بيتنا🧡

البارت 15

سر خباب 2
,,
.

#
اخر العصر والشمس عایذه تغیب وانا واقفه فی باب الشارع وبتکلم مع ذکاء بصوت عالی وهی بترد لی م تتاخری  قلت لیها خلاص ..
بطلع فی سفنجتی الاتفکت فجاءه رفعتها اصلحها ودا نذیر شوم واعوذ بالله من السبور والعادات الکعبه دی..
قعدت اقنع فی نفسی انه مافی ای حاجه سیئة حتحصل ..
وانا برفع ف راسی لقیت لی عربیه واقفه قدام الباب وجواها اتنین مصدومین بعاینو لی فاتحین خشمهم کدا
استعدلت اقفل الباب وم ادونی فرصه رجلینی اتشلوا وجاتنی حمه بقیت ماسکه الباب وحیلی کله علیه ودخلوا طوالی فی حیرتهم دیک ..
- ریم ؟!؟
- ریم ؟!  کیف !! هنا ..
مسکت راسی بی یدی من الصداع الجانی وقفلت الباب وقلت  لیهم مدام خشیتوا براکم
الزاد الطین بله ..
ذکاء جات طالعه شایله خباب قالت لی جیتی راجعه سریع هاک شیلی ولدک دا ووقفت من الکلام وهی شایفه راجلین قدامها رجعت لی الاوضه بسرعه ..
- ولدک ؟؟
- اااء ؟؟؟؟ انتی ؟
وفقعتها ضحکه لمن بکیت
بقولوا شر البلیه م یضحک ..
قبل م یتکلموا تانی رفعت لیهم یدی وودیتهم معای تحت تساولاتهم حنمشی وین وصلنا المخزن وبقوا واقفین برا لحدی لمن نادیتهم یخشوا وعیونهم تتفحص فی المکان ..
قعدوا فی الجلسه وجبت لیهم مویه وهم لسی فی صدمتهم دیک..
رجعت جبت معای خباب احتمی بیه وکدا یعنی
- ممکن ولا اااا ر  ...
- انت م تتکلم نهای لانی وثقت فیک وکنت مستعده اوریک لکن شوف عملت شنو
- ریم والله م کلمته صدفه تصدقینی کیف والله صدفه ..
= یعنی انتی م کنتی ناویه تورینا لی متین ؟
الا صوته لا وکمان بهرش فینی بکیت  وخباب بقی یبکی معای  ..

