كان باقى لى الجامعه أسبوع
وخلص زيو زي باقى الاجازه..آخر يوم فى الاجازه نزلت المول اشتريت حاجات لى الجامعه وظبطه نفسي تمام.
نزلت الجامعه وتانى رجعت لى الملل.بقى موالى معروف الجامعه البيت الزومبا النوم بس
فيوم اتصلت على عفراء..ميدونا...طوالى قفلت الخط..رجعت لى ...اسفه اسفه. ..قلت ليها طيب خير كيفك انتى...تمام انتى فالجامعه...أيوه ليه...انا جايه عليك ما تطلعى...انا كنت طالعه بس تعالى سريع...طيب مسافه السكه
انتظرته زي ربع ساعه اتصلت قالت لي انا برا
طلعت ليها سلمت عليها وكده كان معاها ولد سلمت عليه...قالت لي ده مدثر صحبي...ابتسمت ليه اهلييين...قالت ليه دي ميعاد القلت ليك عنها...طبعا استغربته...قالت لي يلا جيت اسوقك معاي عندنا مشوار...عاينت ليها قلت ليها عفراء خليك جاده حبه...قالت لي كل الجد كمان يلا ارح وجرتنى من أيدي ركبتنى العربيه حقت الولد...🤨عفراء لو عايزين تهظرو ما فاضيه ليكم أنا ...قالت لي ميعاد عليك الله بس مره ارح بدون كلام عليك الله يخخخ...طيب بس لو موضوعك ده ما عجبنى ماعايزه أشوفك تانى فاهمه😒...طيب طيب ارح...ركبت واتحركنا ...وصلنا كافى()دخلنا قعدنا نحنا التلاته وانا بآخر نفس☹فجاءه عفراء قامت قالت لى فى ناس جايهه اجيبهم واجى...طلعت وخلتنى مع مدثر..بقى يحاول يفتح موضوع وانا أرد بس على حسب السؤال😂فجاءه مسك أيدي قال لى من ما كانت بتحكى عنك عفراء حبيتك وطلعتى احلى من الوصف بجددد انتى عسااال...فكيت أيدي منو وعايزه إطلع مسك أيدي تانى اقوى...انا بعاين لى ومخلوعه بحاول افك أيدي منو بس كان أقوى..قلت ليه فك أيدي انت مجنون ولا شنو...قال لى انتى بس قولى موافقه واخليك أسعد انسانه...قلت ليه أنت شكلك مجنون بجددد يخخخ فككك..وخلاص دموعي نزلت من الألم ..فجاءه فى ايد فكت أيدي منو عاينت ليه لقيتو فادي...قال ليه لما واحد زيك يمسك بت كده يبقى ما راجل وضربو بكس فوشو.لما الولد رعف ووقع فى الأرض...فادي جا على قال لي انتى كويسه وده منو والجابك هنا شنو🤨..قلت ليه جيت مع عفراء وده صاحبه قالت لينا فى ناس جو ماشه اجيبهم.وانا بتكلم وابكى
قال لي خلاص ما تبكى وساقنى ركبنا العربيه قال لى احكي لي الجابك هنا شنو بدون بكى...مسحت دموعى ووحكيت ليه الحصل..قال لي ارجعى اتصلى على عفراء...طلعت التلفون وانا برجف اتصلت عليها ...أول ما ردة تانى ردت قبل ما ارد عليها قالت لى..شايفه الجو عجبك من متين متعرفنا😂😂...قلت ليها عفراء ما جاده صحح...قالت لى اللحقى صورك عند مياس✌...صور شنو بتتكلمى عن شنو انتى... قال لي لما ترجى البيت بتعرفى..وقفلت الخط
بقيتت أبكى زياده وبرجف حكيت لى فادي القالتو عفراء وانا ببكى حضنى عليه قال لى شكلها مخططه لى اااي حاجهه ما تبكى حنتصرف ...
انتبهت لى نفسي انا فى حضنو زحيت منو براحه قلت ليه اسفهه😞...قال لى ممشكله..عربيتك فى الجامعه صح...قلت ليه ايواا...قال متخافى حجيبه ليك
وطلعنا وصلنا بيت ميراب
ضرب الجرس ودخلنا ميراب من شافتنى جات مخلوعه...ميعاد مالك انتى كووويسه لىى حالتك دي كده😳...فادى رد ليها قال ليها خليها ترتاح انا بحكى ليكم واتصلى على امك عشان متخاف...ميراب دخلتنى الغرفه وجابت لى عصير ..وطلعت.. فادي وراهم الحصل كلو...ختم ليهم الموضوع ب شكلها عفراء عملت مصيبه..
عندي تلفونى رن أول ما رديت جانى صوت مياس...قال لىده الحالتك قلنا بطريقتك دي ماف زول بتعرض ليك لو كان اضربتى واتهرشتى ماكان ده كلو حصل😡يخخخخس عليك البيت ده تااانى ما أشوفك فيه فاهمه...انا بس سااكته وببكى وبتخنق محسسنى عملت حاجه كبببيره او أصل عملت حاجه💔قفلت الخط وطلعت ليهم برا...أول ما شافو شكلى كلهم اتخلعو💔جات على ميراب جاريه...مالك ميعاد فيشنو...قلت ليها مياس اتصل على وقبل ما اكمل...فادى قال لى شكلو عفراء عملت العايزه...قلت ليه وقال لى تانى ما أشوفك كمان😭بكيت لما بقيت قاعده فى الأرض
جا رفعنى فادي...قال لى ميراب خليها تقعد جو...دخلتنى الغرفه وطلعت... معتز قال ليهم اتصلو على مياس وعم شهاب خليهم يجو. ..ميراب اتصلت عليهم وبعد كلام كتتتيررر حتى جو
يتبع...🙂
