس اثرها بس شوارب وسط صفنت عليه..

.. وماحسيت الا على صوتة وهو يتململ.. هون اعمل نفسك ميت اني جنت اباوع شكد عيب بالعكس اني افقى مني مفيش..

... سويت نفسي توني كعدت ،، هو فتح عيونوا كتلوا،، صباح الخير..

:- صباح الشهد،، من شوكت كعدتي؟!

:- قبل شوبة..

:- همم دكومي يابة عجل هيريلي الحمام هساع عندي شغل..

:- تمام ،، كمت فتحتلوا الحمام وجهزتة ونزلت اسوي ريوك اله

.. طكيتلوا بيض عيون ودا احضر بالجاي نزل هو كعد عالميز صبيتلوا شرب وما اكل

:- ليش ما اكلت..

:- بعدين يابة تاخرت وهذا العار حرك الحو حرك..

.. طلع وهو يحجي بالموبايل ومستعجل.. اني لملمت الصحون ورتبتهم وطلعت فوك الغرفتي باوعت منا ومنا لساتني نعسانة رحت فتحت الفراش ولفيت راسي ونمت ،،

.. ماكعدت الا لمن نهى تكعد بية كومي وكومي..

رفعت راسي ،، خير!!

:- ولج خاب كومي اجني الغثيثات..

اني سمعت الغثيثات هنا ام النعاس طار من عيوني:- شجابهن ذني؟؟

:- انا اددري خايب ذني يحلمن بينا كل يوم والثاني طاسات..

:- خرب عينة العمي يعني والله ذني بطرانات اني ميتة نعاس وهسة لازم تكعدين تجاملين ويطيح ام حظي..

:- دكومي يلا بساع لان جيتهم على غدا..

:- جيت جيت ،، نزلت نهى واني فتت حمام سبحت شوية صحصحت خابرني عذاب..رفعت خط

:- الوو

:- الو يابة هبة بس كولي لامي محتاجة شي ؟

:- ليش مخابرتها على موبايلها ؟!

:- ماكو خابرتها چثير بس ماترد دحكي هساع حدري جوا شوفيها اذا محتاجة شي خابريني..

:- ماشي انت تعرف منو يمنا..؟!

:- بساع يابة عندي شغل من يمنا؟!

:- بيت عمك ابو خالد!

:- وانا اكول ليش خابرت دحكي اذا كالتلج خابري كليلها مايرد انا راح اغلس ما اجي ماشي؟!