في الصبح الساعه 8:00
المنبه ⏰ يشرين
اني :به نضت حاضر خلاص وانت نفختهم
بعدين لقيت روحي نكلم في المنبه ضحكت على روحي على الخفيف ونضت خشيت الحمام الي في داري غسلت وطلعت بدلت حوايجي وساويت فراشي
لبست توته اديداس سودا ومكتوب اديداس بالابيض وشخشير ابيض وخديت شبشبي متع الدار لونه ابيض ودرت كريمة يدين وقمت شعري ديل حصان ودرت زبدة الكاكاو وبخيت عطر وطلعت من الدار وصكرتها اني قابلني مهند
مهند :صباح الخير سرو
اني:صباح النور
مهند: شن جوك ؟
اني:تمام وانت ؟؟
مهند:تمام انزلي رآه ماما في المطبخ
اني:نازله
ونزلت لقيت ماما ورتاج
اني:صباح الخير
ماما ورتاج :صباح النور
ماما:نوضي خواتك
اني:مهند نايض نشوف الباقيين
مشيت لدار محمد طقطقت على الباب 🚪 محد رد خشيت لقيته راقد
اني:محمد نوض افطر معانا
محمد :به ندوش وونزل
اني :به وطلعت مشيت ل اسلام طقطقت محد رد فتحت الباب 🚪 ملقيتاش مشي ضبحت عليه رد عليا من الحمام
اني: اسلام
اسلام:نعم
اني:انزل افطر هيا
اسلام:اني ندوش ونبدل وننزل
اني:به تمام نستنو فيك
وطلعت مشيت ل دار ايمن
لقيته يلبس قلتله قالي نازل
مشيت ل سند نوضته
ومشيت ل مالك ملقيتاش نزلت لقيته لوطا
مشيت نوضت رهف ورؤى ونزلنا
قعمزنا نفطرو
رؤى :حميده
محمد:نعم
رؤى:قاعد تتدكر شن قلت امس
محمد: شن قلت 🙄؟؟
رؤى :علي التلفون 🙁
محمد :إيه ايه وتو روحكم بعد الغدي بش نرفعكم لان غدوا بنمشو اونا البحر
رؤى ابتسمت 😊 :شكرا
مهند :محمد منحصلوش منك حاجه حني 😖
محمد:من قال لا اطلع حتى انت خود شن تبي
سند :اني نبي بلايستيشن
رتاج :تو مش عندك ؟؟
سند :الي وعلاش ماهو حتى هما عندهم تلفونات
ماما: والله صدق فيها😁
محمد :به حتى انت اطلع معاهم بهي
سند:شكرا 😄
محمد :عفوا 💙
محمد:حمد الله بوي اني طالع ل الشغل
بابا :ربي معاك
ماما: في حفظ الله
احني: مع السلامه
طلع محمد بعده ب شويه طلع اسلام ومالك وايمن
كلم مهند ايوب وجود ونولو ل الجنان لوطا
ورهف ورؤى وسند جاهم محمد طلعهمم رتاج نزلت ل حوش عمي عبد الله ل نيروز وإني قعدة في الحوش بابا طلع وماما نزلت ل حوش جدي
اني صبرت عصير وقعمزت في دار التقعميز شويه وكلمتني نور بنت عمتي خلود هي قريبه مني هلبا
نور :الو السلام عليكم
اني :وعليكم السلام
نور :كيف حالك سرو
اني:حمد الله وانتي
نور :كويسه
اني:دوم
نور :بنسالك
اني:نعم
نور :قاعدين ؟؟
اني:كلهم تشرتعو اني بس قاعده في الحوش
نور :عادي نجي جنبك
اني:لا
نور :به هي مع السلامه
اني :يا حيوانه هادا سوال ينسال تقلد في صوتها عادي نجي جنبك
نور:ههههه اني صوتي مش هكي
اني :تعالي تعالي
نور :هي نكلم مروان يجيني
