اهات الم من وجع القدر

البارت 6

بقلمي الكاتبة * ملاك _ محمد*

..................
مساء الورد حبايب🌹🌹
اتمنى لكم متابعه ممتعه😊

#اهات الم من وجع القدر
...................

البارت نزلته منوكت لان مااكدر انزله عالوقت المحدد فنزلته هسة

لاتنسو الضغط عله النجمه⭐ في الاسفل لتشجعوني واضغطو على تعليق🗨 لتكتبو  ملاحظاتكم ورايكم ولتنسون تعلقون عله كل مشهد ووووو
..................

وليد..

جنه كاعدين بالديوان.. نضحك ونسولف فجاة عم الهدوء والكل

سكت موجهين نضراتهم المصدومة للشخص الواكف اباب
الديوان وديتقدم باتجاهنا.. هاذة منو..

معقولة! .. هاذة عمي
صالح.. اي هوة متغير هواي وكبران عن اخر مرة شفته.. حييل كم سنه مرت واحنة منعرف عنه شي

ولا شايفي بس بالصدفة نعرف اخباره.. اتقدم عله جدي

وعيونه تلالي بالدموع.. بدون مقدمات حضن جدي وسلم عليه واعتذر منه وجدي ماتحمل يكابر اكثر

من هيچ كافي عليه السنين الراحت وهوة بعيد عنه سامحه وحضنه

ومبين عليه الاشتياق من الفرحة البينت عله وجهة.. ابتعد من جدي وراح

سلم عله ابوية وباقي عمامي.. وعالكل واجه كعد يم جدي.. واحنة

هم كلنه كعدنة منتضرين نعرف سبب جيته المفاجأة بعد كل هالسنين.. جدي كال

حاتم.. جا شعجب تنازلت واجيت بعد كل هالسنين

صالح.. بوية انة اريد اطلب منكم طلب او اعتبرو وصية لان احس نفسي مادايم والله ياخذ امانته

حاتم.. اسمالله بوية شجاك مفاول عله روحك بالموت

صالح.. هوة اول تالي كلنة عله هالطريق ان جان هسة ولة بعدين ليش نستغرب

حاتم.. خافنك مريض

صالح.. لا الحمدالله مابيه شي بس هسة جاي

اطلب منكم هالطلب خاف
يصير عليه شي حته انام بكبري مرتاح ميضل بالي

حاتم.. كول شني وصيتك

صالح.. اريد اديرون بالكم عله ولدي وبناتي وتكونون الهم

سند وضهر من بعدي.. لان
مثل متعرفون طول هالسنين انتو جنتو بعاد عنهم وهمة مالهم

غيركم.. اريد تحموهم وتساندوهم وتحاوطوهم من كل مكان مااريد اموت ويتبهذلون وراية
الكل صاح نحطهم بعيونه

لتوصي حريص
رغم كلام عمي جان غريب
لان من نساله يكول مابيه شي مو مريض وبنفس الوقت يوصي

عله بيته واولاده وبناته اذا صار عليه شي.. عله كل حال اهم
شي الكلوب اتصافت ورجعلنه عمي وكعدنه نسولف