تغدينا وقمنا الحوسه واتفقنا أن غدوا بننزلو البحر نضت اني درت كيكه كراميل 🍮 ونيروز دارت كيكة شكلاطه ونور دارت بسبوسه ورتاج دارت بيتيفور
وشهد واسيل دارو دونت
درسنا شاهي احمر واخضر ونسكافيه وكافتشينو وقهوه وكل واحد شن يبي ياخد وقعمزنا نهدرزو وناكلو كملنا نضنا البنات ضمينا الحوسه
شرح بسيط لشكل الشاليه طبعا الشاليه يكون متع العيله
في باب سحاب متع القاراج ينفتح تلقي مكان زي بركيتجو سيارات وبعدين زي الحديقه عشب في ممر يعني العشب جاي يمين ويسار والنص ممر يرفعك لباب الباب لوح تخشي تلقي في يمين دار تقعميز متع العيله كنبات وكراسي وحمام ويسار في مطبخ ودار اكل تكملي طول في دروج يركب ل الدور التاني في ممر فسطه تلات ديار يمين وتلاته ديار يسار ولما تكملي في الممر تكي زي الدائره فيها حمام وتلاته ديار الدور التالت نفس الشي لوطه في المطبخ في باب يطلعك ع الجنان من تالي في حوض سباحه كبير وكراسي والعاب في كرمه لان كنا زمان نلعبو فيه في الكوره وفي باب في نهايته الحوش يطلعك علي جنان الشاليه الي جنبنا لا متع خو جدي
ان شاء الله نال اعجابكم
وان شاء الله عرفت نوصل المعلومه
محمد: ولاد نوضو نلعبو كوره
اني:اي هي
ايمن:ياودي اسكتي خلينا نتفاهمو
اني :به ها اسكتت
محمد:هي شنو
زياد:هي نوضو
ناضو الولاد يلعبو واحني نضحكو عليهم بعدين خشينا تعشينا درنا سندوتشات وعصائر وضمينا لوطه وركبنا
قسمنا كل مجموعه في دار جدي وعمامي ورجاله عماتي في دار و حناي وعماتي ونساوين عمامي في دار
والشباب حتي هما قسمو واحني قسمنا
جيت اني واسيل ونور وهيا ومعاناة مريم مرت زياد ويارا بنتها
يارا تحبني هلبا
يارا : سرو
اني:عيونها
يارا:عادي نرقد جنبك
اني: عادي
يارا :شكرا
اني:ههه عفوا
اني:نور تلفوني عندك
نور :لا اضني لوطا
اني :منزل نشوفه ونجي
نزلت لقيته علي بار المطبخ خديتها وركبت وإني راكبه كنت نشبح في التلفون شويا وخيطت في حاجه زي الحديد
قمت عيوني لقيته رائف
رائف:يا اوزعه
اني:الحي انت شن تاكل راسي قريب انفتح
رائف :انتي الي خبطي فيا
اني:تعرف يا رائف غدوا تلقاها زرقا تشوف 😁
رائف : هههههههه هيا ولن زرقا اصلا
اني:نتسهوك
رائف:بالك تحسابيني اني ندوي جديات
اني:لالا هي تصبح علي خير
رائف:وانتي من اهل الخير
ركبت خشيت لدار وقعمزت جنبهم بعدين نضت غسلت لبست بيجامه سروالهة وردي وفيه زي الرسومات بيض والتيشرت متعه ابيض والرسومات بودريات وخليت شعري مطلوق درت زبده الكاكاو وكرمة يدين وبخيت عطر وطلعت لقيت نور لابسه بيجامه بيضاء قطنيه وشعرها كعكه
واسيل بيجامه سوداء وشعرها قرن حصان
وهيا بيجامه سروالها رمادي وتيشرت ابيض وشعرها شاداته قرن حصان
وفيت مريم تلبس في يارا بيجامتها شورت ابيض وتيشرت وردي ودارت شعرها ضفراء وهيا لبست بيجامه ورديه قعمزنا نهدرزو ونضحكو وإني كنت نغني في اغنية ماريتا الحلاني اسمها (انا)
اني:حسيت رح تتركني
حسيت رح تجرحني
غصيت الدمعه نزلت غصبا عني غصبا عني
انا انا اللبي انا
تعوك عليك
انا انا اللبي انا
