بقلمي الكاتبة *ملاك _ محمد *
.....................
مساء الورد حبايب🌹🌹
اتمنى لكم متابعه ممتعه😊
#اهات الم من وجع القدر
...................
اعذروني عالتاخير بس كلتلكم الدوام بدة واني مااكدر انشر اب ايام الدوام فاعذروني
لاتنسو الضغط عله النجمه⭐ في الاسفل لتشجعوني واضغطو على تعليق🗨 لتكتبو ملاحظاتكم ورايكم ولتنسون تعلقون عله كل مشهد....
.....................
وليد ..
ردت وبدينه نحجي الليل كله نسولف.. مرت الايام واني بقيت مستمر اتواصل وياها
ومن التحق انتظر شوكت افرغ حته احاچيهة واحاول قدر الامكان اطمنهة عالوضع
هنا وماكو شي ومن هالسوالف مااريدهة تقلق.. لحد ما اجه محرم واني
التهيت عنهة لان اكتشفنه مقر جديد لذولة الانجاس ودنخطط حته نسوي هجوم عليه واني صرت مثل المشرف عالموضوع اخطط الهم واتناقش
وياهم وانطي الاوامر يعني تقريبا تلث ارباع الشغلة بيدي وماالحك اخابرهة لو احاجيهة بالزايد
كلمتين ونسده صار الوقت ونفذنه الخطة المسويهة عليهم والحمدالله نجحت وفجرنه المقر مالتهم
والبي كله واستمرينه عله هالحال ارجع للبيت كم يوم والتحق لان مابقة شي ونقضي عليهم هواي
فجرنالهم مقرات واكتشفنه اماكنهم ومخابئهم ومستمرين بالشغل بس بقو اعداد قليله
ومجاميع دنبحث عنهم هالمرة من خلصت فترت التحاقي رجعت للبيت ارتاحيت ورة يومين.. اتصلت عله ريم كمنة
كل واحد يسولف للثاني شنو صار وياه من احداث بالفترة الراحت وهية سولفتلي عالصار وياها من
خلال كلامهة افتهمت
هية رايحة الكربلاء من بداية محرم
ومكايلتلي واحنة متعودين منضم شي عله بعض وكلشي نسولف.. جماله
رايحة البيت خالهة وعدهم ولد احس الجني صعد براسي واني اتخيله شون يباوعلهة وهية
تفتر كدامه وتضحك وتسولف.. اصيح
عليهة واحجي بعصبيه وهية ترادد بكل عين صلفة.. اخير شي ماعجبهة الحجي سدته بوجهي.. هية
سدته واني احس دمي فار منهة .. ادك عليهة ومترد.. هددتهة
ابرسالة ودكيت.. ياله جاوبت طلعت حركت گلبي بيهة وسديته ابوجهة لان لو نضل منا الباچر اتضل اترادد.. ردت اسويلهة درس
حته مرة ثانية متعيدهة وتصرف من كيفهة كلت بعد لا اراسل ولا اخابر خنشوف تاليتهة
وياها.. مرت كم
يوم ولا هية دكت ولا اني
كبريائي ميسمحلي ادك عليه بعد بس شنو..
أنت تقرأ
اهات الم من وجع القدر
Genel Kurguفتاة ظلمها القدر ..عندما حرمها من اغلى الناس الى قلبها.. ولكن المعروف عن الحياة انها تاخذ وتعطي في المقابل .. فماذا سيكون المقابل.. اهات الم من وجع القدر .. ل ملاك محمد
