بنات احتمال كبير معش انزل لان مفيش تعليقات
وشكرا 💜🍃
خشيت ل حوشنا شربي اميه وخشيت ل داري صكرت الضي ونبي نرقد طقطق الباب
اني قعمزت في فراشي
اني:تفضل
ايمن خشش رأسه :نخش عادي
اني:خش
خش ايمن
ايمن :سرو واي روحك مع الساعه 9 باهي
اني:به وضحكتله
ايمن:تصبحي علي خير سرو
اني :وانت من اهل الخير
طلع ايمن وإني انقلت ل عالم الاحلام
الصبح الساعه 8
نضت خشيت غسلت 🛀 وطلعت لبست سروال جينز ازرق غامق وسوريه كاروهات احمر بالابيض ووشاح ابيض وسبيدرو ابيض وشنطه ودرت شويه ميكب روج ومسكارا واحمر خدود وخديت تلفوني وطلعت نزلت لقيت ايمن مقعمز يهدرز علي ماما
ايمن :هي واتيه
اني:ايه
ايمن :هي
ايمن كان لابس سروال جينز ازرق فاتح ومشرك وتيشرت بيضاء وسبيدرو ابيض وطالع يهبل الصراحه
طلعنا اني وياه
في السياره
ايمن:سرو وين تبي نفطرو
اني :عادي اي مكان
ايمن:به عطيني اقتراح
اني:نمشو فيراندا
ايمن:تمام
مشينا ل فيراندا وصلنا نزلنا خدينا تشيز كيك وكابتشينو وقعمزنا نهدرزو ونضحكو
اني:ههههه بجديات هكي درتله
ايمن:اي والله درهلي كبدي
اني:هههههه مش مصدقه
ايمن: قصدي مرقدني الساعه 8 الفجر ونوضني الساعه 9 ونص الصبح ويقولي نوضو نفطرو
اني:حرام عليك يا ايمن
ايمن: حرام في عينك درهلي كبدي شن تبيني نديرله
اني:هههه
ايمن:سرو انوضو الساعه 10:10
اني:مزال بكري
ايمن:لا مش طول الحوش بنطلعو ندهورو
اني:بالحق
ايمن:والله
اني: به اليوم معندكش شغل
ايمن:لالا
اني :به هي
نضنا خلص ايمن وطلعنا رفعني ل محل حوايج monsoon
ايمن:هي انزلي
اني:هي
نزلنا وخشينا المحل وقعدنا نشوفووالي يعجبني ياخدهالي ووقفنا علي جبهة الاكسسوارات خديت حتى هما حاجات
بعدين طلعني مشينا ل محل لاوشحه اسمه حجابي
خشينا خديت اوشحهوركبت حجات علي حوايج
وطلعنا مشينا ل محل للاحديه ديانا
خديت كعب اسود وكعب برونزي وكعب وردي وشناطي خديت أربعة شناطي متع طلعة مش مناسبات
ومشينا ل محل احدية
خديت سبيدرو ابيض من ماركة Fila
وسبيدرو ازرق adidas
وسبيدرو ابيض Nike✓
ورفعني ل محل مكياج
خديت مكياج و عطور
وطلعنا
اني:ايمن والله خلاص
ايمن:اني وعدتك
اني:وعدتني نفكر برا
ايمن:به خليني ندلعك
اني:والله يزعلو رتو ورهف ورؤى
ايمن:تي اصكتي وانتي متعيش دوا
اني:ايمن
ايمن: به غير قوليلي توا شن تبي ناخدلك ايفون اكس
اني:لا شكرا تبي نقعد بتلفوني اهو ساد الحاجات هما
ايمن:به لتقعدي ب ايفون 7
اني:ايه
ايمن:علي راحتك بس راخو خلي في بالك أن مزال تلفون
اني :والله خلاص توا كان نبي تو نقولك
ايمن:به ...ترا الساعه كم
اني:12:22
ايمن:الي وقت الغدي قريب يطيب
مشينا الحوش
ايمن:اسمعي نخشو نيلمو علي جديده واميمه الاول
اني:به
درسنا كدام باب الفيلا وطلع ايمن الريموت متع الباب لان الباب سحاب فتحه لي الارم وخشينا درس سيارته ونزلنا طقطقنا علي حوش جدي فتحلنا ربيع
