عشك شيوخ(مكتملة)

البارت السادس عشر

البارت السادس عشر

شيخة طبت خالة سحر للغرفة ومتوترة 😂😂😂ولاليكول صارله ساعه تنتظر اكثر من العريس
لزمته اسئلة
وجهج مخطوف
سحر تعالى فوك نحجي اريد ابدل صعدنه ها احجي شنو احجيلج اغمى عليه اول مادخلت للغرفة
شيخة هههه
اي كملي وحجتله بالتفصيل
شيخة خالتي موسهله لازم استفيد من خبراتج
سحر اي نسيت
شيخة شكو
سحر راح يسوي عرسين ق
شيخة عشتو مامصدك ماخذج لو شنو
سحر عرس يم اهلي وعرس يم اهله
شيخة اممم اريد اشوف عرسج الثاني
سحر وانتي منو اللى عازمج على العرس الاول حتى الثاني
شيخة نشوف منو اللى يحضر
سحر لايكون زعلتي
شيخة  اي زعلت وماارضه اللى يجي الشيخ لوى ويعزمني
سحر راح انطيج دفرة
شيخة هههه ليش خايفه عليه ترى مخطوبة لاتخافين
كاعدين نضحك وماحسينه الا الباب انفتح
شيخة ماتعرفين ادكين الباب
سحر وهي تكرص شيخة تعالى رشا اكعدي بس شيخة جانت تبدل
رشا اي شيخة خطيبج حلو
شيخة اي حلو ومرتب وعيونه رصاصي وطويل يجنن
رشا الله يهنيكم
شيخة امين اليوم اللج ان شاء الله
رشا اكلج شلون اخوج حسام
شيخة بخير الحمد لله وان شاء الله راح يتزوج عن قريب

رشا بفرح منينه سعيدة الحظ
شيخة مااكدر اكلج بس هي مو من اقاربنه
رشا شنو وليش عود
شيخة بخبث والله عاد انى مااعرف هو اختاره وكال ابو المثل الاقارب عقارب
سحر ليش ماكلتيلي حسام راح يخطب ومنو اللى راح يخطبه
شيخة والله مااكدر اكلج منو حتى امي متعرف  لحد الان انو حاط عينه على وحده
رشا يله انى اروح انزل اخاف احد يصيحني

طلعت رشا وسدت الباب  
سحر صحيح اللى حجيتي لو بس حتى تقهريه
شيخة اي صحيح وعن قريب ان شاء الله
سحر ومنو هذه
شيخة بعدين تعرفين

عامر اجتي عمتي سحر وحجت وياي لان دزيت رسائل لشيخة وحجت عليه
وانطتني تلفون اختي رشا  وشفت اللى ميتسولف كله ولد
ردت اذبحه لو ماعمتي كالت يمنه خطار عيب  اخذت تلفونه وخليته بغرفتي وصارت خطبت عمتي ولتهيت وصار الضهر وشافته عيني وليت ماشافته
نزلت من السيارة ومشت بغرور كلعادة وصلت يمي وعاتبتني
اويلي عليج يبت كلبي شلون راح انساج فهميني اخخ ياكلبي

تسريع الأحداث

شيخة. اليوم الحنه مالتي وكعدت من الصبح حتى اروح للصالون وراحت وياي سحر ومرت اخويه دخلنه للصالون سويت تسريحه نازكة ومكياج طوخ ولبست الفستان قصير لون رماني ومن جوه نفش
شيخة ها سحورة شنو رائيج بيه
سحر طالعة كيكة
شيخة يعني حلوة
سحر اكلج تخبلين طالعة على خالتج
شيخة 😂 هسه عرفت انى عليمن طالعة مغرورة
خابرت على اخويه حسام واجه اخذنه للبيت
طبيت البيت ولكيت  الدنيا مخبوصة كعدت بالكوشة وبديت اتصور اني وسحر وبنات عمي وبنات خالتي وكمنه نركص انى بالبداية ماردت اركص
بعدين  ذبيت حيلي بلركص ليشوفني يكول مو عروس 😅
كعدت بالكوشة وبعد نص ساعه اجتي عمتي والبنات والجدة وضحه
سلمو عليه  كلت للجدة وضحه  فرحتيني  بجيتج
الجدة وضحه معقولة مااجي وهاي حنتج انتي والغالي عليوي

وبعد ربع ساعه تقريبا كالو العريس اجه ودخل علاوي   لابس زي عربي وطالع يخبل واقاربة وخواته بدن يهوسن

