ومن اعطاك الحق؟

Part20

#ومن _ اعطاك _ الحق؟.

#🌼🌼بقلمي رفل امير🌼🌼

#🌼🌼الحلقة 🌼 عشرون🌼🌼

أنت وطني ومَوطني أنت ارضي التي لا تُحتل❤

🌼🌼🌼🌼🌼🌼🌼🌼🌼🌼🌼🌼🌼🌼

:-ارجعي هباوي والله يحبج

:- الله كريم بس السالفة صعبة ترى ..

:- صدك انتي ماسمعتي شصار بصفا..

:-لا شبيها

:- ابنها مات ابطنها جايبة حب مادري شتسوي بيه وشاربة من عندة متوهمة عبالها دواها مال المقويات وبعدين من اخذوها للدكتورة كايلتلهم ميت ولازم تعكد الرحم لان رحمها صغير ومرتين اسقاط صاير عندها ..

مادري لحظتها المفروض افرح او ازعل عليها احسها مالها ذنب هو الي جان السبب منه من قبل على نفسة يتزوجها ويتقرب الها وبعدين يتركها ويجيب غيرها وهم يتقرب الها فابدا ماللومها الها اللوم كلة عليه هو:-ياااا

... الله يصبرها ان شاء لله .. وهسة شونها

:-تبجي كل وكتها وتصيح هجمتوا بيتي الله لا يوفقكم ابني راح وراح يطلكني ..

:-ليش هو صدك يريد يطلكها؟،

:-اصلا هو طلع من متزوجها متزوجها بس لان ظهيلة وشارط عليهم محد يدري وقابلات وكايللهن ماريد جهال وخلفة وهن قابلات شبساع غيرن رايهن بالعجل مادري وهو الي مسوي هساع نار ان هن كاسرات كلمتة وهسة هو ينتظر يومين ويطلكها لان هو اصلا من الاساس مال حتى لو الولد موجود تجيبة وتطلك ماريدها مرة الي تصير بعد ..

:- هايي شبي ويا الطلاك عبالك الكلمة بالساهل هيج ..وعمو شنو يكول

:-والله عمي متشوفين هيج صار عصبي لان يريد يطلكجن وعمي كب عليه وهو بوكتها غادي نار كبرة وعمة تهدي ويمعود اسكت ماكو بعد انهد ومناك سالفة نهى وبيت عمهم ابو خالد ذب حركة كلها بيهم وهساع ميتحاجون وياهم هم ..

:-حيضيع العالم بعصبيتة مو كلة ينحل بالاعصاب هسة غير افتهم من شنو معصب مو ثنينة يريد يطلكنا وحيطلك..

:-احنا نجذب على نفسنا خية والله يحبج وهاي لولتة وعصبيتة كلها لان انتي ماراضية ترجعين وياه والا هو صفا كال قندرة عليها ما تصيرلي مرا وماريدها ..

اخذتلي صفنة:-يعني هسة بهالحالة اذا اكلة لا مارجع شنو حيسوي ..

:-لا هبة لاتكسرين حجايتوا وتنطي بيه جدام الوادم شايفة هساع من جاج اذا رجعتي وياه شكد راح تكبرين بعينوا لان انتي ماكسرتي بيه وماكسرتي باهلوا وعماموا ..

:-بس صعبة والله كووثر الي سواه مو قليل اني حامل بلا بوحدة من كباتة سمطني بجلاق طيرني بيها اني وابني ساعتها شكول شحجي ..