* حلو یکون فی انسان معاک بشعر بیک جزء منک ببکی معاک رغم انه م فاهم شی ولا عارف ای شی غیرک..
- انت جای تشیله صاح انت کلمته وحتشلوهو منی وحابقی برای تانی ما معای ای زول یسال منی ولا اخوان ولا ام معای ولا حتی تیتا عایزین تخلونی برای لی  لی انا دایما البتتحکمو فیها لی دایما انا البصحی لیکم والعایذنها تعمل لیکم ای شی .. مش انتوا ذمان الغصبتونی علیه حتی بعد م انا اتقبلت الفکره وقلت عادی بتحصل ویکون هو غلطان بدون م یبرر لیکم ترموا کل الغلط فینی انا علشان بس ذمان ابدیت رای وقلت لیکم احنا م ننفع نعیش مع بعض ..
وانت ی بسام نفسی یوم واحد بس تکون سند تقیف معای مع بت اختک ولا اه نسیت انی ببقی لیک بالله خلی حسام ینفعک لانک واقف معای ذی الجاهلیه البعبدوا فی الاصنام لو حق لو باطل  ..
کان نفسی اطردکم بس للاسف بیت صاحبک ...وبیت اخووک فشکلی انا حامشی ..
- وین ؟ انا لسی م اتکلمت معلیش لانی صرخت فیک قبل شویه داا کلو فی قلبک ی ریم واحنا م عارفین ؟ والله ما حصل فکرت فیک مجره فکره کدا دایما انتی اختی الصغیره المابرضی فیها صاح بصرخ علیک بس علشان بریدک ی رریم  ریم انا محمد انتی جاده فی البتقولیه دا ..انا  تشکی لی من حسام اغطس حجره وم عارف والله انک مغصوبه علیه لو کنت عارف اول واحد کنت حاقیف معاک  ..کیف قدرتی تواجهی دا کله براک  وولد ی ریم ؟ م قادر اصدق انتی عارفه حسام لو عرف الحیحصل لیه شنو ؟
- لا انت م حتوریه صح ؟ م حتوریه ؟ لی انا کل م تظبط معای بتخرب کدا قبل یومین انا خایفه من عمو عبدالکریم وقبل یوم بس انا خایفه من خباب لی القلق الحاصل دا م ممکن اعیش یوم واحد وانا م خایفه انکم تشیلوهو منی ...وانا  م خایفه  ذی الامهات العادیین ..انت عارف انی بصحی فی نص اللیل بحلم انه شایلنه منی وبعد یختوهو لی فی یدینی انا م بصدقهم .. م اتوقعت الیوم دا یجی بدری کدا  ..معلیش کله منی  کله منی انا
- لا حوله ولا قوه الا بالله  ریم اصحی مافی زول عایذ یشیله منک
- م حتشلوهو م حتشیلوهو
- یاخی ورب الکعبه م حنشیله مافی زول شایله منک بسام اتکلم معاها قبلی م تحصل لیها حاجه
- ذح منی ذحوهو منی ااااااه انت السبب کان نفسی یوم واحد بس تقیف معای حتی لمن صدقت انک عایذ تساعدنی تجیب معاک دا ،،
- ااموت واعرف منو المفهمک انو جینا سوا معناها وریته والله م وریته والله صدفه ..
-اسکت کذاب لکن الغلطانه منو انا صاح ما انا دایما الغلطانه الجدا شنو حتودینی لی هناک ویشیلوهو منی ؟!
بس قول لیهم انا الشلته فی بطنی واتعذبت وانا الکنت حاموت برای لحدی م ولدته وانا العشت هنا بس علشان نکون مع بعض م عندکم فیه حق ولا ذره حق ؟
وینه ابوهو سال منو هه لا  طیب ؟
...الخ الخ
سکت علی کف جامد من بسام وعانی وذکرنی انا وین کنت حاسه نفسی ضایعه ضایعه انا منو الفی شنو
وبس بقیت ماسکه خباب بی یدی وذکاء قدامی بتردح لیه وهم ساکتین یعاینوا لی وهی تقول لی م حیقدروا یشیلوهو اصحی ی ماما یشیلوهو وین واحنا قاعدین انتی ماسکاه فی یدک یتشال کیف  .. اقتنعت لیها اخیرا  و استوعبت انا وین  ..
قلت لیهم عاجبکم حالی دا بتمنی تمشوا تخلونا کنا عایشین فی سلام قبل م تجو  ومقبول منک الکف ی خال یجی منک اکتر ..
محمد قال لی والله م بخلیک تانی لا انا لا بسام وم حنشیل ای شی والا تسمعینا للنهایه اول
- انا من  یومین استنیت المقابله بتاعت الل  اااا خباب وانتی م ادیتینی فرصه اعرفک مغطیه وشک وم بتتکلمی وم شکیت فیک نهای  .. الذکرنی بی المقابله دی وحده من الصور طلعت متاخر بعدم مشیتو ولقیت فی غلط فیها فقلت المره الجایه اخلیکم تعیدوا الفحص بس م جیتوا وکنت عارف انه دکتوره ذکاء قاعده فی المستشفی اتطمنت انها قریبه وقلت امشی اکلمها وقالو لی انها غیرت القسم من فتره حاولت اشوف لیک رقم بس م لقیت شلت الملف ومشیت لی دکتور احمد  رفض یدینی ای معلومه اضطریت ارحع للبیت النذلته فیه المره الفاتت ..
الغریبه انه البت الفتحت لی الباب م کانت وحده فیکم سالتها من دکتوره ذکاء واتوترت تورینی قلت لیها العندها ولد اسمه خباب ووریتها الملف بتاعه نکرتها نهای ..
رجعت تانی لی دکتور احمد وقعدت اقنع فیه انه ممکن تحصل مشکله کبیره اذا م لقیته فی الوقت المناسب فاعترف لی انه مره وصلک هنا  ..
انتهیت من شغلی بدری علشان اصل ولاقیت بسام فی الطریق قلت لیه یوصلنی معاه  واستنیته یمشی لکن بقی مستنینی وشغال لی متاکد دا البیت تانی شفناک جنب الباب وحصل الحصل ..