فتحت الثلاجة وطلعت منها شكو شيء احتاجة حتى اطبخة الهم على العشه وبديت اشتغل واحضر المواعين و اروح منا وارجع منا لحد محست ايمان على الاصوات الي من المطبخ ، نزلت " هاي شسوين زهراء" التفت الها" احضرلكم العشاء " اتجهت للسنك غسلت وجها " ماله داعي حبيبتي هسه تجي امي وتطبخ " ساعه٦ ونص .. كلت " ميخالف خطيه هي كلشي عليها "
ايمان " طيب حساعدج واسوي سلطة شلوني" كمنة نضحك ، لما تركنا الاكل ع النار اجتي خالتي وعلي شافتنة كاعدين على ميز الطعام و نتصفح بلفون والاكل ديستوي " هاي شنو! اتجهت للجداري وفتحتها " اليوم منو محضر العشه" وكفت وابتسمت الها " اني وطبعا ايمان ساعدتني هم'' التفت علي خالتي " ليش تعبتي حالج بنتي ، ماكو داعي ، بعدين منا ورايح مسوين اي شي تلتهين بدراستج بس " زهراء " اي اكيد " ايمان " حروح اقرا بس تصبون صيحولي
كنا كاعدين ناكل " وفاء" تدري ابو رضا اليوم زهراء طبخت العشاء " رفع عيونه من الماعون " ابتسملي صدك، عاشت ايدج طيب " خجلت " شكرا خالو " وفاء " عاد رضا و علي يحبون المعكرونه حيل بس اني نادرا اسويها وتعجبهم" باوعت على رضا ابتسملي وجان علي مشغول ياكل ويباع على التلفزيون وهو يحرك برجلي كانو ديتمرجح ومستمتع بلوجبة " ايمان ضربتني بعكسها على ايدي وبصوت ناصي " هسه رضا ينسف الماعون كلة" رفعت حواجبي " ايمانوو عوفيني"
ثاني يوم هم اخذوني وياهم بلسيارة للكلية جنت احس محملتهم فوك طاقتهم بسبب وجودي وياهم و اكلي و تحملهم الي جنت اريد اعتمد على روحي بكلشي وما اكلف احد بس تحملت هالاسبوع الي اخذني بي زوج خالتي وبديت اروح وحدي بلمترو " قبل لا يكعد رضا وخالي كعدت وقبل لروح كعدت خالتي شافتني بعد مفهمتها " مثل متريدين زهورة من توصلين رمشيلي"
وصلت للكلية من وقت وكعدت اكلب المحاضرات على الدرج الي يوصل للقسم " صباح الخير ايتها الطالبة المجتهدة " رفعت راسي وباوعت كان الدكتور" ابتسملي يلا حتبدي المحاضرة وكان ورا شاب اطول منة واكف بهدوء ابتسمت" صباح النور دكتور ،اوكي " رحت قبله وكعدت احضر فوني حتى اسجل المحاضره لحد مدخل " صباح الخير شباب .." جانت هوسة القاعه وناس توها تدخل ظل الدكتور يحجي مع الطالب الي جان ويا لحد ما سكتوا " كال " انتهيتوا.. جيد ، اعرفكم بالطالب الجديد حيدر جواد ساعدو لان هو متاخر على المحاضرات ولا تقصروا معه بأي شيء" رد واحد " بعد وقت "، وكام البعض يضحك " كال الدكتور " تفضل حيدر ، نبدأ المحاضره"
بداخلي كلت هذا" عراقي لو ايراني من شكلة كانت بشرتة حنطية وجوه عيونه هالات سود خفيفه وعيونه غائرات شوي وشكله جذاب يوحي بالهدوء باوعت لميساء وابتسمت هي هم ابتسمت انتهت المحاضرة " اجتني ميسا " ليكي زهراء يلا نروح لعندو " زهراء" ماعلي تريدين روحي ، استحي" ميسا" شو تستحي.. بتمزحي ، لاتنسي الدكتور طلب منا نهتم في لانو متاخر عن المحاضرات " وضحكت
