اهات الم من وجع القدر

البارت 2

بقلمي الكاتبة * ملاك _ محمد*
.........................

مساء الورد حبايب🌹🌹
اتمنى لكم متابعه ممتعه😊

#اهات الم من وجع القدر
...................

عذاب..

عذاب يجر عذاب وطال فركاكم😔..

عفتونة واخذتو رواحنه وياكم..

عذاب يجر عذاب وطال فركاكم..

نسينه شكد نسينة ومانسيناكم😔..

ذكرنة هنانا كعدتكم..

بحلاوتها وسالفكم..

رحتو شلوون؟ ماحسبنا هيج الوكت ياخذكم!

ظهركم جان مامنه.. او وراكم ياهو ضللنه

جهنم ضكنة فركاكم.. بعدكم عشنة
عالونة😭

.........................

ريم.. تقدمو يردون ياخذوهن.. اني اتهسترت كمت اصرخ بعلو صوتي وابجي.. واتوسل

بيهم.. لك فدوة علي لتاخذهم
شلون تاخذهم واني مشابعه  منهم بعدني صغيرة عاليتم

عليييي.. علي مدنك وبس دموعه
تنزل مثل الشلال.. اخير
شي بعدني وشالو

التابوتين هوة واخواني.. اني واخواتي كمنه نصرخ
ونبجي ومجلبين بيهم بس ماكو فايدة طلعو وقفلو
باب الشارع من برة حته منطلع
ظلينة ندك بالباب

ونصيح.. افتحووو حبابين افتحو لتاخذوهم رجعووووهم

مشبعنه منهم.. اجن
خالاتي اخذنة ودخلونه جوه واحنة منتهين مابينه
حيل حته نصيح

صوتنه انبح بس دموعنه تجري
وصافنين مدنستوعب انو

خلص راحو وبعد ميرجعون بعد منشوفهم وله نسولف وياهم
وله اي شي راحو

واخذو روح البيت وياهم..
شوية واجت المله وكامت تقرة عن الاهل والفقدان.. احنه
تهسترنه بالزايد كمنة نبجي بحركة وننعي ونلطم.. ملخنة رواحن  لحد ما
راحت المله.. والناس

طلعت واجه الليل.. دخلو اخواني خمستهم.. وعبالك يمشون بدون روح.. اباوعلهم
صافنين وبس الدموع

تنزل.. شفت امير ومهدي شايلين
بطانيات بايدهم.. عرفت
هاي البطانيات اللي

جانو لافين اهلي بيهم.. ركظت
عليهن اخذتهن منهم

وكمت اشم بيهن اريد اشم
ريحتهم اشمشم بيهة وابجي بحركة

واون.. خواتي انتبهن واجن يمي هم كامن
يبجن ويونن ويصيحن

بصوت مبحوح.. باوعت عله اختي مها واللي هية
نسخه من امي.. بالشكل والطبع وهية اصلا حنينة علينه مثل امنه اجيت يمهة

فتحت اديهة اللي
وحضنيتني.. وخواتي الباقيات هم اجن يمنه حضننه

واخواني هم اجو ظلينه نبجي
ونون بقهر ابحركة
كلب.. حسيت عيوني راحن من البجي.. وراها علي اخويه كال