كلتلها احجي" كالت وهي تباع ع الارض" في بنت تشاركني غرفتي وهي خبرت عني التفت علي لك زهراء تصوري هي المره الثالثه بدون ما بعرف انها خبرت عني .. تفاجات ان ماما وبابا يتصلوا علي يخبروني ان هم جايين للجامعة " لما وصلنا خبروهم ان انا اضايق البنت الي معي وازعجها وانو ارجع متاخره للغرفه و الاقوى انو تتهمني ب الادمان احد انواع المخدرات!!؟
اني ظليت صافنه " ادمان . ؟؟".. " ليكي تقول فتشوا الغرفة يوم كنت طالعه معك ولاقوا شي كمية ة وتحت سريري كمان ... ضحكت " وانتي مصدومة' !! تعرفين نفسج مو الج هالامور .. ل" قاطعتني " لك اي بعرف واهلي كمان بس كيف حيقتنعوا الادارة هي يلي الي ترجع متاخره وتضايقني وتدخن كمان وهددتا كذا مره انو ابلغ الرئاسه بس ما حبيت اعمل مشاكل .. بس هي لعبتها صح" ظلينه ساكتين شويه و طلع ابوها وامها من الغرفه وهي راحت لعدهم .
عائلتها ساكنين بغير منطقه بعيده عن الكلية ف اضطرت تاخذ قسم داخلي ولسوء الحظ هي ملكولها مكان غير يم هي ريتا الي للاسف ابوها تاجر اقمشة و واسطتها قوية ..
بعدين كلتلي ميسا ان اهلها مضطرين يخلوها تتحمل هالسنه كلها وي هالبنت لحد السنة الجايه او تلكة شخص يتبادلون الاماكن وطبعا الكل يعرف شنو ريتا ومحد يقبل يعيش يمها بسبب مشاكلها الي تلزكها بغيره رجعت للبيت فتحت الفون لكيت رسائل من ضمنها حيدر راسلي المحاضره والاشياء الي اشر عليها الدكتور وسالني عن ميسا ظليت احجيله عن ريتا الي اذت ميسا.. "لازم تبرئ روحها وتلزم عليها الحجه حته تثبت ان هي مسوت كل هذا و تطردها من الغرفه .. كلتله " مو بهالسهوله تكدر تسوي هيج بعدين هي غنيه وعدها واسطهة عدوها على خير .. " حيدر " لتخافين عليها محتسوي ريتا بعد شي الها بس لازم نحاجي ميسا .. زهراء " اكيد " سكتت شوية .. حيدر " اي مكلتلج لكيت مكان اقيم بي .. وياي ثنين اصدقاء من غير قسم بس احسن من ريتا .. ضحكت " الحمدلله لكيت مكان" .. حيدر " اي والله جنت استحي من صديقي عثمان هواي ثكلت علي ... بعد مخلصنه حجي اتصلت ع ميسا " ها ميسو ، شونج!! شنو اخر الاخبار؟ " ميسا " اهلين زوزي " تنهدت وكالت " ماظن حتعدي على خير مع هالبنت انا لساتني برا باحد المقاهي كارهه الغرفة تبعنا ومابدي اشوف وشها يمكن اقتلها.. ماما وبابا رجعوا واكلت بهدلة بسببها ضحكت " يلا ميخالف المهم موزين الوقت تاخر ارجعي للبيت الجو بارد" ميسا " ما خبرتك احد اصدقائي شفتوا هون كان يشرب قهوه وعزمني عليها واظن حيرجعني ف لاتخافي علي " زهراء " حلو ، انتبهه ع روحج اذا الولد مو راحه لاتركبي ويا " ميسا" لك هذاعراقي بتعرفي سامر .. مر من هون قبل شوي واخذنا نتكلم وهلاء راح يدفع الحساب " زهراء اها .. ميسا " يلا اجا ، بروح تصبحي ع خير... " زهراء ، خوش ، وانتي من اهلو.. بس ترجعي دزيلي مسج" سامر " يلا اوصلج " ميسا كامت وابتسمت " شكرا ،، ماكان في داعي ... سامر " ولو عزيزتي .. " ميسا " مافي اطيب منكم العراقيين عن جد ." ابتسم سامر" شنو المناسبه" ميسا " انت وزهراء وحيدر كلن مناح وطيبين وتخافوا علي كانو تعرفوني من زمان .. "سامر"شكرا .. اي وقت احنه بخدمتك .. غير الموضوع زهراء .. حاب اتعرف عنها اكثر ، بس ماعدي فرصه .. ميسا " شو حاب تعرف " هو ابتسم " يعني اتعرف عليها ك صديقة .. ميسا " ان شاء الله ننجمع كلنا سوا بيوم ونقضي اوقات حلوه" سامر وهو يستدار ليوقف السياره " ان شاء الله .. نزلت ميسا " شكراا كتير.. سامر اهلا .. بكل وقت " جنت احضر واجبي ورن الفون جانت رساله من ميسا " وصلت ياستي " قريتها وابتسمت ورجعت اكتب
