بيتنا🧡

البارت العاشر

زیارة

...
..
.
"
" جو رومنسي منتهي ..
- قصدك مرعب .
- مرات انا بشك انه فيك زرة انوثة لكن اول م تخافي بطمن صراحه ..
- هاها بايخ انا تلاته اكس يعني مكمله الوراثه وزايده واحد
- عندك متلازمه يعني ؟
- مش لانه انا انسانه منطقيه م انثي؟ دا العقل هنا انا بشتغل بعقلی
- يعني معترفه انه م عندك قلب ..
- عندي واحد فوق المعده بشويه بقيس اذا الاكل ظابط ولالا
- ي زولة اللللللل يعني م عندك دم برضو
- ممكن اعرف انت اتتخصصت هندسيه ولا احياء ؟
- في المسقبل البعيد زكريني اجيب كراسي كبيره للحوش علشان اول م تقطع الكهرباء زي اسي يكون الجو معتبر ويا ريت يكون حولينها نجيله
-ابدا ازرعها اسي بدل م انك عاطل كدا
-اسمها اجازة وخلاص قربت تخلص
- وحتخلي دا فاضي طيب من البدايه عملته لي
_ سؤالك كويس البيت دا كلو انا م اشتريته
_ كيف ؟ كيف
- ممكن تقولي حظ ولا اي شي بتزكر كنت في اولي جامعه كان علاقتي حلوة مع استاذ فقبل م نبدا شغل جد انا كنت مباريه وكان الاستاذ عنده قصه طويله حاحكيها ليك مرة تانيه الزيت انه كان سمساري علمني الدقه واشتغلت سمساري بيوت ومع كل سنه سمعتني تزيد والكاش يزيد والمكان دا كان فاضي م فيه وولا بيت وصادف واحد عنده عشر نمر بايعهم كانو ارث وروجت ليهم واتباعو ثمنيه بي طابق سعرهم واداني الاتنين ديل منه
_ م مصدقه كانو بكم
_ الكلام دا قبل سبعه سنه كانو بي سبعين تمنين الف م عارف حاجه رخيصه خلاص ولحدي الان مافي زول عارف بيهم من ناس بيتنا
_ لا بالجد يعني يديك منهم كدا وهم ورثه
_ اولا كان راجل بطحاني مروق كبييير عنده بنات بس وهو كان ولد ابوهو الوحيد يعني ضامن الشغله
_ ي شيخ قول كدا معناها كان عايزك لي واحده من بناته
_ اقول ليك كبير كبير بناته كلهم متزوجين وراحلين حتي هو م من هنا بس كان عايز يتخلص من الاراضي لانه كان عنده مشكله يطلع الاوراق باسمه هو ملكيته من زمن احلف انها ارضك وجيب شاهدين
_ قوول كدا من البدايه يعني انت بعت الاراضي باسمك
_ ايوا لكن كان في شهود وناس وموضوع طويل
_ طيب ومن وين جبت حق البنايه ولي م اشتغلت سمسار برا
_ انا قاري علشان ابقي سمسار ولا مهندس تصدقي لو قلت ليك انا بديت ابني قبل م اسافر واشتغل
_ من وين
_ قصه طويله ممكن احكيها ليك يوم تاني المهم اني كنت عايز اتزوج بعد م اتخرجت ابوي اداني قطعه ارض قالي اساعدك تبنيها علشان اكون مأسس لقيتها في مكان بعيد قلت احسن دي وبديت ابنيها بي حق ديك
_ ياشيخ والغير ليك رايك شنو ولا البت م وافقت
_ قصه طويله برضو الزيت من ابو البت
_ اخخ قصفوك
_ اهم شي مبسوطه شمتي خلاص
_ لالا حتي الونسه معاك ممله انت انسان ممل كل حاجه قصه طويله يوم تاني حاحكيها ليك قصه طويله قصه طويله اموت واعرف متين حيجي اليوم الحتحكيها فيه
_ افف حزروني وقالو لي اياك والقفص الذهبي وانا م سمعت الكلام نكد نكد نكد حرفيا الحياه بنكهه النكد
_ انت نكدي انا اصلا واحده فرفوشه
_ ايوا ايوا انا نكدي
_ انا لي عندي احساس انها انتهت
_ قصدك الكهرباء لا اطمني .. بعدين انتي من متين بتحسي
_ بدينا تاني؟