البارت الحادي والعشرون
#كون اليحب محبوب كل وكته يمه
ومن يختنك بالشوك يركض يشمه
سحر اليوم حنتي رحت للصالون سويت تنظيف بشرة 💆 وحمام مغربي
سويت تسريحه شعري بس رفعته وهديتهه على طوله
ومكياج هادئ لبست بدلة لون فيروزي ولبست الكعب اباوع على نفسي بالمراية معقولة هاي انى فديت نفسي اجنن
اتصلت على عامر حتى يجي ياخذنه
شيخة اليوم حنت سحر اخذت اذن من علي حتى اروح للحنه بديت احضر بنفسي شسورت شعري وسويته ذيل حصان
فتحت الكنتور حايره شنو البس امم طلعت فستان طويل لون ذهبي ردان طويل وبي فتحه من كدام للركبة لبست كعب طلعت اجنن واو دخل علي ظل صافن شيخة شنو رائيك حلو
علي تجننين
شيخة صدك يعني حلو
يله انى راح اخابر واحد من الولد يجي ياخذني
شيخة خابرت على حسام مايقبل يرد
اووف حسام ليش مترد
جنان شيخة احنه كملنه لبس وجاهزين
شيخة انى هم جاهزة خابرت على حسام ميرد
راح اخابر على عمار يجينه
علي والغضب بين عيونه
شنوه عمار ليش بله ماعندج رجال يوديج
شيخة مابيه شي ترى اخويه
علي اي بس مااحب خواتي يصعدن وي غريب
انى راح اوصلجن
يله اطلعن
علي شيخة اخذت اذن مني حتى تروح لحنت خالته وانى وافقت بس
دخلت للغرفة وانى منبهر طالعة كيكة بنت اللذين
خابرت اخوه حسام ومارد
سمعته تحجي وي جنان تكلله راح اخابر عمار
اني تعصبت تخابر عمار مااعرف ليش اتنرفز من اسمع باسمه هو واخو
لا وشيخة فرحانه بيهم اخوتي بالرضاعة
طلعنه وصلتهن للحنه
علي يله انزلن وعلفكرة من تخلص الحنه خابرني اجي عليجن تمام
شيخة نزلت انى والبنات بعد محذرنه علي هو يجي ياخذنه
دخلت البيت جدي وسلمت ع جديتي ونسوان خوالي ولكيت ماما وخالاتي
الحفلة بدت شكله من زمان دخلت لكيت سحر بالكوشة سلمت عليه ذبيت عبايتي وبديت اركص
سحر اجه عامر اخذنه من الصالون وخابرني لوى كال وصلت انى وحجز غرفة اله بالفندق دخلت للبيت وبدت الهلاهل لكيت عمتي بدرية جاية هي وبناته وجناينه كعدت بالكوشة وبعد ساعة اجتي شيخة
باركتلي اشو هاي ذبت عبايته وبدت تركص شكله جوعانة ركص
سحر ولج شيخة عزة بعينج كافي تركصين ماتعبتي النسوان اكلنج بعيونهن
شيخة ميهمني خليني اركص عاد
سحر تدرين بروحج ركصتي اكثر من خوات العريس
شيخة اي اعرف 😂😂😂
سحر بعد نص ساعه كالم اجه العريس
دخل لوى طالع يخبل لابس زي عربي فديته خواته كامن يهلهن ويهوسن
بنت خالنه تصير جنتنه منريد الغريب ادوس عتبته
عيون الغزال عيون جنتنه صلوا علنبي والصيدة صيدتنه
مبارك علماخذه يراعيه ماينعرف خده من تراجيه
عروستنه حديقه والورد بيه ماخذه شيخ الشباب ومعتني بيه
أنت تقرأ
عشك شيوخ(مكتملة)
Genç Kız Edebiyatıالقصة جميلة تتكلم عن ابن شيوخ يتزوج من بنت شيوخ والغرور هو الفاصل بينهما
