اليوم عده كلو وطبعا انا ما شفت ليه حاجه...رجعنا بيت ميراب انا و ماما.دخلتا شلت حاجاتى انتظرته ماما طلعت.ودعناهم وطلعنا ركبت العربيه واتحركنا
وصلنا البيت ختيت التلفون فى الشاحن ودخلنا اخدته دش طلعنا جهزته حاجات الجامعه وعلى النوم☹
*صباح يوم جديد*🌚🖤🌈
صحيت أخده دش وصليت وجهزته وطلعته سلمت على بابا ومياس وماما...بابا قال لى خلى بالك من نفسك حاضر وما تتاخري وسوقى براحه ما تتهوري (طبعا عشان لى زمن ما بلاقيه الصباح)رديت ليه...حاضر يلا انا طالعه
وطلعت طوالى وصلت الجامعه أول محاضره خلصت وانا طالعه من القاعه كان فى شله كده بنات واولاد...بت قالت ليهم نفسي اعرف مفتريه على شنو بس...وفى ولد رد عليها قال ليها بس ورينى انتى بت وهي بت يخخخخ انا لو عندي عيونه دي ما عايز حاجه تانى من الدنيا دي ...فولد تانى قال ليهم يخخخ بس أنا لو عاينت لي ساااي بخاف على نفسي أديها عين😂...البت حمرت ليهم الاتنين...انا بعد كنت ماشه رجعت ليهم وعاينت ليهم التلاته من فوق لى تحت ومشيت😂...فبت منهم قالت ليهم تااااااااح معجبنى ليكم أصلا...طلعت الكفتريا اتصلت على ميراب.سلمت عليها وسالتها من توليب...قالت من الصباح الليله بتبكى عايزه خاالتو☹..قلت ليها طيب بعد أخلص بجى عليكم... قالت لى ما حانتظرك لحدي ما تجى وانتى الليله بتتاخري ...قلت ليها اها اعمل شنو... قال لى برسله ليك مع فادي...قلت ليها انا فى الجامعه يا ميراب ملاحظه...عارفه بس كلها نص ساعه تجى تقعد معاك ولما تخلصى جيببها...بس عندي محاضرات انا...قالت لى عاينى تقعد معاك من هسي لى المحاضرة بس واساسا جامعتك من بيتى قريبه...خلاص يخخخ جيبيها (اتخيلو جايبين لى شافته فى الجامعه😂)اساسا كان باقى لى المحاضره ساعه ونص فعلا انتظرتهم شويه كده تلفونى رن رقم غريب...
وأنا بكرهه أرد على ارقام غريبه
قفل كده اتصلت ميراب قالت لى حيتصل عليك فادي شال رقمك...طيب...تانى الرقم الغريب اتصل عرفتو ده فادي...رديت عليها الو...اهليين ميعاد انا فادي...اهلين وين انت...انا برا انتى وين...انا فى كفتريات الجامعه...طيب جايين عليك...ما عدة خمسه دقائق شفتهم...هو شافني طوالى نزل تلو وجات على وهي جايه مره تقع ومره تقيف😂طوالى جريت عليها شلتها يخخخ وشها من البكى لمن مورم😂بقت حاضنانى وداسه وشها 🤤عاينت لقيت فادي بضحك وبعاين لينا...مشيت سلمت عليه ودخلنا قعدنا...قال لى محاضرتك متين...باقى ليها أقل من ساعه..طبعا هو مستغرب ليه مامعاي زول وقاعده برأي...فجاءه جا واحد من الشله القبيل ماري وشافنا قاعدين جا علينا...قال لى فادى أول مره اشوف البت دي قاااعد معاها زول شكلك زوجها وهارشه عشان كده ما بتتكلم مع زول🙂😂...فادي رد عليه اساسا ناس الجامعات ديل وبزات البنات مفروض اااي وحده تلتزم بنفسها بس...الولد مشى وخلانا...انا استغربته فى رده اكككيد حيفتكربجد ده زوجى ... هو برضوعاين لى باستغراب...معقوله حتى فجامعه ما بتقعدى ولا بتتكلمى مع زول☹...رديت عليه ما بحب التجمعات ولا اللمه انا كده مرتاحه🙂😊
بقيت اشاغل فى توليب وهي تضحك لمت فينا الخلق😂والجامعة كلها مستغربه فينى...وناس بتقول شكلها بتها😂
لحدي ما زمن المحاضره جا...فادي قال لي بننتظرك ...قلت ليه لا اررجعو المحاضره حطول وهي حتزهج ...قال لى طيب انا بطلعه معاي افسحه حبه وبعد ما تخلصى اتصلى علي اجيك...معاي عربيتى بجى برأي ....قال لي خلاص يعنى موافقه...قلت لى طيب تمام...
دخلتا المحاضره خلصت بعد ساعتين عديل وانا بتعب الرحله ياداب بديت ادروخ😂طلعت اتصلت على رقم فادي وصف لي محلهم ومشيت عليهم...كانو فى مطعم قريب لي الجامعه وفيه محل اللعاب اطفال فخلاها هناك..طلعت من الجامعه وصلت ليهم...شلتها من الألعاب يخخخ لما تشوفني طوالى بتضحك..شلتها حضنتها على وبوستها فخدوده ومشينا على فادي قعدنا حبه طلبت عصير بقينا قاعدين لحدي ما الوقت اتأخر رجعنا البيت سلمت على ميراب وقعدنا شويه وطلعت رجعت بيتنا سلمت على ماما وبابا ومياس لسه ما كان رجعو من الشغل...دخلت غرفتى أخده دش ونزلته لي ماما تحت قعدته معاها شويه ووريتها انو كانت معاي توليب..لحدي ما بابا ومياس جو سلمت عليهم ورجعت غرفتى قريت حبه لحدي الساعه 11تانى شلت تلفونى قريت لى روايه وجهزته حاجات الجامعه ونمت بعدها طوووالى
يتبع...🙂
