واحني بدينا نحوسو في الحوش
رجعوا خوتي وبابا من الجمعه لبسنا حوايجنا ونزلنا
اني لبست سروال جينز ازرق فاتح وبلوزه بيضاء من القدامى قصيره ومن التالي طويله وسبيدرو لان مرات نقعمزو في الجنان وقمت شعري ديل حصان
.
.
.
رهف ورؤى لبسو سروال اسود ضيق وتيشرت بيضاء أطول من حزت السروال بي شويه ودارو شعرهم كعكه وسبيدرو ابيض
.
.
.
رتاج لبست سروال رمادي وتوب متعه يعني كانت توته اديداس وسبيدرو ابيض ودارت شعرها كعكه
.
.
.
محمد لبس سروال جينز ازرق وتيشرت بيضاء
مالك لبس توته اديداس حمره بلازرق
ايمن لبس سروال جينز ازرق فاتح وتيشرت سوداء
مهند نفس الشي
اسلام لبس سروال رصاصي وتيشرت ابيض مكتوب كلام بلاسود ومن الكتاف فيها خط اسود
سند لبس سروال اسود وتيشرت سوداء فيها خطوط بيض
ونزلنا
قعمزو الشباب في دار التقعميز (دار العيله)
والبنات خشو يوتو وحطينا الغدي وقعمزنا ناكلو كملنا قمنا الحوسه وقعمزنا نهدرزو
جدي : شن رائيكم نمشو ل البحر اسبوع
اني عيوني ولو قلوب قلوب 😍 :اي جديده نمشو نمشو
محمد:تي اسكتي انتي وهو يكلم في بوك وعمامك
اني :😒
بابا:اني يا حاج معنديش مشكله ناخدو اجازه من الشغل والصغار هكي ولا هكي القرايه تمت
جدي : وانتو شن رائيكم ؟؟
كلهم وافقو وكلمنا عماتي واتفقنا أن بنمشو بعد غدوا
نزلنا احني البنات والشباب الجنان
اني :نلعبو كارطه
اسلام :سلم وخيتي جيبيها وديرينا قهيوه
اني :به من يبي حاجه تانيه
جود ولد عمي عمر عرفتوه :وراص سرو ديريلي نسكافيه
اني : به حاضر من اينوض معاي
ناضو معاي رؤى ورهف وجوري هيا واسيل صغار عمامي خشينا المطبخ طبعا مطبخ حوش جدي فسطه باب يطلعك ع الجنان خشينا وخليناه مفتوح وبدينا كل وحده ادير في حاجه
خش علينا مهند :هيا قالكم اسلام
اني :هي جايين
وطلعنا شربنا قهوتنا وبدينا نلعبو كارطه كملنا قعدنا نهدرزو بعدين
سند:اني جعت 😄
اني :مهمك الا بطنك
جود:اي حتى اني جيعان
رهف : نديرو حاجه ناكلوها
مالك : هي نوضو شوفو روحكم
رتاج :به نطلبو من برا
اسيل :اي هي نطلبو من برا
رائف :انتي اسكتي هي شباب شن بنديرو
اني :نطلبو شاورما ولا بيتزا
اسلام: به والعشي على حسابي
مهند :ومن بيطلع يجيبه
رتاج :نطلبو دليفيري ولا واحد منكم يمشي
اسلام : جود ومهند نوضو امشو معاي
جود : هي
مهند : نايض شويه بس
اني : مطعطلوش
نيروز : اسلام جيب مشروبات
اسلام تلفتلها:حاضر شن تاني
رؤى:جيبلي رصيد
محمد:وووه منك انتي يارهوف
رؤى:اني رؤى
محمد:به 😮
اني : تي هي اتسكدو
اسلام :به كم نجيب
رتاج : جيب لكل واحد اتنين ومتنساش الي فوق
مالك:ياساتر شن في في بطونكم
اني : هههههههه متضحكش
رويد :به علاش ضحكتي
اني :هههههههه منعرفش
يزن :يا ساتر شكلها اللتبست البنت
اني:قلبت عيوني اااااعععععع👻
سند:مبردك 😡
اني :خيرك انت قالب علينا
مالك : لأنه جيعان
اني : ايه نسيتك اسلام تسكد خير ميكتب شهاده وفاتك اليوم
إسلام:ههههه حي عليا تعالو هي
وطلعو واحني قعدنا نهدرزو ليل جو وجابو الماكله خشينا المطبخ جيبنا طواسي المشروب والعصائر وحطينا كنينكس وسفره وركبنا العيله الي فوق
وطلعنا بدينا ناكلو
نور :ااه تهبل 😍
اني :اي تهبل صح منور اسلام
اسلام وهو ياكل : بوجودك
اني :خيرك دقول فيها منغير نيه
اسلام :ماهو اني ناكل
اني :به صحه😏
رتاج : الحمد الله اني برنكب نرقد تصبحو علي خير 😊
كلنا: وانتي من اهل الخير
رتاج ركبت واحني كملنا ونضنا ساوينا الحوسه وعماتي وصغارهم روحو وولاد عمامي المتزوجين مشو لفيلاتهم لان جدي داير حوازات فاضيات وكل واحد باني فيها
اني :هي تصبحو علي خير
كلهم : وانتي من اهل الخير
ركب كل واحد لحوشه
اني خشيت لداري نحيت حوايجي وخشيت غسلت لبست بيجامه بودريه في قطط بيض 🐈
ودرت شعري ضفره وطلعت لوسط الحوش لقيت اسلام مقعمز فاتح تلفونه
ومالك متكي يتفرج على التلفزيون
اني : خيركم مركدتوش
اسلام :شي كساد مش خاطري نرقد
مالك:نفس الشي والله كساد
اسلام :وانتي علاش قعده فايقه
اني:كنت نغسل بتشرب اميه وبنخش نرقد
مالك :نعيما
اني :ابتسمت 😊:هي تصبحو علي خير وشربت اميه ومشيت رقدت في سابع نومه 😴😴😴
.
.
.
.
كمل البارت 😊
