*صباح يوم جديددد*😇🌈
صحيت اخده دش وصليت صلاتى واتجهزته ونزلته..أول ما نزلت لقيت خالتو أميره...ميعاد عندك جامعه الليله...اااي خالتو وهسي طااالعه...طيب اقعدى حبه واطلعى...محاضرتى ما باقى ليها كتتتيييررر بس بجى انشاء الله...طيب على راحتك...يلا وسلمى على عفراء...
وطلعت ركبت عربيتى واتحركته وصلت الجامعه...
طوالى على القاعه
المحاضره بدت وخلصت
وطلعتا على الكفتريا😇...اتصلت على بابا...بتى السمحهه...بابا كيفك...حبيبة بابا انتى انا تمااام انتى كيفك...والله الحمد لله...فى الجامعه ولا وين...يب...جايه البيت ولا حترجعى لى خالتك...لا حرجع البيت...طيب يلا
وقفلتا الفون...تانى اتصلت على ميراب
ميعاد يا زفته...ميراب عايزه شنو...اختصارر شددديدد على العموم معتز جاي بعد أسبوع تمام ولازم تمشى معاي شفتى...وامشي انا ليه يعنى ما بتعرفى براك...ميعاد انا كلمتك وخلاااص...يخخخ خلاص تمام جاي متين اصلا...بعد 5يووم من الليله...طيب تمام..
قفلت منها وعملت التلفون سايلنت فطرته ورجعت القاعه ..المهم اليوم خلص
طلعت ركبت عربيتى وعلى أقرب سوبر ماركت نزلت اشتريت شوكولاته وشيبس وايسكريم معلب😂ورجعت البيت
دخلت لقيت ماما وميراب جايطين وتوليب فى الأرض تبكى☹...السلام عليكم..ردت ماما وعليكم السلام...ميراب قالت لى تعالى اقعدي...شلت توليب من الأرض ...اها فيشنو...ميراب قالت لي ميعاد ممكن ولو مره تتكلمي كويس وخلى الحركات دي...قلت ليها ميراب ما دخلك فينى وصح قلتى أمشي معاك خلاص ما تنقى😊..وشلت توليب معاي الغرفه...غسلت ليها وشها من البكى...طلعت ليها شوكولاته وشيبس فتحتهم ليها ودخلت اخدته دش وطلعته لقيته جايطه جووطه شديدد😂بس بقيت واقفه واضحك فيها...وهي شغاله تضحك ومبسوطة...جيت قعدته جمبها وجبت شوكلاته اكلتها معاها وشغاله تجلبط فينى معاها وتضحك...لما
أمها جات لقتنا وسخانين وحاله بطاللله...قالت لي الوحيده الممكن تكونى معاها طفله بتى...عاينت ليها وسكت شلته توليب حممتها ونزلنا تحت...
وعلى المطبخ طوالة أكلته شويه ورجعت الغرفه نومت توليب ونمت معاها
ما صحيت إلا الصباح
كنت شغاله محاضره واحده بس اتجهزته ونزلته وصلت الجامعه واليوم مره عادي
واليوم البعدو نفس الحاجه وكان باقى لي معتز يومين بس...بعد الجامعه رجعت اتصلت على ميراب...ميعاد نحنا فى بيتى تعالى هناك...معاك منو ...مياس وتوليب بس...طيب جايه... (طبعا مياس وبابا ما بنتلاقى طوالى دائما انا بطلع قبلهم وبرجع قبلهم بنوم طوالى☹💔)
طلعت من الجامعه...وصلت بيت ميراب...
ضربت الجرس فتح لى مياس...ميمى😍.. ميسو ازيك...والله شووق جيبي حضن يبت..😂الليله ما شغال مالك...يعنى اخليكم هنا براكم...طيب
ودخلت سلمت على ميراب وتوليب ولقيتهم بدو نضافه 🙂خلصنا قريب العشاء...ورجعنا البيت وطوالى اااي وحده على سريره ويالنوم جاك زول😇
اليوم التانى ما كنت شغاله
جامعه
*فى مكان اخر*🌚🖤🌈
فادي صحبك ده مواعيدو متين ...بكره أن شاء الله بصل...هسي لو كان جيتو مع بعض ما كان احسن...هو قال عندو شغل بس يخلصو ويجى السودان...طيب انا اصلا خلصت شغلى هنا حاخد كم يوم وارجع...
(فهد29سنه متزوج شغال فى الإمارات ومقيم هناك...فادي 27سنه برضو شغال فى الإمارات بس حينقل شغلو السودان )
*نرجع*🌚🌈🖤
جا اليوم الحيجى فيه معتز..
من الصباح تجهيز وحاجات لحدي ما هم جهزو عشان يمشو المطار انا نمت من التعب ما مشيت معاهم
(معتز امو وأبوه متوفيين عندو أخت واحده متزوجه عايشه فى امريكا🙂👌)
*صباح يوم جديد*🌈
صحيت بدري وكان اليوم واقع جمعه نزلت جهزت مع ماما...امبارح معتز جا وسأل منك...حمدلله على السلامه...ماشين ليهم بعد شويه وانتى حتمشي معانه...اعفونى بس ما ماشه...ده راجل أختك شنو كمان ما ماشه...طيب خلاص...
فعلا بعد الصلاه جهزنا انا وماما ومياس وطلعنا...
يتبع...🙂
