*صباح يوم جديد*🌚
صحيت بدري لقيت مكالمات من فادي..رجعت ليه...صباااحو...يثعدو حبيبي🖤...كيف أصبحت...طالما بصوتك فل الفل...طيب الحمد لله...صاحيه بدري مالك...كل يوم بصحى كده...طيب اجهزي عشان اجى ارجعكم...معتز قاعد برجعنا...طيب.اتخيلى الليله حتبقى مرتى وحلالى...اممم🙈... احلى حاجه فى حياتى حصلت...طيب يلا بأي
عرفنى ما عرفته ارد😂بقى يضحك فينى
قبل يقفل قال لى...ميما ممكن طلب...أول ميما دي شنو...ده اسمك من الليله...وليه اخترت ميما ده...كل الناس بدلعك بميمى بس أنا برأي وانتى حاجه خاصانى لازم يكون ليك اسم من عندي...اممم🙈طيب اطلب عايز شنو...ممكن تاخدي راحتك معاي انتى حتبقى مرتى كمان...طيب حاضر...وعد؟؟؟...وعد🤝...بحبك🙂🖤
قفلت الخط فيهو😂
بعد زمن رسل لى مسج"بحبك *ثلاثه أمتار من السماء*"
رديت ليه "ما فهمت"...
طوالى اتصل على...ثلاثه أمتار من السماء🖤يعنى اكبرررر مراحل الحب.والسماء عالى ماف شخص بقدر يلمسو. كذلك انتى ماف زول حيقدر يلمسك طول ما انا موجود.وحفضل احبك طول عمري والسماء يستحاله زول يصل ليه والبحاول ما حيكون ليه نهائي كذلك حبي ليك ما ليه نهايه
لى لحظهه حبيتو شدددديدددد
وبدون وعى قلت ليه...وأنا كمان بحبك...قلتى شنو ما سمعت...وأنا كمان ...لا قلتى حاجه تانى بعديها...ما قلت حاجه..لا قلتى وعيديها سريع...بس ما قلت حاجه انا...عشانى طيب قوليها...بحبك🖤🙈...بمووت فيكك حبيبي انا🖤...يلا بأي...لا محقفل الا تورينى بتحبينى قدر شنو... سكت مسافهه.من هنا لى نهائي البحر🖤...بس انا اكتر...لا انا 😌... *ثلاثه أمتار من السماء*
سكت مسافه...طيب يلا شكلها ميراب صحت...طيب يلا خلى بالك ولما تطلعى ورينى.والعقد مع صلاة الجمعه تمام...طيب
وقفلنا على كده
بقيت بتزكر فى كلامه *ثلاثه أمتار من السماء* انبسطه شددديددد وبقيت ابتسم براي لحدي ما قطعته لى ميراب اللحظه دي👊
مالو الحلو يبتسم براو كده...ماف حاجه...اكيييدد ده فادي...لا يلا عشان نرجع ماما براها هناك...معاها خالتك متخافى...طيب عايزه اتصل على آيات...آيات منو؟؟؟...دي البت البسببه حصلت المشكله بينا انا وفادي...البت ال فى الجامعه...أيوه...طيب سريع مسافه اعمل الشاي...طيب
طلعت طوالى اتصلت على آيات...ألو...ميمى🖤ازيو يعنى تتصلى على بى نفسك كمان دي حاجه غريبه...اتصلته عليك عشان سبب ما ساي.. قولى طيب...الليله عقدي...😳😳انتى جاده كيف يعنى...والله العظيم ومع صلاة الجمعه كمان...طيب وليه ما كلمتينى من بدري...انا لى نفسي اقتنعت متاخره...طيب حاجى عليك شويه كده ورسلى لى العنوان...طيب تمام...قفلت منها ورسلت ليها العنوان
دخلت مكالمه من فادي لما كنت بتكلم بس ما قاطعت البت بعد خلصنا ورسلا ليها العنوان حتى رجعت ليه...لما اتصل ماعايز التلفون مشغول فاهمه😤...فشنو جايط كده...بتصل من قبيل وماعايزه تقفلى الخط من البتتكلمى معاها دي عشان تردي لي...أفتكر كانت أمى او زول من البيت اقفل عشانك مثلا...طيب اسف..كنتى بتتكلمى مع منو...حنبدا تحقيق يعنى...انا ما بحقق كل البهمنى اعرف اااي حاجهه ما اكتر...دي آيات...الفى الجامعه...أيوه...طيب تمام....كنت عايز شنو...ولا حاجه بس اشتقت لى صوتك...هسي ماكنت بتتكلم معاي...يعنى ما يحق لى...لا يحق.يلا بأي...بحبك
وقفل الخط
طلعت لى ميراب لقيت تلو ومعتز صحو سلمت عليهم وشربنا الشاي ...معتز قال لينا...قومو اجهزو عشان نطلع..ميراب ردت ليه...طيب انا قايمه احمم تلو..قلت ليها ...خليها بحميها انا...لا لا انتى أمشي اجهزي يا عروس...ما بفرق
