عشك شيوخ(مكتملة)

البارت السابع

البارت السابع

شيخة رتبت جنطتي اندك الباب
شيخة منو
نفتح الباب ابن اخوية جعفر
هاا حبيبي شرايد
جدو يريدج بغرفته
يله نازلة نزلت الغرفة بابا
دكيت الباب
الشيخ منصور ادخلي بنيتي
شيخة نعم بابا ردتني
الشيخ منصور اي بابا تعالي حضرتي جنطتج حتى تروحون
باجر شيخة اي بابا حضرت كل شي حتى جنطت جدو حضرته عفيه عليج هاج هاي
الفلوس الج اخاف تحاجين شي واذا عزتي اطلبي من اخوج وسام
شيخة اخذت الظرف مال لفلوس شكرا بابا بس مو هواية
الشيخ منصور ادري بيج اتحبين تصرفين
شيخة بست راسه الله يخليك اللى
الشيخ منصور بابا شيخة اريد افاتحج بموضوع
شيخة تفضل
الشيخ منصور اللي واحد من الشيوخ خطبج مني
واني قبل ماانطي الرد عمامج كالو البنت النه
وبعد ما راحم الشيوخ عمج ابو قاسم فاتحني بالموضوع
يريدج لقاسم واني رفضت
بس عمج ابو عماد كال ولدنه هوايه شيخة متطلع للغريب
يريدج لابن حرار
واني كلت اخذ رائيج بالاول وكالو ميصير ماعدنه عادة ناخذ رايه واني كلت لا اخذ
رايه البنت ياله
شيخة بابا اني مااريد اتزوج وانته معلمني علصراحة
قاسم ابو طلايب
وكرار مثل اخوية بابا مااريد تجبرني فدوة
الشيخ منصور بابا اني مارايد اجبرج بس انتي كبرتي مو صغيرة واحنه عدنه البنات
يتزوجن من هن وصغار
بس انتي مازوجتج لانج وحيدتي وغالية عليه
يله بابا روحي حتي تحضرين نفسج
شيخة ان شاء الله بابا
شيخة طلعت احس روحي مخنوكة
الخايفة منه صار يعني ولد عمي نهو عليه اووف ليش هيج يصير وياي
دخلت للمطبخ لكيت الجناين يحضرن العشا
تريدون مساعدة
رقية اي حبي تعاي ولله جابج
شيخة شنو رايده
رقية نريد نوصيج غراض من اربيل
شيخة اطلبي ولكلج اني اصور وادزلجن وانتن اختارن
زينب اي والله وجدي وين عنج
شيخة اخلي جدو بالمستشفى واديح اناه
البنات كلهن يضحكن
بنات امي ما اجت من بيت جدي
زينب لا قبل شوية خابرت كالت خلي يجي واحد من الولد
كلت لوسام كال اني اجيبه
خوش اني لعد اروح لغرفتي
بلقيس تعاي بدون مهرب
قطعي الدجاج
شيخة اجيت
كاعدة اكطع بالدجاج وامي دخلت
الام السلام عليكم
الكل وعليكم السلام
الام شيخة وين ابوج
شيخة بيت الثاني نسيتي اليوم يبات بذاك البيت
الام شيخة خلصي اللي باديج وتعالي وراي
شيخة انشاء الله يمه
كملت اللى بيدي ورحت ورا امي
دكيت الباب
الام تعالي شيخة اريدج بموضوع
شيخة نعم يمه
الام اليوم ابن خالج عامر طلبج مني انتي شنو رائيج
شيخة شنو القصة اليوم كله خطبتني
الأم ليش منو خطبج
شيخة اليوم بابا يكول اكو شيخ خطبج مني وقبل ما ارد
عمو ابو قاسم كال اريده لابني قاسم
وعمو ابو عماد خطبني لابنه كرار
الام يعني ولد عمج رايديج انتي تقبلين. بعامر ابن اخوية
اذا قبلتي اكول لابوج انتي ماعليج
شيخة يمه اني لاريد ابن خالي ولا ولد عمامي
الام بعصبية عنسي احسن
شيخة اي احسن
الام روحي جيبي جنطتي
شيخة هاج يمه جنطتج الأم هاج هاي فلوس اخاف تريدن
شي تشوفينه وتشترين
شيخة باست راس امه تسلمين يالغالية
يله تريدين شي
الأم لا
شيخة طلعت من غرفة امي فرحانه
صعدت على غرفتي وطلعت فلوس اللى انطناه ابوية
وي فلوس اللي نطتنياهن امي وطلعت فلوس اني مجمعتهن وبديت احسب
شيخة هلا هلا💃💃💃
دك التلفون
شيخة الوووو
......... شلونج خيتي
شيخة بخير انته شلونك
علاء تمام والله سمعت جدي راح يسافر لاربيل علمود عيونة
شيخة اي صحيح اني وسام راح نروح وياه
علاء تروحون وترجعون بالسلامة
شيخة الله يسلمك شوكت ترجع من تركيا
علاء بعد ست أيام
شيخة ترجع بالسلامه
علاء سلميلي علكل وعلى جدي بالاخص
شيخة يوصل انشاء الله
علاء مع السلامة
شيخة الله وياك باي

اللى هنا ينتهي البارت
ادري البارت كلش قصير
بس اني كاعده اقرأ
امتحاني دور الثاني
ادعو لي
واشكركم على تعليقاتكم
للكاتبة ياقوتة الانبارية