لو في اي اخطاء او اي شي اكتبولي
وشكرا
💜🍃
طلع ايمن مشي هوا والولاد
نور :سرو ساعه كم ؟؟
اني: 10:35
نور :به شن انديرو
اني: نغنو ... اسمعي باتي اليوم عندنا
نور :لالا اصلا غدوا جمعا معناتا جايين هني
اني :به جيبي حوايجك غدوا وباتي
نور :أن شاء الله
اني :به نوضي نطلعو برا نفتحو المنضومه
نور :هي
طلعنا برا
اني :نور نكلمو واحد من الولاد يجبلنا مقرمشات
نور :به
كلمت اسلام مشغول وايمن خارج التغطيه وهند نفس الشي ومحمد ومالك قالولي مش فاضيين
اني:شكلي بنركب ل رائف ولا رويد
نور :شوفي روحك
لبست شبشبي وركبت ل حوش عمي عبد الملك
طقطقت فتحتلي مرت عمي صالحه
اني : السلام عليكم
مرت عمي صالحه : وعليكم السلام
اني:كيف حالك مرت عمي
مرت عمي صالحه: حمد الله وانتي سرو
اني:كويسه
مرت عمي صالحه:تفضلي خشي
اني :لالا مستعجله
مرت عمي صالحه:أن شاء الله خير
اني :لالا خير الولاد قاعدين
مرت عمي صالحه:من تبي
اني:اي واحد غير خوتي مش فاضيين ونبي حاجات للحوش قلت نشوفهم
مرت عمي صالحه: خلاص خشي تو انكلملك رائف لان الباقيين مهناش
اني :به صحيتي
مرت عمي صالحه:سلمك
مشت شويه وجي رائف
رائف : شن الجو سرو
اني:تمام وانت
رائف: تمام ..تبي حاجه
اني:اني والله الولاد مهناش قلت نشوفك انت عندي نور ونبو مقرمشات وع انت تعرف روحك
رائف:خلاص تمام نبدل حوايجي ونطلع نجيبلك
اني:تمام شكرا
رائف :عفوا لاكن شن تبي بزبط
اني :عاد انت وجوك
رائف :😂 خلاص تمام
نزلت خشيت الحوش لقيت نور مقعمزه تصور
اني :بخخخخ
نور :ااههههه يا كلبه تفو
اني : ههههه خلعتك
نور : ايه
اني : تكبري وتنسي
نور :شن صار
اني: قلت ل رائف
نور :علاش رائف
اني:لان هوا اللي قاعد
نور :ياريتني كلمت مروان
اني :خلاص عادي توا
نور :ااي
قعمزنا شدينا تلفوناتنا ونفسفس
اني : لما نذكر حبيبي واحلى الحب يزيدو دقات قلبي وتوقف الدنيا ستوب
وهيلا هيلا هيلا هوب اللعب يا حب اللعب
نور :الله الله
اني : أسلوبه عجبني جذبني كسبني بطيبته
دوقه وحنيته
ومصفي نيته وياي
شخصيته عجيبه رهيبه
وهيبه طلته
ما امل من شوفته
حبيت بسبته دنياي
أسلوبه عجبني جذبني كسبني بطيبته
دوقه وحنينه
ومصفي نيته وياي
شخصيته عجيبه رهيبه
وهيبه طلته
ما امل من شوفته
حبيت بسبته دنياي
حبيبي وصار
اهم شخص بحياتي
واجمل الأقدار
عرفت اختار
عشقت انسان يسوا بعيني ناس كتار
يحب ويغار
حبيبي وصار
اهم شخص بحياتي
واجمل الأقدار
عشقت اللي يسوا بعيني ناس كتار
يحب ويغار
نور :تي قولي والله
اني :ها يا هم نغني
طقطق الباب
اني :جايه
فتحت خش رائف
رائف : تفضلي
اني :شكرا
رائف :عفوا ..تبي حاجه كلميني تمام
اني :تمام
طلع رائف وإني حطيت الحاجات في صواني وطلعت بش ناكلوهم
نور :الساعه كم
اني:11:5
نور : به اسمعي يتكلم مروان يجيني مع 12
اني :به المهم غدوا بتجو وله
نور : تي غدوا جمعه معناها بنتلمو هكي ولا هكي
اني:ايه ..حقا محمد بيدير العرس الشهر الجاي
نور :الله خاطري في عرس
اني :حتى اني
نور :امتا بتبدو تشرو في قفاطينكم
اني :والله ما نعرف
نور :مفروض تبدو لان معش في وقت
اني :ايه والله حق
نور : نكلم مروان
كلمت نور مروان وقلها نص ساعه ونكون عندك
قعدنا نهدرزو ليل طقطق الباب
اني :جايه
فتحت
اني :مروان خش
خش مروان: هي نور نوضي
نور :هي
ناضت نور لبست وشاحها وروحو وقعدت اني بروحي
حسيت روحي مدقدقه وجسمي كله يوجع فيا خشيت ل داري وطلعت بيجامتي وخشيت ل حمامي دفيت اللميه وطلعت Luna 2 وقمت شعري كعكه ولبست ستريتشه ودرت علي Luna 2 الغسول وبديت ندير بيهاعلي وجهي
ملاحظه
الليميعرفش شن هيا Luna2 هيا جهاز لتنضيف البشره ضد الميه وسهل التنقل تنضف البشره بعمق
