بيتنا🧡

الفصل السادس

موقف...
 

"
_ انا لازم ارجع البيت
_ اهدئ
_ كيف اهدئ افرض  انه البركب في المكيف اسي سرق شنطتي انا خليتها فاتحه
_ لو اتسرقتي معناها برضو انا حاتسرق ... انا خليت معاه واحد صاحبي حيقعد قدامه كدا لحدي م يطلع 
_  اوك نشوف
حتي بعد الكلمات المطمنه دي بالي م راق واتوترت وبقيت باكل في ضفري  حركه بيش لكن انا اتعودت اعملها لمن اتوتر
ومع انه انا بحب التسوق شديد لكن طار مني نهائ وابا لي
افترقنا علي اساس كل واحد يجيب ضروريات مثلا عليه يجيب تلاجه صغيره فرشات ادراج
اما انا اكل ملايات وصابون  بعدين اي حاجه ممكن تكون مهمه ممكن نجيبا
انتهيت في زمن قياسي جدا
طلعت بي طقم حلل  و طقم بهارات كيوتي لونه وردي وبكل جديه لونه هو الخلاني اشتريه  وبمناسبه البهارات كنت حانساهم وطلعت جبتهم الصابون تم والملايات تم  واهم اهم شي الاندومي تم والشكلاتات تم  السكر الزيت  الدقيق
طلعت لي مكان العربيه ولقيت حسام مستنيني فيها
خمس اكياس كبيره  وانا الحاله دي استعجلتا
وبدل م اسمع كلمه شكرا علي جهودك البنائه واداءك الرهيب
بتزكر اني اخدت شكله جامده في كيف انسي اشيل القروش
انا م عارفه استهلكت قدر شنو؟
اضطريت اسجل كل وحده بكم واطلع الاجمالي
_ يا شيخ انا م محتاجه ليهم اقسم بعدين عادي
_ امسكي
وبلعت عبرتي وشلت القروش وسكت
*اسوا حاجه في الدنيا ان البيبي بتاعك يطفي شحن احساس بالوحشه كدا بعبروا عنه في اللغه العربيه بالوجدان  
ولا كانت الصبابه م عارفه
اول م وصلنا وهووبا وقفت جنب الباب زي القطه الاليفه م فضل لي اقول مياو
اترقبته لحدي م فتح الباب بتاع الغرفه وجريت الشنطه من تحت السرير ختيتها فوقه
وبديت اطلع في الحاجات الحمد لله اللاب موجود الكارتس موجودين وكل م لدي من اموال في  ..سلسلي بتاع الذهب موجود والحمد لله شلت نفس عميق ورجعتهم
كان السيد "هي انتي " واقف وراي مباشرة
_ خير في شنو بتعاين لي خصوصيات الناس
_ نفسي اعرف في حاجه في الكون دا مافي في شنطتك دي 
_م شاء الله
_ وانتي بترتبي فيها كنتي عايزة تمشي وين
_ ها !...... ايوا .. م مكان
_ جبت معاي اكل من مطعم اذا عايزة
_ لا شكرا انا حاكل اندومي وجبتها معاي بجنيهاتي
>>>>
بعد كلل وتعب قدرت اعمل الاندومي وجاء وقت الاستمتاع بالغنايم ويمحلا الاندومي بالكاتشب
بقي السؤال كيف يمكن لمخلوق مثل هي انتي ياكل وجبه  مطلوبه اتنين وكمان ياكل اندومي وااا
_ م شاء الله  م عايزة اسحرك
_ اخخخ بطني بطني
_ هئ
_ لا بستهبل ههه
_ بس  كفايه انتهت كملتها لااااااا
_  لاااا
_ ممكن م تحاكيني
_ م بئدر م فيني
_ ..؟ ( مصدوومه)
_ اوك خلينا نتكلم بجديه   كنت مترقب موقف انك حتبكي وانا استحاله اعيش هنا والمكان بيئه وحتضربي لامك وغش علي وما سافرنا وتعملي مشكله
_ وااا  فكرة
_ احم؟
_ يعني انا ... يا شيخ  ايوا انا اقتنعت خلاص والموضوع بقي من الماضي صفحه جديده ناصعه البياض
_ والدليل 
_ تلفوني قافل كهرباء كيف حاضرب لي زول
_ جيبيه طيب
_ لااااا انت م حتشيله والله م اضرب لي زول بليز
_ جيبيه
_ حرام
_ اول م اشوف انك عاقله حاديه ليك
" علي اساس اني محتاجه لي التلفون ومقروضه فيه فكرت انه اول م حاطلع لي اي مكان حمشي اشتري واحد بدله خسرت القيمس بتاعت الالعاب بس اما الارقام فعندي في نوته يعني م حنك
الحمد لله بقي عنف مالي سلامه برضو
بعد م انتهي الاكل قعد يدخل في الحاجات والتلاجه زاتها غريبه عجيبه معاها كتيب لو انا كنت حاخش امتحان نهايه التيرم استحاله اقراه  
فيها ازرار حسيت انها ممكن تتحول لي رجل الي
وانا علي يقين انه حسام دا داهيه في اللغه الانجليزيه قعد يقرا في الكتيب لحدي م خلصه انسان مخلص شديد ومثالي يع انا اكره المثالين ي قول سنفور غاضب
والاكيد الاكيد اذا انا كنت مكانه كنت حاشرط الكتيب واقول ليه باي باي واقعد اضغط زر زر لحدي م اعرف بعملو بيهم شنو
ياللغباء الخلاصه الطلع بيها انها لازم تشتغل اتناشر ساعه في مكانها الجديد بدون م يفتحوها
يعني الى الغد احنا م حيكون عندنا مويه بارده
برضو كان عندي نصيب من الادراج شلت واحد كامل احترت اعبئ فيه شنو فخليت الاول لي رواياتي والتاني فيه لابي ووواحد لي هدومي البسيطه الرهيبه  ومكتبتي العطريه الرهيبه مجموعه من ارهب الارياح خليتها في الرف التالت
واخر واحد فيه بطانيتي 
# اول م انتهت امداداتنا اقصد باغاتنا بتاعت المويه البارده    (م قادرة اطلع فكرة انها م حرب نهائ )
حسام وقف علي حيله
فكرت والفكره اقنعتني
انه حيمشي لي اقرب دكان يجيب لينا مويه صحه  والاكيد انو م حيخليني هنا علشان م اشرد وحنمشي نجيب المويه
لكن الحصل ادهشني
قلت ليه انا مستحيل
_ لا مستحيل تحت الشمس
_ لا ي شيخ طيب انت امشي لي مرت الجيران وانا حاستناك بعيد تجيب منها ثلج وخلاص
_ لا ي شيخه انتي مرة وهي مرة حتمشي انتي وتسلمي عليها وتقولي ليها انا من البيت الجنبكم وعايزين تلج
_ حرام
_ حتمشي ولا اوريك تصرف تاني
_ حامشي  والله
_ اوك يلا انا حاقيف ليك برا