نجمه +كومنت
ركبنا بدلنا وخشينا رقدنا
نضت تاني يوم الساعه 11
خشيت للحمام غسلت وجهي وحطيت سنوني
ولبست سروال واسع ومن نهايته فيه شدن اسود وتيشرت ابيض مكتوب stop بالاسود
وقمت شعري كعكه
ونزلت
لقيت ماما في المطبخ تظم فيه
ورتاج كيف خشة الحوش
اني :صباح الخير
رتاج :صباح النور
اني :وين كنتي
رتاج :عطيت ل محمد وسرور فطورخم
اني :ااه به وقت ولا بكري
رتاج :والله نحس وقت
اني :اني بنسبق للصاله كان بتقعد هني مش حنمشي لان عارفتكم
رتاج :به خودي معاك رهف ورؤى
اني :لا اتفقت اني والبنات وعمتي بنمشو
رتاج :كويس قلتو ل امي
اني :اي
اني :سلم توجه وتيلنا فطور بسرعه بسرعه نوض خميرات النوم ونجي
رتاج ضحكت :به
خشن رتاج وتتلنا الفطور
واني مشيت نوضت رهف ورؤى غسلو وبدلو صلو ولبسو
وطلعنا فطرنا خشيت لبست بنطلون جينز وتيشرت ابيض وجاكه جينو ووشاح وردي وسبيدرو ابيض وخديت ساكو فسطه قفطاني واكسسوارات ب وكندرتي
باختصار كل شي
وكانت البنت اللي بتمكيجنا قتلي كيف طلعنا مشينا بزوز سيارات
سياره فيها اني ورهف ورؤى واسيل رفعنا مالك وسياره في عمتي ام نور ونور وهيا وشهد ورفعهم مروان
وسياره فيها هند واميره وياسمين ونيروز ويسوق بيهم مراد
وسياره فيها خالتي والبنات ويسوق بيهم هيتم
وزياد رافع مرته وامل مرت الياس
وصلنا للصاله
ونزلنا لدنا شفنا التنظيمات
وجو البنات وطلبلنا مراد غدي ديليفري من برا تغدينا
والساعه تلاته بدو البنات يمكيجو فينا
وطلعنا كل وحده احلى من التانيه
الساعه سته كملتنا
خشن رتاج ومكيجتها وجت العروسه
مكيجتها ولبسوها القفطان
وجو المعازيم ولدينا نرقصو ونزلت بالقفطان بعدين ركبت لبست البدله الكبيره بعدين الحلوه وفي الحلوه خش معاها محمد بالعربي
ومشي الجو حلو ومدينا العشي ورقصنا وكل واحد مشي لحوشه
رقدت
نصت تاني الساعه 11
خشيت للحمام غسلت وجهي وحطيت سنوني
وتوضيت وصليت
لبست توته اديداس رماديه وسبيدرو ابيض
وقمت شعري ديل حصان
ونزلت قعمزت علي طاولة الاكل
حطت رهف الشاهي
وماما حطت الدحي
وقعمزنا نفطروا
قمنا السفره
غسلت يديا
ونزلت ماما لوكا ورهف في دارها تقرأ في كتاب حالاته من اميريكا ورؤى نزلت ل جوري وريم ورتاح في دارها مهند وسند باتو عند ايوب
بابا طلع من الصبح للشركه مالك وايمن بايتين في الشركه الشغل ل فوق راسهم
واسلام طلع مع بابا.
ومحمد قاعد عريش
هديت القومي وطلعت قعمزت في الصاله خش
ايمن
ايمن :السلام عليكم
اني :وعليكم السلام
ايمن :كيف حالك
اني :حمد الله وانت
ايمن :بخير
اني :بلا كذب أما خير شوف وجهك كيف رايح خود اجازه بلا عناد
ايمن :وتخلي مالك بروحه مش حيقدؤ هو اني معاه ومش ملحقين
اني :ربي يعلون
ايمن :أن شاء الله بالله سرو نخش ندوش تعبان ديريلي حاجه تاكلها
اني :هي
مشيت فتحت الناتجه قعدت نفكر شن مديرله
ايمن يحب البان كيك
درتله بان كيك وكاكاو
طلع ايمن
حاط الفوطه علي كنافه يمسح في شعره
قعمز علي الطاوله
خطيتله
ايمن :خلاص معناها ديما نبات في الشركه بس لما نجي اديريلي بان كيك
اني :هههه لالا قولي امتا تبيه أو مديرهولك
ايمن :سلمها وخيتي
اني :ايمن
ايمن :نعم
اني :شن صار في السفر
ايمن :ايح مقدمها القصه
اني :لا بجديات مش بنمشو مع بعض
ايمن :اي مزال شويه !!شفتي شن صاير في الشركه
اني :أن شاء الله خير
ايمن :امتا تطلع نتيجتك
اني :بعد فدوا
ايمن :ماشاء الله دكتورتنا كبرت
اني :مضحك غير تطلع النتيجه نعرف مصفيه ولا لا
ايمن :لا اني واتف انك ناجحه
اني كيف جين بنتكلم طقطق الحوش
مشيت فتحت
لقيته مراد ومالك
مالك :اختي حبيبتي وايلي ميه سخونه نخش ندوش
اني :الناس ظقول السلام عليكم كيف الحال
مالك :بري روحي وربي تعبان
مراد شبحلي :شن الجو
اني :تمام خشو
خش مراد بكامل مع ايمن
ومالك خش يغسل
