صحيت على صوت التلفون كان فادي...مرتى...فى زول بصحو كده يخخ...نايمه صح😂...أيوه...طيب نوم العافيه.يلا قومى صحصحى واجهزي...فيشنو تانى...نسيتى يعنى...بس لسه الوقت بدري...اطلعى بره شوفى الزمن...ورينى بس يعنى كم...شوفى ساعتك...
شفت الزمن لقيت المغرب اذن😳رجعت ليه...كيف المغرب إذن...الزمن اتأخر يلا وبطلى كلام...طيب يخخخ...يخخخ دي ما تقوليها🤨تانى فاهمه...يعنى فيها شنوو...ما عارف
وقفل الخط
قمت اخدته دش ونزلته تحت قعدته مع ناس البيت ودخلت أكلت حاجه حتى رجعت الغرفه.
دخلت لقيتو متصل على رجعت ليه...اطلعى انا برا...كيف بررا...ماجاهزه صح بتعملى فشنو من قبيل...ولا حاجه بس نزلت تحت ورجعت طوالى...ده حالتك رجعتى طوالى.طيب عندك 10دقايق ي جهزتى ونزلتى ي حاجى إطلع ليك فوق انا فاهمه...خلاص طيب اقفل
طوالى جهزت سريع ونزلت لقيتو قاعد تحت مع مياس...ودعو وطوالى طلعنا ركبنا العربيه...او مره كان نركب من غير قرأن فى العربيه ومسك لى أيدي قلت ليه...وين الليله القرآن؟؟؟...زمان ماكنتى حلالى بخاف الشيطان يدخل بينا بس هسي خلاص لى الحق فيك...طيب خلاص فك أيدي.
جرانى عليه بقيت راقدة فحضنو قلت ليه...احنا فى الشارع ...عارف...خلاص فكنى...العربيه حقتى وانتى مرتى ماف زول دخلو فينى...طيب ماشين وين هسي ...مفاجاءه...
لما قربنا وقف العربيه وربط لى حاجه فعيونى..قلت ليه...بتعمل شنو يامجنون...هسسس
لحدي ما وصلنا نزل أول حتى جا نزلنى براحه بقينا ماشين لحدي ما دخلنا ووقفنى.جا من ورا فك الربطه
عن جمال المنظر🖤🌈
عباره عن حديقه كلها ورود ملونة وفيها مرجيحه والحائط ابيض.فى تورته كانت فى النص مكتوب عليها كل سنه وانتى طيبه 20سنه🖤
فجاءه جات طالعه ماما وبابا ومياس وخالتى وأولاده معدا عفراء وآيات وامو واخوه
كلهم بغنو
بقيت واقفه مصدووومه قلت ليهم...الليله فشنو..قال لى...كل سنه وانتى معاي وكل السنين الجايه فرحه وكل السنين راسمين فيها الفرحه...ما فاهمه فشنو انا...
جاتنى ميراب جات ضمتنى...كل سنه سعاده حبيبتى...فادي قال لى...الليله يوم كم...طلعت التلفون شفت التاريخ...26.الليله عيد ميلادي😳...ايوهه...بس انا ما بحتفل بيه عرفت كيف انت...كلو صدف فى الورق بتاعك وقت العقد شفت تاريخ ميلادك وعرفتو الليله بس...عاينت ليه مسافهه..مسك لى أيدي...يلا أهلك عايزين يعيدو عليك...ساقنى لى ماما وبابا ومياس عيدو على وامو واخوه وخالتى برضو تانى قطعنا التورته كان يوم حلو لحدي ما خلص قالو خلاص نرجع قال لي لا انتى حتكونى معاي...وين تانى...اااي مكان تختاري...طيب
الاهل رجعو البيت ونحنا طلعنا اتفسحنا حبه حتى رجعنا البيت لما وصلت عايز انزل قال لى...في كيس ورا شيلى..شلت الكيس ودخلت...حكيت لى ماما وميراب...قالو لى اطلعى يلا ارتاحى...فعلا طلعت فتحت الكيس كان ايسكريم وشيبسيهات وشوكولاتات وحاجات كتتتيره بقيت مبسوطة لحدي ما نمت
تانى يوم مره عادي
يوم الأحد نزلت الجامعه وكان آخر يوم قبل رمضان..اليوم برضو مره عادي وفادي رجعنى البيت بعد حوامه😂
*ودخل علينا رمضان*🖤
كان يومى عباره عن صلاه قران نوووم 😂وفادي شجعني عشان نختم القرآن وكان متابع معاي طوالى...
