بقلمي الكاتبة * ملاك_ محمد*
...................
مساء الزهور حبايبي🌸
اتمنى لكم متابعه ممتعه 😊
# اهات الم من وجع القدر
...................
لاتنسو الضغط عله النجمه⭐ اللتي في الاسفل لتشجعوني واضغطو على تعليق🗨 لتكتبو ملاحظاتكم ورايكم ولتنسون تعلقون عله كل مشهد
...................
ريم..
وحطيت حمرة لونهة قوي احمر لان المكياج جان هادئ.. وطلعت
جانو عالكين
الديجي وعالكيهة بالركص النسوان واني هم
شاركت وياهن بس متت كل شوية يصيحوني عدلي هاي وجيبي هاي وحطي هاي واني بس اريد
اكمل حته ارجع اركص لحد ماجابو العروسات واشتغلت الهلاهل والجكليت كعدناهن عالكوشة
ورتبناهن واخذنة وياهن صور اني وخواتي وكل
شوية نسحبهن حته يركصن.. لحد ماكالو حيزفون العرسان كلهة لبست حجاباتهة وعبيهة واني ركضت
للغرفة اخذت شال كلت ميحتاج البس شي فوك هدومي.. عود اضم روحي ورة وحدة من
النسوان ومحد يشوفني شمرت الشال عله راسي باهمال وطلعت جانو مصعدين العروسات الغرفهم
شوية وطبت الزفة والشباب كومة واخواني بالبداية طالعين يخبلون.. لبدت ورة عمتي
ام وليد.. لان هية ماشالله ابضخامتهة اني اختفي من اصير
يمهة.. ضليت اباوع عالولد شلون يهوسون ويشاقون واجت
عيني عله وليد.. سافرت نضراتي عله هيبته وملابسه وترتيبة صدك حلو جان طالع لان جسمه حلو فاي لبس يلبسه يطلع حلو عليه.. لحد ماوصلت
لوجهة والتقت عيوني بعيونه.. بس شو كام يخزر بيه ومبين
عليه معصب.. ماعرفت شبي لحدما زفو اخواني لغرفهم وطلعو
والناس بدت تطلع وراهم بقو بس نسوان عمامي والاقارب يعني
البيت جان مكلوب كلاب صعدت بدلت اني وخواتي وتحزمنه
وكعدنة انضف ونصفي والنسوان ويانه لحد ماكملنه وفرغ
البيت كلمن رجع البيته
واللي طب لغرفته واني من ضمنهم.. تمددت عالسرير
احس جسمي كله يون من الوجع.. ويما غمضت عيني واجيت
اخفه.. دك مبايلي.. استغفرالله بس اريد اعرف المبايل شنو مشكلته ويايه حته كلما اريد انام
يدك.. فديوم ابتلي بي باوعت وليد رديت عليه بصوت نعسان جنت متوقعه يحجي بهدوء طبيعي بس شو هاذة بدون لا سلام ولا كلام كال
.....................
وليد بغضب.. انتي اشون اطلعين بهاذة شكلج وهدومج
ريم.. وشبيهن شكلي وهدومي
أنت تقرأ
اهات الم من وجع القدر
General Fictionفتاة ظلمها القدر ..عندما حرمها من اغلى الناس الى قلبها.. ولكن المعروف عن الحياة انها تاخذ وتعطي في المقابل .. فماذا سيكون المقابل.. اهات الم من وجع القدر .. ل ملاك محمد