احني :السلام عليكم
ربيع:وعليكم السلام
اني :كيف حالك ربيع
ربيع :حمد الله
ايمن:شن الجو ربيع
ربيع:تمام
اني :وين اميمه وجديده
ربيع :اميمه في المطبخ اتطيب
وجديده في مكتبه يقرأ
ايمن:انت شن ادير اهني
ربيع:كنت في الشغل وجيت قلت تسلم عليهم
اني :به اني بنمشي تسلم عليهم
مشيت المطبخ
اني: السلام عليكم
اميمه (سالمه) : وعليكم السلام
اني:كيف حالك اميمه
اميمه (سالمه) :حمد الله في نعمه وانتي سرو
اني:حمد الله كويسه
اميمه :حمد الله
اني:اميمه نمشي نسلم علي جديده
اميمه :به
مشيت سلمت علي جديدة وخش ايمن سلمعليهم وطلعنا خدينا الشكاير من السياره وركبنال حوشنا
فتح ايمن الباب 🚪
احني :السلام عليكم
كلهم :وعليكم السلام
بابا :كيف حالكم
اني وايمن :حمد الله وانتو
كلهم:كويسين
جتني رهف ورؤى ورتاج
رؤى:وين الايفون
رهف :وين فطرتي
رتاج:وين رفعك
ايمن : اولا مخديتلهاش ايفون لان متبيشي
تانيا فكرت في فيراندا
تالتا رفعتها ل عليا مكانات
خامسا شرت عليا حوايج وحاجات
سسا شن دخلكم.
رؤى ورهف ورتاج : خزي عليكم
اني:ههههه
ايمن: عادي سرو وخيتي حبيبتي يش تتعلمو تولو زيها
كلهم:هههههههه حاضر
ماما:هي سرو وايمن خشو اغسلو وبدلو بش نحط الغدي
اني وايمن:حاضر
رؤى :لاكن نبي نشوف الحاجات
ايمن:بعدين
خشيت ل داري حطيت الحاجات علي فراشي
وخشيت غسلت وطلعت لبست شرط بيج قصير ل فوق الركبه وفلينيه كمان لونه اخضر فاتح عليا مكتوب فيها كلام للابيض واخضر وبودري وشبشب وخديت تلفوني وطلعت لقيت ايمن كيف طالع نزلت عاونت ماما وخواتي في حطان الغدي وكان طبيخة باميه وضولمه وقعمزنا كلينا .......كملنا ماكله الحمد الله ونضنا نضمو في الحوسه اني ورتاج خشينا المطبخ ورؤى ورهف خدو دار الاكل يساو فيها
كملنا طلعنا من المطبخ
اني :ماما اني بنخش نرقد به يتعبانه
ماما:به بنيتي سلامتك
خشيت ل داري صكرت الباب وصكرت الروشن بالستار وجيت ل فراشي رقدت فيه وتغطيت ومعش نحس بشي الا صوت اسلام
اسلام:سرو سرو يا ساره نوضي
اني:اممم نعم نسمع فيك
اسلام:سرو نوضي رآه الساعه 5 نوضي
اني:به به نضت
طلع اسلام
نضت من فراشي خشيت الحمام وطلعت ضميت فراشي وساويت روحي وشعري
وطلعت لقيت رؤى ورهف وايمن ومالك واسلام مقعمزين يهدرزو في دار التقعميز
اني :شن الجو
هما: تمام
اني : وين ماما وبابا وسند ومهند ومحمد ورتاج
رهف :مهند مع ايوب وياسين وجود وسند معاهم ماما في حوش جدي وبابا نفس الشي ومحمد طلع ورتاج عند نيروز
اني:اها
مالك: سرو ديريلنا كيكه وقهوه
اني:حاضر
رهف : انوض معاك
اني :به
نضت اني ورهف درنا الكيكه وتيناها وحطينا في الكوشه ومشينا قعمزنا
رؤى:سرو
اني: عيونها
رؤى:سلم عويناتك .المهم امتا بتورينا الحاجات
اني:بعد ماناكلو
رؤى:تمام
مالك:علاش مخديتيش منه الايفون
اني:عندي ايفون شن بندير بيه لما نبي تو نقوله