علاوي وماكعد راحه اخذله حليوة تفاحه

علاوي اخذ ارادته وعاف بنات ولايته

اجه العريس والكذله تهفيله مدري شنو كلج وانتي زحفتيله

علاوي ياجكليته حامض حلو باكيته

شيخة علي وصل يمي وباس راسي وكعد بصفي بس حسيته منصدم
كلت بكلبي هو انته لسه شفت حاجه

جابو الذهب عبارة عن كلادة طويله وتراجي ومحبسين وحلقة وست اسورات واجتي الجدة وضحه خلته يحنيني واني حنيته بأصبعه الصغير
ورا عشر دقائق  ماما اجتي
شيخة ها ماما شكو ابوج وجدج يريدوج انتي وعلي بالديوانية تعالي يله
كلت لعلي تعال ناخذ صور وي جدو وبابا
واخذت الجده وضحه ويانه
دخلت ولكيت بابا وجدو واخواني كلهم
دخل علي وسلم عليهم ودخلت جده وضحه  وجدو سلم عليه
الجد شلونج ام مصعب
الجده وضحه بخير الحمد لله انته شلونك
الجد انى بخير إذا انتي بخير
شيخة احس يتكلمون بالنظرات جدو هم طلع بيه بله 😂
حضنت بابا وبابا باس راسي ولبسني تاج ذهب
الشيخ منصور اريدج ترفعين راسي مثل كل مره رافعته
شيخة راسك دايما مرفوع
وجدو باسني ولبسني سلاح ذهب مال جديتي الله يرحمه
واخواني كلهم لبسوني ذهب احس روحي ثكيله من الذهب
الشيخ منصور شوف ياعلي انى انطيتك قطعه من كلبي
مااريدك فد يوم مزعله  واخواني هم حجو وي علي
اول مرة احس عندي سند وعزوة
اخذنه صور جماعية 
ورجعنه للحفله وانى احس العيون راح تاكلني وخصوصا بنات عمي
شيخة علي شوكت تروح
علي ليش تردين الفكه منى
شيخة اطلع اريد اركص
علي عادي هسه نركص انى وياج
علي صاح جنان طلعي اغنية حلوة حتى نركص انى وشيخه
طلعت اغنية حسام الرسام اليوم اجمل يوم بعمري اليوم اجمل يوم
وبدينه نركص خلصت الاغنيه وطلعت اغنية اليوم حنت الغالي
وكمت اركص ليشوفني يكول مو عروس 😅 تحمست بالركص وعلي مصدوم
من ركصي
تعبت ورجعنه بالكوشة وشوية وطلع علاوي حتى يروح لحنة الزلم

علي اليوم الحنه كعدت الصبح ورحت للحلاق رجعت للبيت تغديت وصعدت ابدل ملابسي لبست زي عربي دشداشة نيلي  ولفيت الجراوية ولبست الساعة
وتعطرت ونزلت حتى اروح للحنه النسوان واني اسوق
تذكرت حنتي اني وحنين
شلون جنت فرحان  والدنيا ماوسعتني
وصلت للحنه وانى رافض الجيه لو لا ملحت  جديتي وضحة لازم اجى للحنه
دخلت ونصدمت بالكاعدة بالكوشة هاي راح تكون وياي تحت سقف واحد

احس اكلته بعيوني حنيته ولبسته الذهب وكالو ابوه وجده يريدون يتصورون وياه دخلت اني وياه وجديتي وضحه بس اريد اعرف شجابه ويانه
سلمت على ابوه وجده واخونه ولبسوه ذهب  واخذنه صور جماعية وجده وضحه ويانه حاشره نفسه بكلشي

ابد مامرتاحله من سلمت على جد وضحه 
اني خايف منج ياجدة اخاف تفضحينه
رجعنه للحفله وشيخه كالت شوكت تطلع
انى كتله ليش
كالت اريد اركص صحت اختي جنان وطلعت اغنية حلوه وهادئه وركصنه
عليه خلصت الاغنيه وطلعت اغنية اليوم حنت الغالي اليوم وشيخة بدت تردح ولاليكول عروس فضختني
طلعت حتى اروح للحنه مال الزلم وصلت للبيت وغيرت ملابسي ونزلت ولكيت ولد عمي واخواني يهوسون اليوم حنت الغالي اليوم نلعب جوله وبدت الحنه  والچوبي

اللى هنا ينتهي البارت
للكاتبة ياقوتة الانبارية 😘