داومت "فكرت اكول لميسا بس ترددت " اغلب الوقت من يمر يباع علي ويبتسم وكان مستمتع بتخويفي وتحذيره الاخير لينغ جان شكله ابيض الببشرة وملامحه حاده وشعره اشقر وطويل القامة الشر الي بداخله يخليك مترتاحله ينعكس على وجهه.. عرفت ان درس باوكرانيا الطب سنتين بعدها نتقل لتركيا وحول لطب الاسنان
لاحظت ورا فتره ميسا ان من اشوفه اني او يمر من يمنه او يحجون عنه اتضايق وانزعج
كنا مرا جالسين نسولف عن بيران عدوت ميسا ف كالت" صح زوز ملاحظتك تتغير ملامحك من نتكلم عن لينغ شو صاير !!
كلت باستغراب" ا..ا ني ؟؟ شلون؟؟
ميسا " والله عن جد !!"
اجه سامر " صباح الخير كيفكم ؟ " ميسا" صباحو الحمدلله تمام زهراء " صباح النور تمام"
سامر" الحمدلله .. كنت مخلص اليوم محاضره الكيميا الحيويه ماتصوروا شكد مزعجه " ضحكنه وضلينه نسولف على المواد نست السالفه ميسا ورجعنه ع بيت
ركبت الباص "
جلست باحد المقاعد الفارغه وكعادتي طلعت السماعات واني البسهم نظرت لكيت لينغ د يصعد الباص " حاولت قدر الامكان ميلاحظني بس غلطت كان مترصدني حسيت بجسم كدامي واكف رفعت راسي كان هو يبتسم " لا تختبئي لااحد يلبس حجاب غيرك هنا ايته الارنبه كعد بلكرسي اليمي التفتت علي " ماذا !! لم تجلس هنا .. ماذا تريد؟؟
لينغ" ماذا ، انا اجلس فقط! هل الباص لك؟ وبدا يتفحص المكان بسخرية
" انظر لينغ لنصفي الحسابات ! تصرفاتك لا تطاق" لينغ " انا استمتع باغاضتك لذا لا اريد تصفيه حساب !خلة ايده ع ذقنه قال شي بالاوكراني مفهمه سكتت ثواني كلتله " اذا انت تحجي بالاوكراني استلم لهجتي ع اصولها .. يا حقير ..يا نذل ششايف نفسك ها! " جنت احجي ببرود وثقه
بعد محجيت عراقي وطلعت الكلام البقلبي
" لينغ: ايته المشاغبه لا تعبثي معي ، قد ترين الاسوء !! بعدها كام وغير مكانه
كلت تعادلنه!! هف
شوي ونزل عند مكان كلت بداخلي " بالله طلع واحد عصابجي او مدمن اني ليش رجعت رديت علي خرب اه"
وصلت للبيت لكيت خالتي تخلي الاكل على الطاولة" هلو زهورة .. يلا بدلي وتعالي اكلي "
نزعت جاكيتي" ما اشتهي اكلوا انتم " ايمان " لج ليش غير مسوين دولمة ضحكت " هسه تسوين اغراءات اليه؟؟"
دخل رضا كالت وفاء" هلو اجيت! يلا حضررت الغده مو هم متاكل!! كال رضا " ما اريد هسه مالي خلك شي!! اجه علي الصغير يركض "ماما غسلت " وفاء ياا هاي شبيكم اليوم !! باع عليّ رضا و اني باوعت عليه !!
ايمان " تناكرتوا بلشارع وجيتتوا؟؟
كلت " رايحة ابدل " رضا رفع حاجبه " ليش متاكلين !؟
كلت" مجوعانه !! " ظلينه ساكتين ثواني
بدلت ونزلت اتغده مدامه ميجي
نزل ورا شوي رضا شافنه كاعدين راح غسل اديه واجة ياكل " وفاء" اي عفيه هيج اريدكم حبابين ! اني كمت اضحك " والله ياربي هسه ليش اجيت!؟؟ رضا" خفت لا تنسفين الدولمه ومتبقيلي شي " كاموا يضحكون كلت" هيهيهي
" وفاء" اسكت لتكول هيج ع زهراء..
ايمان " بزونه صديقك هي فد حركة كل شوي الكاها بمكان وتركض ورا العصافير ومتاكل غير لحوم واقراص مكافئه علي " اني كلش احب االقط" ابتسم رضا" بس تنجح اشتريلك " ظلوا يسولفون عنها اما اني شوي وكمت
رحت غسلت ايدي صعدت اقرا
الصبح بالجامعه دخلت القاعه وصلت متاخرة تكلم دكتور الانسجة؛ تفضلي
رحت امشي ف مد رجله لينغ وتعثرت بس موكعت ظليت صافنه .. كعدتت اخر شي ومفهمت شي من المحاظرة لو اعرف مادخلت
بعدمخلصت رحت اتمشى مع ميسا للكفتيريا " شكلك لطيف اليوم وانت تطلعي ع مكان تجلسي في "
زهراء" يمعودة شفتي شون تعثرت ""
ميسا لا عن جد!! كيف
كلت " خليني ساكتة"
ملاحظو ا ميسا وحيدر الي صار لان كاعدين بلبدايه
شربنه نسكافيه وجلسنه نراجع الامتحان
بعد مخلص الامتحان طلعت وبقة حيدر و ميسا يحلون ف كعدت وحدي على مسطبه اتشمس كنت مرتاحه نوعا ما لان جاوبت
صار ظل عليه رفعت راسي وعيني على شخص كان سامر " مرحبا .. شلون زهراء "
ابتسمت '' اهلا سامر ، الحمدلله"
كال شو وحدج " .. " حيدر و ميسا يمتحنون لسه'' كال" وانتي شطوره طلعتي اول شي ، مبين مجاوبه " ضحكت " الحمدلله " كال عادي اجلس يمج تحركت " اي عادي " سامر " عندي موضوع وياج !!"