شلت تلو حمممتها وجهزتا انا برضو وكلنا طلعنا وصلنا البيت..أول ما دخلنا لقينا البيت مليان.قضينا سلام وحركات ماما قالت لى اطلعى فوق واجهزي
طلعنا انا وميراب وتانى جاتنى آيات وقعدنا نتونس لحدي وظبطونى تمام
اتصل على فادي...مرتى🖤...عقدو...أيوه وخلاص بقى لى الحق فيك وبقيتى حلالى ومرتى ودنيتى وسعادتي وفرحتى وأم أولادي 🖤مبررروك لينا🖤
انا بس ببكى ما عرفته اقول ولا حاجه تانى سمعنا صوت رصاص والزغاريد
وهو لسه فالخط
رديت ليها وانا ببكى...الله يبارك فيك 🖤وما حاخذلك وحكون ليك السعاده العمرك ما اتوقعتها...الله يقدرنى واحقق ليك كل مطالبك
جا صوت زول بقول ليه الناس عايزه تبارك ليك هسي يلا
قال لى بحبك
وقفل الخط
جاتنى ماما تبكى وباركت لى وبابا برضو ومياس وميراب وآيات كلهم يبكو معاي...بابا قال لى...بتى الصغيره العمرها ما شكت عرسوها خلاص بقت فى عصمت راجل غيرنا💔ضمانى عليه شددديددد وبوسنى فى راسي🖤ربنا يسعدك حبيبتى 🖤 دموعو نزلت طلع طوالى
وجات ماما برضو اتكلمت معاي
بعد مسافهه قالو لى العريس جاي عليك🖤
شويه كده وجا داخل
أول ماشافنى دموعو نزلت جا على ضمااانى شدددديدد وبوسنى فى رأسي وبوس لى ايدي🖤أول مره كان يضمنى ويمسك ايدي🖤
قال لى... ماعارف اقول شنو كل الكلام راح وقت شفتك وانتى حلالى...انا لسه كنت ببكى...ولا انا...مسح لى دموعى بايدو ورفع لى راسي بوسنى تانى فى رأسي مسااافه وبقى ضامينى عليه بس..بعد منى قال لى بحبك
الباب دقه جانا صوت ميراب ...كفاكم بعد ده خلاص...ضحكنا عليها..قال لى يلا ...فتح الباب
جات داخله آيات وميراب
..ميراب قالت لى...يلا اجهزي عشان حتطلعو...وين...فادي كلم بابا حيجى اسوقك المغرب...ليه ماشين وين...ما تسالى بس ...طيب
أمى جات قالت لى انزلى تحت اهلو عايزين يشوفك أول وطلعت
ميراب قالت لى يلا قومى...ما بقدر أنزل...كيف يعنى ديل أهل راجلك...ما بقدر...قومى بطلى تخلف...
طلعنا نزلنا ليهم تحت وانا متوترة وكانت معاي ميراب وآيات لحدي ما نزلنا انا ختمت القرآن كلو...عينى وقعت على فادي قاعده جمبو مره هو طوالى عاين لى وغمز..طوالى قام من مكانو جا مسك أيدي وبقى سايقنى هو🖤لحدي ما وصلنا المره..قال لي دي نسيبتكك🖤...طوالى حضنتنى عليها... مشاء الله مشاء الله عينى بارده ما اسحرك عاينت لى فادي عرفت تختار لكن👌عاينت لى مبررروك عليكم يبتى ومن الليله اعتبرينى زي أمك
وقعدتنى جمبها بقيت فى النص ما بين فادي وامو
جا علينا ولد كده كبير بكون اكبر من فادي..فادي قال لى...ده فهد اخوي الكبير...فهد قال لى مبررروك يخخخ الولد اتلوم معانه ما خلانا نشوفك نهائي...فادي قال ليها...وحدك الليله تانى ما حتشوفه...وكلهم ضحكو وانا التوتر بقى ظاهر فينى همس لى براحه...ما تخافى ما حصل حاجه...
أمة قالت لي ما عملنا ليكم خطوبه ولا حاجه بس جبت ليكم الدبل عاينت لى فادي.قوم يلا لبسه ليها طوالى وقفنا لبسنى وبوسنى فى أيدي قدام الناس انا الخجل عايز يقتلنى
لما جا الدور على أنا برجف شددديددد.مسك لى أيدي التانى ضغط عليها عاينت لى ولبستو
قعدو معانه مسافهه وتانى استاذنو وطلعو وشويه شويه بيتنا بقى فاضى..بس معانه خالتى
رجعت غرفتي انا وآيات وميراب...لقيت اتصالات من فادي رجعت ليه...حياتى...أيوه...كنتى عسل يخخخ وحتى نسيبتك مبسوووطه شددديددد...سكت ما عرفت أرد...طيب المساء خليك جاهزه حاجى اسوقك...طيب يلا...اكلى حاجه وارتاحى ...طيب يلا
قفلت منو وميراب وآيات يشاغلو فينى ساااي...وخليتهم ونمت🙂
يتبع...🙂
