عشك شيوخ(مكتملة)

البارت الثالث والعشرون

البارت الثالث والعشرون

هذا البارت مفاجاة لان مقصره وياكم لان كاعدة انزل البارتات قصيره بس هاي اول مره اكتب رواية اعذروني
فديتكم يااجمل متابعين 😘فديت تعليقاتكم الحلوة 😍

ساخبرك سرأ

اننى اخون كبريائي في الخفاء واتبع اخبارك
ليطمئن قلبي، اشتقت لك بصمت فهل يصلك
ضجيج =حنيني✨💫

سحر كعدت الصبح وتذكرت البارحة لوى ولا كعد راحه شكد رقيق ورمانسي
كعدت دخلت سبحت واخذت ملابسي بدلت كعدت لوى دخل سبح طلع طلب ريوك تريكنه وطلعنه من الفندق لبيت اهلي سلمنه عليهم وطلعنه للمطار حجزنه طيارة لبغداد ومن بغداد للانبار بسيارة لان الانبار مابيه مطار

شيخة كاعدة اساعد البنات بالمطبخ ومااحس الا دخلت علي ليش رجع من الدوام من وكت
شيخة ليش رجع
رحت يم طيبة ها بشري شصار وياج
طيبة الخطة ماشيه تمام بس هسه لازم أحد يخابره ويهدده
شيخة ماعليج انى راح اخلى ابن عمي عمار يخابره هذا يحب الفواين
طيبة خوش يعني اليوم يهدده

شيخة تغدينه وكملنه وكاعدين نلم السفرة ودك موبايلي علي فدوة
بس شوف منو يتصل عليه
علي اباوع على تلفون مكتوب عموري الضلع
علي فتحت التلفون وخليته على اذني
.....هلا بضلعتي هلا بشيخة البنات هديتج راح توصلج للباب وتسلمين عالهدية
علي اهلا شيخة مشغولة رايد شي
عمار هلا بالنسيب لا مارايد شي بخابرت حتى اتشكره على الهدية
علي اي هدية
عمار هدية عيد ميلادي
علي ان شاءالله اكوللهه رايد شي ثاني
عمار سلامتك
شيخة هاا علي منو جان يتصل
علي ابن عمج عمار يريد يتشكرج علهدية
شيخة فديته ان شاءالله عجبته
علي المن تفدين
شيخة فديت اخويه عموري ونموري هذول مثل اخواني
علي وشنو وديتيلهم هدية
شيخة ساعات من ماركة cool
علي وانتي ليش عيد ميلادج اليوم
شيخة لا انى بعد شهر
علي

لاتنسين اليوم ترحين ويايه انى طالع العصر اجى الكيج جاهزة

شيخة طلع علي واني رجعت خابرت ابن عمي وانطيته الرقم وفهمته
وكفت اغسل مواعين كملت وصعدت فوك دخلت سبحت وطلعت نشفت شعري بالشسوار صبغت اضافري فتحت الكنتور حايره شنو البس
طلعت تنورة نيلي وقميص أبيض وسترة نيلي حضرت كعب
اخذت غفوة وقت المنبه ساعة
نمت وكعدت بدلت وخليت مكياج طبيعي كاعدة البس بالحذاء ودخل علي
اشو هذا بس صافن ها علي شنو رائيك حلو
علي وهو يدخل الحمام مابي شي
شيخة مغرور
كملت لبس اخذت الجنطة ونزلت يم البنات
ها بنات شنو رائيكم بيه
حنان تخبلين
جنان طالعة مضيفة طيران ✈
الجدة طالعة كمر ماشاء الله
طيبة تجنين
شيخة خجلتوني كمل علي لبس ونزل لابس قاط لون نيلي والرباط بلون شالي طالعين ثنائي يجنن
طلعنه وصعدنه بالسيارة والطريق كله علي بس يخابر
وصلنه لمكان العرس دخلنه لقاعة فخمة كلش دخلنه وعلي عرفني على اصدقاءه وصديقاته وكعدنه على طاولة بيه صديق علي وزوجته بعد نصف ساعه دخلوا العرسان ونطفت الاضواء وتسلطت عليهم واوو شكل العرسان
حلو شكلهم عن حب كعدوا بالكوشة ونفتحت الاضواء وبدت الاغاني
شيخة اباوع علي بس يباوع على البنات قهرني 😣
شيخة ماتعبت وانته تباوع على البنات
علي لاوالله ماتعبت ادور على عروس الى
شيخة 😏😏 عاد انته تستاهل اروح اخطبلك بنفسي
علي يعني تخطبيلي بنفسج
وانى اقدمك لعروستك
علي لعد خوش
شيخة انى هم اريد اشوفلي واحد صاگ
علي شنو 😒
شيخة لعد شعبالك بس انته تريد تزوج انى هم وانته بايدك تسلمني لعريسي
علي لا باله بعدني ماشادهن
شيخة شوف ذاك الصاگ يموت وين الله يصير من نصيبي
علي اكعدي راحه يابنية
شيخة بدا العريس والعروس يركصون سلو
ماحسيت الا صوت ورانه شلونك علي
شيخة هذا الصوت اعرفة التفتت وبصدمة....😨😨😨
معقولة هذا عصام
لا
علي بصدمة هلا عصام شلونك وهو يحضنه
عصام انا بخير الحمد لله انته امورك تزوجت لأ
علي ها اي تزوجت
شيخة مااريد التفت خايفه
عصام عرفني على زوجتك
علي اي ليش مااعرفك
علي شيخة تعالي
شيخة حسيت بخنكه
كمت من الكرسي
والتفتت وشفت الصدمة بعيون عصام
علي اعرفك زوجتي شيخة
شيخة اهلا وسهلا تشرفنا
عصام اااا اللى الشرف
علي جنت كاعد اني
وشيخة مااحسيت الا صوت يناديني لتفتت وشفت عصام لا ياربي مااريده يشوف شيخة سلم عليه وسالني تزوجت لا
عرفته على شيخة وجنت متوقع الصدمة بعيونه
اباوع على شيخة عيونه عليه من سلمت على عصام
ترخص عصام وراح رجعت انى وشيخة الطاولة كعدنه
حسيت شيخة ضاجت
علي شيخة تعبانه نروح للبيت احسج مو على بعضج

