*صباح يوم جديد*🌚
الليله كلو ما صحيت..صحيت الصباح صليت ورجعت نمت ما شفت التلفون زاتو..
بس اليوم كلو فى الغرفه صلاه وقران ونوم
بابا الغرفه ضرب فتحت طلعت ماما..ميعاد انتى كويسه مالك ما نزلتى تعبانهه ولا حاجه...ماف حاجه انا كويسه...فادي ده اتصل كم مره من امبارح بتصل عليك قال تلفونك مقفول...اممم نسيت افتحو قفل امبارح شاحن...طيب ارجعى ليه...طيب بتصل بعدين...لع هسي
وطلعت
دخلت رقدته مسااافهه حتى شلت التلفون فتحتو...طوالى اتصل علي...ميعاد دي شنو الحركات البتعملى فيها دي😑...عملت شنو؟؟؟...تلفونك قافل ليه...قطع شحن...من امبارح معقوله...يب فشنو طيب...ماف حاجه يميعاد خلااص😤...طيب متصل ليه...آسف إذا ازعجتك يستى😊
وقفل الخط
كملت اليوم عادي ولا فكرته أرجع ليه
بعد التراويح اتصل فادي...ميعاد اطلعى برا...ليه فشنو...اطلعى قلت ليك سرربيع...مابقدر إطلع...ميعععاد😡اطلعى سرررريع برا...طيب
لبست طرحه وطلعت طوالى لقيتوو واقف جمب الباب...سلمت عليه وكده...اركبي..قول سريع عشان ارجع...علي فكره انا ماشافع مراهقه ولا خاطبك انا راجلك تمام😒اركبي احسن
طوالى ركبت معاه...
اها احكى فشنو...مالك عايز افهم الحصل شنو...ماف حاجه...فى زول سالك من البيت او زول ضايقك...ماف حاجه بس...ميعاد الله يرضى عليك قولى فشنو ولو عايزه نأجل العرس ما عندي مشكله كلو في راحتك راحه🖤...هو العرس ده انا وافقت عليه عشان تاجلو...كيف مافاهم...ولا حتفهم خلاص...شايفانى طرطور هنا عشان ما افهم...سكتتت مسافه وعيونى اتملت دموع...رفع لى راسي ومسك ايدي...ميعاد ما تعزبينى الله يرضى عليك فهمينى ...ليه ما سالتونى من رائي فى العرس فى النهايه انا العروس مفروض تسألوني...طيب عاينى لى هنا...عاينت لى مسح لى دموعى...كل حاجه ولا دموعك.وأنا آسف لو حسستك بقلت احترام بس كل همى كان العرس وأمك توافق ما أكتر وانا آسف...بعد شنو ما تتاسف...لا لازم ترضى هسي والله آسف...طيب تمام...ما تقولى طيب ساااي عايزك راضيه من قلبك...اعمل شنو يعنى...ولا حاجه بس خليك معاي
طوالى اتحرك بالعربيه...ماشين وين ماف زول عارفنى طالعه...هسس خلاص..طلع تلفونو اتصل علي بابا وكلمو انو انا معاهو...
نزلنا فى ماركت اشترا لى ايسكريم وحاجات كتتتيره حلوه
جا بوسنى فخدودي ...اسففففف حبيبي...تمام بس حاجاتك دي ما ترشينى بيها...😂طلع عندك لسان...مفتكرنى بدون لسان يعنى😒...خلاص ما تصري...طيب رجعنى البيت...خلاص راجعين
وصلنا البيت نزلت دخلت البيت وعلى الغرفه ونمت طووووالى🖤
اليوم التانى من الصباح ماما صحتنى عشان الحبسه بعد كوراك وبشتنى حتى رضيت طوالى بدت فينى وانا أبكى وفادي يتصل علي يشمت فينى
عدة الاياام ورمضان خلص...ورفضته اعمل حنه ولا اااي حاجه بس العرس...
باقى اربعه ايام لى العرس
وفادي التلاته ايام عندو حنن
*تانى يوم فى العيد*
طلعت مع ميراب على اساس حمشي معاها البيت طلعنا وصلنا محل كده قالت لى عندي حاجات عايزه اشيله ونزلتنى معاها دخلنا فى ممر كده لحدي ما وصلنا غرفه خارجيه دخلنا كانت عباره عن فساتين وخبيرات ميكب🖤قلت ليها...فشنو هنا...وحده من البنات جرتنى قعدتنى وبدت فينى ميكب بعد خلصنا لبست الفستان كان رهيب...قلت لي ميراب...ده كلو ليه...قالت لى هسسس حتعرفى براك ..بعد خلصنا كان فى باب فى الغرفه تانى دخلنا بيه كانت عباره عن صاااله وكل اهلى والجيران وناس كتتتيره...طلع فادي متفق معاهم يعملو حنه وكده تكون مفاجاءه ...كانت حلوه شددديددد
لحدي ما خلصت ورجعنا البيت اتكلمت مع فادي حبه ونمت على كده باقى يومين لي العرس
واليوم البعدو عدا عادي
وبكده جا يوم العرس
يتبع...🙂
