تم سے محبت تک (Completed)

قسط نمبر 10

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

""حقیقت میں ملنے کی آرزو ۔۔ خوابوں میں ملنے کا دستور
وقت کی اس ستم ضرفی پر ۔۔۔ ہمارا کیا قصور""
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ کمفرٹر کو اپنے اوپر اچھے سے اوڑھے نیند کی وادیوں میں گم تھی ۔۔۔ نرم گرم بستر اور موسم کی ہلکی سی خنک اسے ویسے ہی بہت بھاتی تھی۔
یونیورسٹی کی لائیف ہوتی ہی اتنی ٹف ہے کہ نیند کی قیمت کا بخوبی اندازہ ہو جاتا ہے۔
وہ بے خبر گہری نیند کے مزے لوٹ رہی تھی کہ یک دم اسے اپنے بالوں میں ایک مانوس سے لمس کا احساس ہوا۔

آہ وہ اس لمس کو جی جان سے پہچانتی تھی ۔۔ ہاں وہ اس پر شفقت لمس کو گہری نیند میں بھی پہچان سکتی تھی۔
ان چند دنوں میں وہ لاشعوری طور پر اس لمس کو ڈھونڈا کرتی تھی۔۔۔ اس کی کمی محسوس کرتی تھی۔

انشال نے آہستہ آہستہ کر کے اپنی آنکھیں کھولیں تو اپنے سرہانے عائشہ بیگم کو بیٹھے پایا۔ وہی اس کے بالوں میں آہستہ آہستہ ہاتھ پھیر رہیں تھیں۔
وہ خوبصورت بے داغ سفید لباس میں ملبوس تھیں۔ ہاں بس ان کا چہرہ واضح نہ تھا۔۔۔ وہ تھوڑا دھوندلا تھا لیکن پھر بھی انشال انہیں پہچان گئی تھی۔

انشال پلک جھپکتے ساتھ ہی اپنا سر ان کی گود میں رکھ چکی تھی۔ ان چند دنوں میں جب اس کے محرم نے بھی اس کا ساتھ نہ دیا اسے بخوبی والدین کی قدر آگئی تھی۔
وہ عیش و آرام۔۔۔ وہ ٹھاٹ باٹ تب تک تھے جب تک اس کی ماں زندہ تھیں اس کے بعد تو سب بدل گیا تھا۔
لیکن اب اسے قدر تو نہیں ہوتی تھی ۔۔۔ اسے پچھتاوا ہوا تھا۔
آخر قدر تو وہ ہوتی ہے جو کسی کی موجودگی میں کی جائے۔۔ غیر موجودگی میں کی جانے والی قدر کو پچھتاوے میں بدلتے دیر نہیں لگتی۔

اُس کی آنکھوں سے آنسو مسلسل لڑی کی صورت بہہ کر عائشہ بیگم کے دامن میں جزب ہو رہے تھے۔
انشال کچھ نہ بولی ۔۔ وہ کچھ بولنے کی حالت میں ہی نہیں تھی ۔۔ وہ اس وقت صرف اس لمس کو محسوس کرنا چاہتی تھی۔
اور پھر ایک دم عائشہ بیگم نے اس کا سر اپنی گود سے اٹا کر واپس تکیے پر رکھا۔ اس کا چہرہ اپنے دونوں ہاتھوں میں تھام کر اس کا ماتھا چوما اور اٹھ کر اجلت میں جانے لگیں ہی تھیں کہ انشال نے آگے بڑھ کر ان کا ہاتھ تھام لیا۔ جیسے وہ یہ لمحہ قید کرنا چاہ رہی ہو۔۔
لیکن ہائے رے وقت۔۔۔ جو نہ موقع دیکھتا ہے نہ محل بس چلنا جانتا ہے۔۔۔ کافی جگہوں پر یہ بات خوش کن ہوتی ہے لیکن کافی جگہوں پر یہ بات دکھ کا باعث بھی بنتی ہے۔

ایک جھٹکے سے اس نے اپنی آنکھیں کھولیں اور فوراً سے پیشتر اپنے ہاتھ کی طرف دیکھا جہاں ابھی عائشہ بیگم کا ہاتھ موجود تھا۔
لیکن آہ ۔۔۔ وہ صرف ایک خواب تھا۔
بلاشبہ یہ احساس زیادہ تکلیف دے تھا کہ اب وہ خالی ہاتھ رہ گئی تھی۔
اس نے اپنی جنت کے دروازے کو ویسے ہی نہیں دیکھا تھا ۔۔ لیکن اب وہ اپنی جنت کو بھی کھو چکی تھی۔
وہ پسینے میں شرابور وہیں تھی لیکن اب عائشہ بیگم وہاں نہیں تھیں۔