زهراء" ميسا المحاضره الوراها عدنا كوز ولج خل اراجع " واني دباوع الها شفتة وراها" السلام عليكم ، انتوا تحجون عربي!! ؟ " التفت ميسا وابتسمت" اي اهلين ، انا ميساء من سوريا " وكفت" اهلا ،زهراء من العراق" هو ابتسم " اني حيدر من العراق هم .. اسف اذا قاطعتكم بس .." ميساء قاطعته " لا عادي حيدر اي شيء تحتاجو احنا موجودين " حيدر " شكرا .. الصراحة اني موحيل باللغة التركية لسه ممتقنها زين وهمين مصارلي اسبوع من اجيت لهنا " ميسا" عادي كلنا بالبداية هيك بعدين نصير نتكلم بطلاقة حتى مع بعض " حيدر" حلو .. التفت الي " من وين من العراق؟ " زهراء" من بغداد " كال " اني هم تشرفنا " ميسا " شباب خلونا نروح نشرب اشيء حار " حيدر تردد " مريد اضايقكم يمكن عدكم امتحان او شيء " ميساء " لا عادي بعدين انت ضيفنا اليوم " زهراء " طيب " اخذت ميسا اغلب الوقت هي الي تسال وتسولف واني ساكته واباوع عليهم" كان حيدر يخجل منها وهي اغلب الوقت تحجي وتباع بوجهه مباشرتا كان يباع على كوب مره ومرات يحرك عيونه على مكان ويتكلم او يباع علي شوي ويرجع يحجي وياها ميسا قلبها طيب و تحب تساعد الغير وبسبب هالشي توكع بمشاكل كومه بعدين نسولف عليها"
من انتهت المحاظرات ميسا " كيفك بالامتحان زوز؟" يمكن اجيب ٨او٩ من١٠ بس زين لان اجت صعبة هلمرة" ميسا " انا ما كتبت ولا حاجة " كلت" موشيء جديد وكمنة نضحك" دنمشي والتقينه ب حيدر كان الدكتور يحجي ويا وراد يروح شافنة الدكتور ابتسم النا " كنت اتحدث عنكم ، بنات ساعدوا حيدر بلمنهج واشرحوا له الي مضى وطبعا لكم درجات على هالشيء "
ردت ميسا بحماس" طبعا يا دكتور " الدكتور" بالتوفيق اذا ، لازم اروح مع السلامة "
ابتسملنا حيدر " يمكن اني بورطة" ميسا" لا تخاف زوزى شاطرة كتير هي مرات تذاكرلي وانجح رح تذاكرلنا نحنا الاثنين" وكامت تضحك " اني ابتسمت .. من باجر حيدر جيب وياك الملازم وحنكعد نلخصلك ونشرحلك كل يوم محاضرة من كل مادتين تقريبا ونشوف "
حيدر" اني اطلعت عليها هي بالانكلش ف حيخدمني هالشيء لان قوي بي .. شكرا محتقصرون.. ميسا " ولو اهلا فيك اي وقت " حيدر " يلا استاذن .. بيباي" ميسا وزهراء" باي " ميسا"شو ظريف هالشب .. " ضربتها على ظهرها بخفة" ميسو يلا نرجع للبيت تغدي ونامي وراها اكعدي اقري " ميسا" شو هالحياة البائسة يا زوزي من بدأ الدوام وتعرفت عليكي وانا ما اطلع لمكان ولا عم غير جو .. الخميس بعد الدوام لازم نطلع لعرفك على تركيا اكثر " زهراء " الله كريم ،اذا ما طلع امتحان عدنة " ميسا " بلا تشاؤم رجاءاً وضحكت ليكي مو تنسي .. فونك لازم يضل مفتوح حتى نتفق شو نعمل " لوحتلها بايدي " اوكي ، باي "
وصلت للبيت لكيت بس رضا كاعد ضايج ويباع على التلفزيون هلو رضا" لعد .. وين خالتي ؟ " بالدوام نسيتي ؟؟" اني سكتت وتذكرت انو بالدوام قبل ليرد بس بعد سالت " اي صح .. تاخرت اليوم شوية شو "
رضا" اي عادي .. المهم زهراء ورا متبدلين اريد احجي وياج"
زهراء" بخصوص شو؟! ..
رضا" محاكلج.. شيء عادي' زهراء اوكي " رحت ابدل باوعت ع روحي بالمراية " يو شيريد هذا !" اتوقع عرفت
أنت تقرأ
دياري ✨
Fanfictionدياري ..قصتي بلهجة عراقية ، اول قصه الي بلهجتنا حبيت تكون قصه شويه مختلفه عن بقيه القصص للكاتبات الي تعرض واقع الحياه البائس او المشاكل الي بلمجتمع هالقصه قريبه للواقع ايضا بس بشكل ان شاء الله تعجبكم💗✨ • حتكون القصه مو حيل طويله ولا ح...