التفت اله " شنو!!"
سامر" صراحه البارحه بسيارتي جنت اسوق شفتج بالباص وكنت احاول اخليج تنتبهين الي بس مركزتي كنتي تتكلمين مع لينغ وشكله مضايقك كان واضح لان كاعد يمج صح!!!
ظليت صافنه بوجهه " شدراك!!"
ابتسم " مبين عليج .. شكلج لطيف دايما ومبتسم بس من جان يمج لينغ جان وجهج احمر على متوتره وموتمام ف كوليلي صح كلامي !! شبي وياج؟
ضحكت" لحظه لحظه منين تعرف لينغ!!؟
سامر ابتسم " الصيدلة والاسنان اخوان هواي نعرف عنكم وببساطه لينغ مشهور بلكليه صح يمشي مع بيران ام تنورات قصيره وشعرها على جانب دايما و شايفين نفسهم ويتعارك هواي!! كوليلي هسه انتي شعلي بيج !!
تنهدت " معرف شكول لان ما اعرف السبب الحقيقي " كال " برايج شنو !! شتفكرين ؟
كنت اريد احجي واجه حيدر " زهرراء العفو .. التفت اله " شنو جواب الفراغ الاول "
كلتله " blood vessel" ليش شكتبت !!
ابتسم " الحمدلله كتبتها اخر شي ونطيت الورقة " التفت لسامر" هلا .. اسف ع مقاطعه صدك !
سامر" اهلا .. لا عادي "
كام وباوعلي "استاذن حروح ، نكمل بعدين " استغرب حيدر " شتكملون " كلت " هيج سوالف .. غيرت الموضوع " طلعت ميسا!؟"
كال " اي قبلي !!
انتهى الدوام ووكفت انتظر الباص
اجه سامر" هلو زهراء عادي اوصلج! ا
ارتبكت " لا طبعا ، ما كو داع شكراً "
سامر سكت نوب كال" طيب ،دربالج على نفسج ..
لزمت جنطتي بقوة كلت بداخلي واني اتجه للباص الي بدا يقترب " يي ، شهالاحراج!! نوب شون رديت علي خرب اسلوبي تعبان قلدت الي كلتتة" لا طبعا "
صعدت الباص و بدا الغير يركبون منتبهت لاحد عدلت حجابي شفت لينغ ظليت صافنه " هذا صدك يحجي !! كان يتجه نحوي فجاة اجة من ورا سامر وتقدم ليكعد بصفي " هلوو !!
تفاجات وبنفس الوقت اطمئنيت " هلو!!"
كال " شكتلج !! والتفت لكدامه وابتسم كان هادئ باوعت للينغ الي ملكة مقعد غير اخر شيء واضطر يكعد ويسكت
كال سامر" اسف على هالتدخل بس راقبته شفته وراج بمسافه يمشي حتى يخبث ويزعجج ف نطيت مفتاح سيارتي لصديقي ياخذها و قررت اخلي حد !
زهراء" شكرا صراحه فاجاتني ولا توقعت يسوي هيج!!
سامر" زعطوط .. التفتلي هي اخر مرة تركبين باص لو اوصلج لو تغيرين طريقج او تكسي !
زهراء" لا حخلي حد لتصرفاته باجر!!
كال" حيطلع نفسه بريء لان مسوه شي اليوم صح لحكج بس مسوه شي بسببي سو ..مو حل هذا!!غير هيج نماذج يستضعفوج ويسحقون سمعتج كلشي وراهم
ظليت ساكتة
ضحك كال" لتخافين ولج .. بعدين كوليلي باجر شو الي حيصير من تداومين ماشي !! كلت "ميخالف"
بقة سامر لحد ما راح لينغ وصلني للحي وقفت" هياني وصلت شكرا هوايه تعبتك
- سامر " مسويت شي ولو .. دربالج ع روحج زهرا
كلت " ماشي. . باي "
سامر " الله وياج"
اول مدخلت البيت دا امشي وندك الباب رحت فتحته لان جنت قريبه ..نصدمت
كان على باب لينغ " هذا منزلك اذاً !! "
"لينغ!!!"
أنت تقرأ
دياري ✨
Fanfictionدياري ..قصتي بلهجة عراقية ، اول قصه الي بلهجتنا حبيت تكون قصه شويه مختلفه عن بقيه القصص للكاتبات الي تعرض واقع الحياه البائس او المشاكل الي بلمجتمع هالقصه قريبه للواقع ايضا بس بشكل ان شاء الله تعجبكم💗✨ • حتكون القصه مو حيل طويله ولا ح...