عده العاشره ايام الاوله عادي
*العشره ايام التانيه*
كنت نايمه فى الغرفه صحيت صليت العصر اتصلته على فادي...ألو...أيوه كيفك...تمام الحمد لله...كيف يومك الليله...فل الفل الحمد لله...شايفك اتعلمتى كلامى...😂امممم...طيب بتعملى فشنو ...صليت العصر ياداب عايزه اقرأ...طيب اقري وارجعى لى عشان اعرف وصلتى وين...طيب
قفلت منو وجبت المصحف بديت أقرأ لحدي ما خلصت جزئين...
ورجعت ليه...اها خلصتى...أيوه...طيب ان شاءالله فى ميزان حسناتك...اللهم ااامييين..وين انت...فى البيت طالع بعد شويه فاطر مع صحبي...بالله عندم أصحاب هنا غير معتز. ..يب معارفه يعنى...أول مره تصدق...طيب أن شاء الله يعرفك عليهم..طيب يلا...خلاص يلا فى أمان الله...
تانى رجعت أقرأ قران...بعدو طلعت تانى نمت😂صحيت كان باقى لى المغرب نص ساعه...دخلت ادوشته ونزلت تحت..وأنا نازله سامعه صوت رجال فى الصاله...ولا اشتغلت بيهم..دخلت المطبخ طوالى لقيت ماما ومعاها توليب شغالين فى المطبخ ..أول ما شافتنى قال لى..تعال شيلى تلو من قبيل معذبانى أديها لى أبوها...جو متين هم...من بدري قاعدين أمشي وديها وتعالى ساعدينى المغرب قرب...طيب مشيت طوالى على الصاله افتكرته صوت الرجال القبيل ده كان معتز وبابا بس..دخلت طوالى وانا بدون طرحه قلت لى معتز..شيل بتك دي...بابا قال لى ميعاد سلمى أول على راجلك واخوه...أتلفت اشوف ليك فادي عيونو طالعه شرار بس وفهد سلمت عليهم سريع وعايزه اطلع فادي طلع وراي
...ممكن افهم شنو الحركات دي جايهه من دون طرحه فهد ومعتز ما عاجبنك...ما كنت مفتكره فى زول قاعد غير معتز...اها معتز ده ما عاجبك🤨...عادي يعنى وانت جيت متين وليه ما وريتنى...بتلفى صح كلامى معاك بعدين.وجيت عامله ليك مفاجأه...اممم طيب يلا...خليتو طوالى رجعت لى ماما...ساعتها فى العصائر وجهزنا الحاجات عايزه اطلع الحاجات بس أنا ملابسه طرحه وفادي حيعمل موضوع...بقيت واقفه بنده على مياس ما جانى جا طالع فادي...مالك...طلع الحاجات دي برا سريع...طيب خلاص جا يشيل الحاجات مسك أيدي طوالى سحبتها منو...اللهم انى صائم😒...شيخه😂...اطلع سريع يخخخ الأذان قرب...يخخخ دي حسابه بعدين طلع الحاجات ..شويه كده الأذان اذن
بعد فطرو وصلو
بابا نده لينا قال نجى نقعد...فهد قال مفروض بعد كده نحدد مواعيد العرس...مياس قال ليه...أيوه صح...بابا قال ليهم...شوفو الوقت المناسب ونحنا جاهزين...فادي قال ليهم...رابعه العيد كويس معاكم...بابا قال ليه...ما عندنا مشكله...فهد قال ليهم...طيب على بركة الله...ماما قالت ليهم...رابعه العيد قريبه والبت ما عملت حاجه وماباقى كتير لي العيد اصلا على ياتو اساس يكون رابعه العيدد...بابا قال ليها ...البت مشكلته شنو الحبسه حقت النسوان دي أسبوع بتكفيها...ماما قالت ليه...ما بودي بتى مبشتنه عرس السرعه ده زاتو مانافع😒عايزين تجهجهو لى بتى...فادي طوالى قام وجا قعد جمبها قال ليها...بتك نهائي ما حتعرس عرس جهجهه دي كلمه منى ولو على الحبسه اصلا انا ماعايز ليها حاجه عايزا كده...قالت ليه...بس يا ولدي دي بتى الصغيره وكمان تانى ما عندي بت غيره لى عرس.لازم اااي حاجه تتعمل بمهله...قال ليها...أدينا رضاك ووعد العرس حيكون زي ماعايزه...طيب يولدي خلاص اعمل العايزو...راضيه...ايوا🖤...
أما انا كنت زعلانه ماف زول اخد رائي واتفقو خلاص لى العرس بعد تلاته اسابيع
وفادي وفهد طلعو رجعو البيت
وأنا من الزعله دخلت غرفتي قفلت البابا وقفلت تلفونى ونمت💔
يتبع...🙂