بيهرب مني ليك
اه جنون بحبك موت بحبك
بعرف اعشق هيك منو كتير عليك اه منو كتير عليك
كيف هيك اللبي ملكتو
كيف هيك ادرت سكنتو
الحب ابلك انت ما جربتو ما جربتو
كملوها انتو
وخشينا رقدنا نضت الصبح الساعه 6 ونص
لقيتهم قاعدين راقدين خشيت غسلت وطلعت لبست سروال اسود ضيق وتيشرت زيتونيه قصره لاكن مفرفره ودرت شعري ديل حصان ولبست شخشير ابيض وشبيب لان مزال مش حننزلو
درت مسكارا وروج فوشي واحمر خدود ونزلت المطبخ لقيت باب الجنان مفتوح طلعت جود مقعمز مع رويد رويد يدخن وجود مقعمز فاتح تلفونه ويلعب بيه
اني:صباح الخير
هما :صباح النور
اني :شن اديرو هني
رويد:انتي شن اديري
اني:نظت بش نوتي الفطور
جود :قعمزي قعمزي مفيش حد نايض
اني :مهند قاعد راقد
جود:حاولت الموضه ملقيت منه غير السب والضرب
اني: هههههههه
رويد:سرو ديريلي قهوه
اني :هي حاضر
خشيت المطبخ شربت اميه ودرتله قهوه وعطيتهاله
اني :تفضل
رويد :صحيتي
اني:سلمك الساعه كم ؟؟
جود:الساعه 7:5
اني :امتى بينوضو هادو
ركبت نوضت مريم واسيل وهيا ونور
ونزلنا وتينا الفطور ونوضناهم فطرنا وضمينا وبدلنا ونزلنا للبحر عمنا ل الساعه 10
ركبت اني ونور
خشينا غسلنا لبست سروال جينز ازرق فاتح وتيشرت بيضاء وماليه بيج وسبيدرو ابيض ودرت شعري عادي ومن لوطا كيرلي وشويه ميكب خفيف كريم اساس واحر خدود وضل خفيف دهبي بالعنابي ومسكارا وروج وخديت تلفوني ونزلنا لوطا قعمزنا نهدرزو اني ونور شويه وطقطق الباب نضت فتحت خش رائف ووراه ماما وعماتي ونساوين عمامي وحناي
خشو غسلو وقعمزو يطيبو وحكو الغدي علي النار وطلعو خڜيت اني ونور درنا كيكه وكب كيك
وركبو الباقيين غسلو وقعمزو يهدرزو
اني:محمد وين سرور مجوش عيلتها
محمد:بيجو غدوا
اني :به
اني :مالك اطلع جيب اميه معش في
مالك : مخاطريش
جود : شن تبو تاني تو نمشو اني وايوب ومهند
مهند :انت شن تعزم
اني:لالا اميه بس .تلفتت لمهند :امشي معاه مهند
مهند:له أن شاء الله هي نوضو
ناضو طلعو مشو جابو اميه وجو
اني :صحيت
قعمزنا تغدينا والعديد كان (رز بلاو بالخلطه ومبطن وبوريك وفاصوليا )
كملنا وساوينا الدنيا واتكينا رقدنا نضت فتحت عيوني نسمع في العصر يأذن نضت توضيت وصليت وساويت روحي ونزلت
لقيت ايمن مقعمز في المطبخ وجدي وعمامي ونساوينهم وعماتي ورجالاتهم في الجنان
ايمن:تعرفي انك انت الوحيده الي قعدتي راقده ل توا
اني:لا تعبانه
ايمن :به ديريلي قهوه
اني:به درت قهوه خديت اني فنجان وهوا فنجان وكملنا طلعنا لقيناهم مقعمزين يهدرزو
طلعت قعمزت جنب امل مرت اياد
اني:امل
امل:نعم
اني:هاتي ناخد منك عبد الرحمن
امل :هما خوديه
اني:شديت عبد الرحمن قعدت الملعب فيه
جابت رهف الكاميرا وصورتني وإني نلعب فيه
جت الساعه 6 نضنا بدلنا ونزلنا انعومو
اني :اسلام ركبني فوق كتافك نسلوط
اسلام:هي تعالي
اني:ايمن تعالا ساعدني
ايمن :جيت هي
ركبني ايمن فوق كتاف اسلام سلوطت
اني:يهبل
رهف: اسلام حتى اني
ركبت سلوطت
بعدها قعدنا نهدرزو في الميه
اني :اسمعوا اني صقعت رآه بنطلع
