عشك شيوخ(مكتملة)

البارت الخامس والعشرون

البارت الخامس والعشرون

هذا البارت عيدية  لان طلبتو مني
واسفه لان كاعدة اتاخر عليكم بالنشر بس والله مشغولة
وشكرا لتعليقاتكم الحلوة فديتكم يااجمل متابعين😘
وعلى فكره البارت طويل

علي انتهى دوامي ورجعت للبيت غيرت ملابسي نزلت اتغدا بعد الغدا ابويه

الشيخ مصعب تعال يا علي اريد احجي وياك
علي خير بويه
الشيخ مصعب ابني انته غلطان من ساسك لراسك   واعرف انته تحب شيخة صارلك يومين مو علبعضك  فأنى قررت اليوم ارجعه

علي تريدني اجي وياك
الشيخ مصعب ياريت حتى تعتذر من البنية  وترجعه بنفسك صحيح ماكتلي شصار عل هذا اللى دز الصور
علي مااعرف بويه  هاي السالفة خبلتني اللى دز الصور مااخذ الصور من تلفون شيخة
الشيخ مصعب اكيد يريد يخرب بينكم
يله حضر نفسك العصر نروح نجيب شيخة
علي أن شاءالله بويه صعدت لغرفتي وانى فرحان يعني راح تجي شيخة من راحت واحس من ادخل الغرفة  تخنكني
صار العصر وطلعنه انى والوالد بالسيارة حتى نرجع شيخة

شيخة جنت نايمه الضهر دك الباب منو
عمه شيخة اكعدي رجلج يريدج شيخة من سمعت رجلج فزيت  معقولة علي شجابة جنت لابسه دشداشة قصيره بسرعة غيرت ملابسي ولبست دشداشة
حلوة لون سوده مخصرة وخليت مسكارا وملمع شفا
بربكم هاي مال وحده جانت نايمه 😂
لبست شال ونزلت جوا
سالتهم من اجه كالم الشيخ مصعب وابنه علي دخلت لكيت عمي وعلي   كاعدين بالديوانية دخلت سلمت ردوا السلام
الشيخ مصعب شلونج بنيتي
شيخة بخير الحمد لله
الشيخ مصعب اليوم جاي حتى اخذج ويانه ترجعين
شيخة مافهمت اننى كلت مااريد ارجع
الشيخ مصعب بنتي مصار شهرين من متزوجين وإذ طلقتي راح يجيج حجي انتي غنا عنه
انتي إذ تعزيني ارجعي واوعدج وعد شرف انو علي اذا زعلج مرة الثانية
انى راح اوكف بوجه  وانتي تعرفين اللي صار وزت شيطان واكو ناس متقصده الموضوع
شيخة الصورة هذه موجود بتلفوني  واللي اخذه  انى عرفت منهو
الشيخ مصعب منهو هذا وانى أخذ حقج
شيخة اتاكد بالاول
الشيخ مصعب هسه لازم ترجعين احنه ماحجينه لأحد عن سبب روحتج لهلج
شيخة حتى انى ماكتلهم لاهلي كتلهم علي سافر برا البصرة وانى لكيته فرصة اجي يمكم ماحجيت لهلي على اللي صار
الشيخ مصعب بارك الله بيج ونعم التربيه لمي اغراضج وتعالي انى انتظرج بالمضيف مال ابوج
شيخة ان شاءالله
شيخة رحت لميت اغراضي وانى فرحانه مامصدكه انى ارجع
لاتلوموني احبه

علي رحت انى وابويه وصلنه ودخلنه
كعدنه بالمضيف شويه  ورحنه بالديوانية ننتظر شيخة
ابوي حجي وياه وانى لزمت الصمت
حجه وياه ابويه وقبلت تجي ويانه طلعنه ودخلنه للمضيف

الشيخ منصور والله ياشيخ مصعب اريد اطلب منك طلب
الشيخ مصعب انته مو تطلب انته تأمر
الشيخ منصور مايامر عليك عدو
بس انى اريد اخطب بناتك الثلاثة لولدي
الشيخ مصعب الثلاثة مرة وحدة
الشيخ منصور اي لعلاء وحسام وسام
الشيخ مصعب ههههه انى اخذت منك بنية وانته تريد تأخذ ثلاثة
انى موافق بس لازم اخذ رايهن بالاول واشوف ولد عمهن وان شاءالله يصير خير
علي ابو شيخة خطب خواتي لولدهم مااعرف ليش حسيت شيخة اله يد بالموضوع يله عل كلن كملت شيخة ودعت اهله  وطلعنه اباوع عليه بالمراية وانى كاعد اسوق وهي بس تتبسم وتباوع بالتليفون شوي ودك موبايله
شيخة الووو هلو عمار بخير هههه لا راح ارجع ولك زوجي رجع من السفر لازم ارجع هاهي سلملي على عمار ان شاءالله مره ثانيه باي
علي احس اريد اكسر تلفونه ولكم اغار من عمار وانمار عابت. فوكاه تتمضحك الفاهية
شيخة وصلنه نزلت وعلي هو شال الجنطة دخلت سلمت عالكل
صعدت لغرفتي ودخل علي ورايه
علي شيخة اريد احجي وياج
شيخة ارجوك علي سد الموضوع
علي شيخة انى اسفه انى ظلمتج
شيخة على شنو اسفه على الكف اللي نطتنياه عمري كله محد مد ايده وضربني لو علاهانه الهنتني بيه وانته مسوي فضل عليه وتزوجتني
شيخة مشكور وماقصرت بس لو رافض الموضوع من البداية ماجان تزوجنه
وصار هذا حالنه خلص علي لاتعتذر انى  رجعت لسبب واحد وهو عمي
وان شاءالله علاقتنه مامطوله وتكدر انته تشوف حياتك
شيخة اخذت ملابسي ودخلت للحمام حسيته منصدم من الكلام بس هاهي طلعت البكلبي كله