شيخة لا بالعكس الحفلة حلوه
شيخة احس اريد ابجي بس اخاف علي يشوفني ماجنت متوقعة انني اشوفه بديت انساه حسيت علي هو كل حياتي بديت اتعود عليه احس صار كل دنيتي هو نوب عصام رجع بحياتي
ياربي مااريد تخرب حياتي حسيت علي بده يتعود عليه
رجعتلي ذكريات الماضي راسي راح ينفجر
علي يله شيخة خل نرجع للبيت
شيخة طلعنه وانى بغير عالم
علي حسيت شيخة بيه شي لازم اسأله
شيخة حسيت بدوخه ومعدتي تكلب
شيخة علي وكف السيارة
وكف السيارة وطلعت
علي شيخة كالتلي وكف السيارة وكفته طلعت من السيارة وبدت تتقئ ماخلت شي بمعدته
علي شيخة اخذج للمستشفى
شيخة لا بس وديني للبيت
اريد انام وصلنه للبيت صعدت فوك دخلت للحمام غسلت وجهي وغيرت ملابسي ودخلت انام احس جسمي مكسر يطلع من نار

علي دخلت للغرفة شفت شيخة بالفراش كلت اكيد نايمة
غيرت ملابسي ودخلت انام احس شيخة ترجف اباوع البنية نار مرتفعة حرارته تهذي بشي مااعرف شنو تقربت واسمعه تهذي باسمي
علي لتعوفني فدوة
علي من سمعته حضنته ونيمته بحضني مااعوفج بعد كاعد وابوس بيه الليل كله مانمت كعدته نص الليل انطيته علاج
اويلي يمة طلعت تحبني 😂
باجر انى هم اعترفله بحبي
اريد انام مااكدر اليوم من شفت عصام بالعرس انى حيل ضجت عبالي هي بعده تحبه بس بعد اليوم شفته شلون لزمت ايدي كدام عصام حسيت بيه انه
تكول انته سندي اه ياشيخة اخذتي عقلي قبل كلبي
اووف ياشيخة بسته ونمت
شيخة كعدت الصبح لكيت نفسي بحضن علي ماصدكت هاي شنو صاير
بست علي من خدة وكمت دخلت للحمام سبحت وطلعت ونزلت جوه

علي حسيت شيخة صحت من نومه شافت روحه بحضني باستني من خدي طلعت تحبني 😂
واخيرا بس انى لازم اسأله عن علاقته القديمة وي عصام ليش متقبل تحجي بالموضوع
دخلت للحمام سبحت بدلت ونزلت جوه اليوم جمعة الكل مجتمع نزلت
لكيت شيخة يم الجده وضحه
علي شفت شيخة تشاور الجده وضحه والجده تعال يا علي اخذ مرتك
لا هسه بالعصا
علي شبيج وي مرتي
الجده وضحه مرتك اكوللهه مريضه تكولي اخاف تريدين تزوجين
علي هههه اخاف كلام شيخة صحيح وتستحين تكولين
الجده وضحه شوف هذا هو ومرته عليه
علي شيخة سويلي ريوك
شيخة ان شاءالله
علي لزمت الموبايل اكلب بيه لكيت رسائل عالماسنجر
فتحتهن ونصدمت هاي شنو
علي بصياح شيخة

شيخة شكو علي
علي الحكيني فوك
شيخة نزلت جوه ونزل ورايه علي راد ريوك كاعده اخدر چاي مااسمع غير صياحه رحتله كالي الحكيني لحكته شكو علي شبيك مااحس الا كف 👋 على وجهي فلش وجهي
شيخة شبيك علي تخبلت
علي اي تخبلت من ورا سوايتج باعي علصور
ولج احمدي ربج انى انا اتزوجتج ولو انا چان هسه انتي رحتي فصليه
شيخة احترم نفسك انى بنت شيوخ مومثل مامفكر
علي بضحكه ههههه ولج الشيوخ رادم يتخلصون منج الله اعلم شنو مخبصة بعد
شيخة شنو كاعد تحجي احترم نفسك
علي بس كافي جذب جنت مفكرج بنية شريفه وبرئية بس ماتوقعتج هيج
شيخة ردت احجي وسكتني وطلع
شيخة لزمت تلفون علي ولكيت صور هاي منو هذاو جهي
منو هذا الرجال لحضة هاي الصورة اعرفة
بديت ابحث بتلفون علي ودموعي تنزل فتحت موبايلي لكيت نفس الصورة لعندي نزلت جوه بعد مامسحت دموعي
شيخة سألت جنان وين علي كالت بالمضيف شيبكم بس كلولي شيخة ماكو شي وين عمو
جنان ابويه بالمضيف ليش
شيخة ممكن تناديه اريده
جنان ان شاءالله

الى هنا ينتهي البارت
الكاتبه ياقوته الانبارية 😘