كعدت الصبح محسيت بلوقت ولا اذكر شصار لكيت اللابتوب واكع من ع رجلي و معقجة بعض الاوراق باوعت للفون جانت ساعه ب٨ الا عشرة رحت بدلت ركض ونزلت غسلت وجهي واسناني وصعدت البس حجابي ولميت اغراضي .. لكيت خالتي نايمه لسه وبس رضا كاعد متاخر هم بس ممهتم جان محضر ريوك، " صباحو ، تتريكين؟ يمعود متشوفني متاخره " طيب اوصلج .. واني دلبس حذائي " لا ماكو داعي .. رضا " دمشي يمعوده وطلع قبلي وبيده كوب جاي .. طلعت ورا جان مشغل السياره اني صعدت .. " بسرعه حباب . رضا وهو يسوق" خير ! زهراء " يا متشوفني متاخره عن المحاضره ساعه ٨وخمسة .. " يمعوده هسه تصلين .. بالطريق وقفنه ننتظر اشاره المرور ورجع يشرب جايه باوعلي ورجع انتبه ع طريق صارت الاشاره خضرا ومشه اسرع "كال " اني بعدني بهدوم البيت ورح حرجع ابدل واروح وعادي صيري مثلي .. ابتسم اني مجان لي خلك بروده ضليت ساكته اباع ع الطريق " وصلت فتحت الباب ونزلت " رضا " شوف حته مكالت باي او شكرا " دخلت شفت حيدر وكفني " صباح الخير ، لتخافين الدكتور حيتاخر شويه ضحك ... اتوقع اكو حادث يمه وحيتاخر.. " ابتسمت .. الله يبشرك بالخير " اخذنه نتمشه للكفتيريا ... حيدر " منو هذاالي وصلج اليوم !! باوعتله " شفتنه كال " اي واذا صدفه يعني مدنتظرج .. " كلت " ابن خالتي .. كتلك انو عايشه وياهم .. حيددر " اها " لكيت ميسا جايه وراي وبكامل اناقتها " صباح الخير يا حلوين.. " ثنينة " صباح النور" حيدر" شونج اليوم .. خما ضايقتج بعد هالسعلوة" ميسا" شو سعلوه" ضحكنه كلتلها " يعني لقب ع بنت بشعه او الوحش هيج شيء!! ميسا" اه لا بس كانت تبتسملي بخبث وتدردش مع حد ع فون.. حيدر" معليج منها طنشيها .. ميسا " اي ، خايفة شو حتعمل بلمرات الجايه ممكن تقتل حد وتتهمني " ضحكنه .. كام حيدر شويه واجه جايب ويا جاي الي و كيك و عصايرالهم " تريكوا حته من تبدي المحاضره تكونون مركزين اليوم صعبه شوي المحاضره البارحه كلبتها ع السريع وشفتها " اني باوعتله" هذا شون يلحك! ميسا " دخلك حيدر الي مثلي كيف يركز بشي بعد الي صار مبارح ماعملت الواجب الي طلبتوا الدكتورة ولا شفت الملازم " حيدر " اي شي تحتاجوا اني موجود .. ميسا "يسلمو شربت العصير وكملت " ع فكرت الجمعه هي انا عازمتكم ع عشاء ما فيكم ترفضوا ابدا " حيدر " اكيد لان نحتاج وقت نكعد سوه نشوف شون نحلها وي ريتا .. ميسا لا دخلك بدك انجلط .. انا بدي اتهنى باكلي مو تذكرني بريتا بعدين في ضيف معكم .. اني كلت" ضيف" ميسا " اي خلوها مفاجأة-
اسفه لان منزلت بارت كنت مسافرة وماعندي وقت
اليوم هم حنشر جزء ان شاء الله اذا كدرت ♥️
أنت تقرأ
دياري ✨
Fanfictionدياري ..قصتي بلهجة عراقية ، اول قصه الي بلهجتنا حبيت تكون قصه شويه مختلفه عن بقيه القصص للكاتبات الي تعرض واقع الحياه البائس او المشاكل الي بلمجتمع هالقصه قريبه للواقع ايضا بس بشكل ان شاء الله تعجبكم💗✨ • حتكون القصه مو حيل طويله ولا ح...
