ركبت عربيتى واتحركته على بيت خالتى..
وصلت ودخلت بعد السلااام وكلام ممل كده☹
بعد شويه كده جات ماما وميراب معاها توليب🌚
طوالى توليب اتعلقت فينى😍طلعت ليها سنيكرز من الشنطه...يخخخ فرحت فرح🖤☹...جا عادل أخو عفراء (طبعا خالتى أميره زوجها اسمو محمد عندها بت واحده وولدين عفراء24 اكبر منها عادل 27واخر العنقود مؤايد17سنه )
جا عادل..اووو ميدونا🙂...عادل والله تقول ميدونا دي تاانى إطلع من بيتكم😇...ده كلو لا يزوله أسف...تمام😊...جات عفراء...ميعاد يلا نطلع فوق ... اااي يخخخ اساسا تعبااانه يلا...ما قلنا حنوم قلنا نطلع فوق بس😒...عفراء والله ما فايقه ليك ما تنقى☹..وطلعنا وكانت معاي توليب...دخلنا اتونسنا حبه لقيت توليب نامت.. طوالى رقدتها..وقلت لي عفراء...يلا انا برضو مفروض انوم...تمام يميعاد خلاص نومى😇
طلعت ونمت طوالى
*فى مكان اخررر*🌚🖤🌈
يا ود اصحى اول مره اشوف زول يكون مسافر ونايم لحدي هسي....يا أمى خلاص والله صحيت...لاحظ اخوووك لبس عديل وانت لسه نائم...يا ست الكل والله خلاص ها شوفى
صحيت💗...يلا أجهز سريع ...
*الشخصيات دي حتعرفوها قدام*😇
*عندي*
صحيت الساعه 9اخدته دش ونزلت ليهم تحت...لقيت ماما وميراب وتوليب رجعو...لقيت عفراء بتاكل...عفراء ناس ماما رجعو متين ....بعد المغرب وجات ميراب شالت منك توليب حاولت تصحيك بس شكلك كنتى تعبانه...اهااا طيب تمام...تعالى اكلى...معايزه بس شفتى شنطتى الجيت بيها وين...دخلتها ليك غرفتي...طيب...
طلعت لقيت الشنطه وطلعت فونى لقيتو فاصل شحن☹ختيتو فى الشاحن..وطلعت الأب عندي شغل خلصتو كده جاتنى عفراء...ميعاد يلا تحت قاااعدين كلنا...ما لى فى اللمه عارفه كده انتى...محسسانى قاعده مع صحباتك يبت ده يبت خالتك...خلاص بطلى نقه نازله..
نزلته لقيتهم كلهم قاااعدين خالو محمد وخالتو أميره وعادل وعفراء ومؤايد🖤
اتونسو حبه وطبعا انا مسطحه بس😂فى النهايه استاذنته منهم وانا راجعه جا ورأي عادي...يعنى معايزه تقعدي معانه...اساسا ما لى فى اللمه بس ما اكتر...طيب تصبحى على خير...وانت من أهل الخير😇
طلعت لقيت ماما متصله على رجعت ليها
ميعاد بس قولى لى ياداب صاحيه...لا كنت معاهم تحت ياداب رجعته...طيب المهم قبيل جيت أشوفك قلنا احتمال عايزه ترجعى بس لقيتك نايمه...اااي كنت تعبااانه وهسي كمان حارجع انوووم ...طيب خلى بالك من نفسك...حاااضر توليب نامت...اااي جبناها نااايمه...طوويب يلا وسلمى على بابا الليله ما لاقيتو☹...من جينا بسال منك ...طيب انا حتصل عليه هسي...نومى انتى انا بكلمو😇...طيب
يتبع...🙂