مالك:ايوا
اني:رهف نوضي شوفي الكيكه بش ندير القهوه
رهف:حاضر ونضنا رهف طلعت الكيكه وإني درت القهوه
وحطيناهم
اني:هي تعالو
جو وقعدنا ناكلو
مالك :سرو صبيلي اميه
اني:به
صبيتله
اني:تفضل
مالك :شكرا
اني: عفوا
كملنا وقمنا الحويه وخشيت اني وىعف ورؤى وريتهم شن شريت وستفتهم لقيتها الساعه 7:53 طلعت قعمزت في الصاله ونتفرجو علي التلفزيون ومره نفسف ومالك خش داره وايمن طلع ورؤى ورهف ركبو ل ريم وجوري قعدت اني واسلام
اسلام:هي سرو اني طالع تبي حاجه
اني:لا سلامتك غير طممي عليك
اسلام:تمام باي
اني: باي 😘☺️☺️
طلع اسلام وإني قعمزت بروحي نتفرج ونفسفس ليل طقطق الباب 🚪
اني : جايه جايه
فتحت
مراد: السلام عليكم
اني:وعليكم السلام
مراد:شن جوك سرو
اني:تمام وانت؟؟
مراد:تمام
اني:خش
مراد:وين ايمن
اني:في داره تبي اناديلك عليه ولا تخشله
مراد:تو انخشله
اني:خش
قعمزت نفسفس
ايمن : سرو يا سرو
اني :نعم
ايمن:ديريلنا نسكافيه
اني:حاضر
خشيت المطبخ ونخلط في النسكافيه
اني : وين الليل عليا ايليل وين الليل الليل الليل عليا يليل الليل عليا يليل نبدا في الغالي نتخيل
ودرت الحليب وحطيتهوله
اني :ايمن
ايمن:نعم
اني:تشربو غادي ولا تجو هني
ايمن :اهو تو نجو جنبك
طلعة قعمزو درتلهم هما ودرت حتى ل روحي وحطيتلهم من كيكة مبكري وقعمزو يهدرزو وإني نهدرز معاهم
مراد: ايمن نوض جيب الاب توب بش نكملو
ايمن:هي سرو تربحي تنوضي تجيبيه
اني:حاضر
نضتجبته وجيت حطيتهولهم هما يشتغلون وإني نتفرج
طقطق الباب
اني:جايه جايه
نضت فتحت لقيته مروان ونور
اني:نورررر ستاحشتك
نور:حتى اني
خشي خشي
مروان :وإني كلب ولا حمار ولا مش من العيله اساسا
اني:عيب عليك انت الكل في الكل
مروان :الله الله هاك شدي
اني:هادا شني
مروان :هادي يا حنه انتي تحبي شاورما متع بيت الختيار مشي خطمنا من قدامه قلت نجيبلك
اني:صحيت سلم مرواني
مروان :بتخلينا قدام الباب يا اوزعه
اني :لا خش
خشو قعمزنا نهدرزو وحطينا الشاورما
اني:الله يا مروان تهبل
مروان :عيونك اللي يهبلو
اني :يسلمو رجليك
مروان :نعممم ... كيف هادي
مراد:يعني انت جبتها مش درتها
مروان :إله فهمت ورجليك
اني:هههههه
ايمن: حي حي الشاورما بتطلع من خشمها
نور :ههههه
اني :حمد الله ...نور نوضي نمشو ل داري بنوريك حاجات شريتهم امس شراهملي ايمن
نور :هي
نضت اني نور ومشيت ل داري نوري فيهافي الحاجات
نور :الله تهبل هادي السوريه
اني:ايه
نور :هدا العطر زارا
اني:ايه
نور :مبروك عليك
اني:الله يبارك فيك تفضلي امتا ما تبي
نور :من غير متقولي
اني: ههههه 😂
طقطق باب داري
اني :تفضل
ايمن :سرو اني طالع
اني :به تمشي وتجي بالسلامه
نور :حتى مروان ماشي معاك
ايمن:ايه اني ومروان ومراد
نور :تمام
طلع ايمن مشي هوا والولاد
تم البارت 😂🥀🖤🙅
نشوفكم في البارت الجاي 🤷😉❤️