اني :سلمي عليه هوا وعمتي والباقي
نور:يوصل ساعه بلكتير ونكون عندك
اني:نستنا فيك
نور :خطرها
اني :شنو
نور :كلمي هيا وآسيا يجو
اني :خلاص تو نكلمهم ينزلو
نور :هي باي
اني :باي 😘
صكرت منها جيت نبي نكلم اسيل وهيا لقيت ماعنديش رصيد
قلت خلي نركب
هديت المفتاح وضكرت الباب 🚪 وطلعت ركبت ل حوش عمي عمر طقطقت على الباب 🚪
فتحلي حسام
حسام: خير في حمار مات ولا بيموت
اني :هههه خظي حيوان
حسام :ماهو انتي متركبي إلا كان في حاجه صايره
اني :لالا نبي هيا
حسام :هيا نزلت ل اسيل شن تبي فيها
اني :خوي خاينين لا غير بتجيني نور ونبو نهدرزو
حسام لا تلقيها عند حوش عمي عبد الله
اني:به هي نشوفك على خير جيت نبي نمشي
حسام :ستني من بيجيبها نور
اني :قالت مروان
حسام به خلاص بري تو نكلمه
اني به
حسام ومروان الزوز عمرهم 26 وقراب من بعض خليل وإني ونور وهيا واسيل اعمارنا 20 وقراب من بعض هلبا
نزلت ل حوش عمي عبد الله طقطقت فتحلي ياسين
ياسين :خير كلبه شن تبي
اني: خزي احترم نفسك اكبر منك( ببصاره)
ياسين :اكبر مني ب سنه بس وانتي شويه وكليتيني شن تبي
اني :خيرك تلز
ياسين: لا تفضلي وين مهند لوطا مع ايوب وجود اله به اني نازللهم
اني : انزل وين اسيل
ياسين :وهو يلبس في سبيدروه مع هيا داخل خشيلهم في داراها
اني: خشيت وقفت قدام باب دار اسيل
وعديت ل 3 وفتحتهة فجأة هما نخلعو هيا طاح منها تلفونها كانت شاداته تفسفس واسيل جت واقفه
اني:ههههههههه خيركم هههههه نخلعتو هههههه
اسيل:اسم الله شن جو المداهمات هادا
هيا:قلبي في رجليا
اني: هههههههه شن كنتو اديرو
اسيل :نقرمو في ريان عرسها أمس
اني :الله ربي يسعدها اسمعوا نور جايتني وبركبو فوق لحوشنا فاضي بهي
اسيل :علاش وين العائله الكريمه
اني:ماما لوطا مع امك وبابا طلع ومحمد طلع رهف ورؤى وسند يشرو في تلفونات ومهند لوطا مع ايوب وجود وياسين ورتاج أهنئ مع نيروز واسلام طلع هو وايمن ومالك
هيا :به هي نركبو
اسيل:من بيجيبها ؟؟
اني :قالت مروان
اسيل : الله 😍
هيا :بشويه علي عيونك
اني:هههههه
اسيل :خيركم قنين الولد
اني :تي فهمنا هي نركبو
هيا :به رؤى ورهف لما بيجو وين بيمشو
اني:قالو طول بيركبو ل حوشكم ل جوري وريم
هيا :به هي نمشو
اسيل :الساعه كم
اني :توا 4:16
اسيل: هي
ركبنا ل حوشنا فتحت الباب 🚪 وخشينا قعمزنا في الدار البيضاء كانت ديكورها وكنبلتها كله ع الابيض وفي مزهريات وطاوله والستار والبساطة وشويه من مخادها بلاسود والباقي كله ابيض ف مسمينها الدار البيضاء
قعمزنا وقعدنا نهدرزو ادم العصر نضنا صلينا وولينا نهدؤزو شويه وجت نور
.
.
.
نكملو البارت الجاي 🤷