طلعت قعمزت علي الطاوله الي علي الشط شويه وجي قعمز جنبي ايوب وجود ومراون وأحمد لان علاقتي بيهم قويه
احمد وهو واقف ويطلع في دخانه:اوزعه شن جوك
اني:تمام وانت ؟
احمد:كويس
مروان طلع :بنتي شن الجو
اني :اشؤتله بيدي👍🏻
مروان :به كويس وقعمز جنبي هو وجود وايوب وقعدنا نهدرزو وأحمد مشي يدخن ويتكلم في التلفون
جود :اني بنركب الجو بدي يصقع
اني:خودني معاك حتى انتو متعطلوش راهو الساعه 8
جود :هي نوضي
مروان اشرلي برأسه بمعنى به
ركبت للسياره طبعا الشاليه بعيد شويه علي الشط فلدالك ننزلو ونركبو بالسياره السياره Jeep دفع رباعي المهم
جود : ااه صقع
اني:ايه
جود :فتح باب القاراج وخشينا بالسياره صطرها وخشيت اني وياه لقيت النساوين في المطبخ يطيبو في العشي والرجاله يهدرزو خشيت غسلت وطلعت لبست سروال اسود ضيق وفالينيه بودريه هافته مكتوب عليها اديداس وسبيدرو ابيض ودرت شعري كعكه ودرت كريم يدين وزبده كاكاو وبخيت عطر وطلعت نزلت لقيت جود نازل قبلي طلعنا قعمزنا في الجنان وقعدنا نهدرزو بعدين كل واحد شد تلفونه اني نسمع في اغاني وفاتحه مره فيس ومره انستقرام مع الساعه9 ركبو الباقيين غسلو ونزلو تعشينا مبكبكه تهبل جت وطلعنا ل الجنان
محمد :سرو غنيلنا
اني :هههههه تتسهوك
اسلام:لا هي غنيلنا
اني :اممم نفكر🤔
ايوب :تفكري عينك هي غني
اني :به
من لما البي والبك عن بعضن افتاراقو
تعرفنا ليش الندم رب السما خلئو
من لما البي والبك عن بعضن افتاراقو
تعرفنا ليش الندم رب السما خلئو
التلك روح فل والكلمي منا مئتنعا اني اللتا
التلك روح فل وياريتا لما بتوصلك يخلص صوتا
مابعرف بعدك شو صرلي خيالي بطل يعمل متلي
اعد ناطر البك حتى يشتأ ويرجعلي
بعمرك شايف البي مجمد أو احساسو لابس اسود
مش عارف يخلص من زعلو على غيابك ماتعود
انا مش عم يرضى البي انو يشوفك ذكرى
رح تبئالي لو مارجعت انت امل بكرا
التلك روح فل والكلمه منا مئتنعا اني اللتا
التلك روح فل وياريتا لما بتوصلك يخلص صوتا
مابعرف بعدك شو صرلي خيالي بطل يعمل متلي
اعد ناطر البك حتى يشتأ ويرجعلي
بعمرك شايف البي مجمد أو احساسو لابس اسود
مش عارف يخلص من زعلو على غيابك ماتعود
كملتها ناضو كلهم يصفقولي
اني تحشمت
رائف: والله طلع صوتك حلو يابنت
اني :أما لا شنو تحسابني
الاغنية اسمها (روح فل )ل كارول سماحه
مريم :لاكن صوتك حلو
اني:شكرا😄
ايمن:نلعبو جراءه وصراحه
اني :به بدينا نلعبو جت بين اسلام وإني
اسلام :تبي جراءه ولا صراحه
اني : صراحه
اسلام :تحبيني؟
اني :علاش معقوله في حد عنده خو زيك وميحباش
اسلام:لا طبعا 😇
اني:هههه حيوان 😝
ايمن هي :رهف وسند
سند : هي رهف تبي جراءه ولا صراحه
رهف : جراءه
سند:ههههه 😏به نتحداك تنوضي اديريلي سندوتش
رهف :تفو 😣
اني :ههههههههه ياناري
ناضت رهف ادير في سندوتش ل سند
جت بيني اني ورائف
رائف: جراءه ولا صراحه
اني : جراءه
رائف: تعالي نقولك في ودنك
مشيتله وقالي شن ندير
اني:هههههه مصحك تعرف لاكن عجبتني
رائف:😎
كمل شن تشبحولي هكي 🤷
نشوفكم في البارت الجاي 🤷
