بيتنا🧡

الفصل الثالث

لازم يخرب
.......
....
"
احلي حاجه في الصباح  كبايه قهوه دافيه☕ وروايه  اشرب القهوه وببياقي القهوة اعمل قناع لي وشي☻
# المكان هادئ زي كل مرة تيتا للان نايمه وبسام ويس في بيت الرجال حيكونو للان نايمين
ومشيت مطمنه لي باونتي حقتي في التلاجه في حاجه اتكسرت اتلفت علشان اشوفها ولقيت في كائن ما قاعد يعاين لي
المكان ماسكه باب الثلاجه ووشي مليان قهوة لابسه تلات اربع جيشي واسع وفنيله بيضاء وشعري مرفوع كعكه كيف كيف !
_  اوو قعت مني بالغلط  ... ممكن تجيبي لي الشاي
_ م مشكله .. وممكن اقول ليك حاجه
_ امم
_ انا زمان كنت بقول حسام اخوي الكبير لحدي م احنا كبرنا وانا فاهمه كدا انا عارفه انه دي افكار خاله رشا وتيتا    وم ممكن تتزوج واحده انت م شفتها من زمن بعيد ولا بتعرف طباعها هل اتغيرت ولالا
وصراحه كدا انا م وافقت الا علشان خاله رشا م تزعل مني لكن انت راجل كلمتك بتفرق من حقتي لو مشيت لي امك وقلت ليها  انا شفتها صدفه وم عجبتني فحتختار ليك واحده تانيه
واحسن حاجه  كمان اني م صرفت ولا شي من البطاقه وبكدا ارجعها ليك كامله وكان حاجه م حصلت ولو امك زعلت يوم  ,,اول م تتزوج حتفرح وتنسي الموضوع
_ ...

*ي سلام بعد م قلت الكلام دا حسيت بي راحه مبالغه  والقصه شكلها كالاتي
الولد اتخلع من شكلي ورمي الكبايه واتكسرت خصوصا اني عامله ماسك في وشي  فقام ندم  انه سمع كلام امه ووافق علي
فيقول اعمل شنو كيف احرج البت وبعد م بدت تجهز افركش معاها
فاذا انا م موافقه وهو م موافق كدا مشكلته اتحلت ومشكلتي اتحلت
حتي اذا كان م عنده مشكله   كيف يرضي بواحده م عايزاه
الله عليك ي ريم ي فخر العرب
بس اقعد في سريري اقرا روايتي واستني في اي لحظه الاخبار الصادمه نهاها
بعد ساعات
_ يا ريم افتحي الباب انتي كويسه
_ ايوا انا كويسه الباب فاتح
_ قلت اجيك في السمعته دا ي ريت لو م وافقنا عليه
_ عادي ي امي كل حاجه قسمه ونصيب
-ونعم بالله شفتي بتك اعقل منك كيف
_شكرا ي تيتا بعدين دي م حاجه مهمه شديد
_كيف يعني م مهمه شديد بتي انا م يعملو ليها حفله وبس يسوقوها بي عقد لي لو مستعجل للشغل خليه يخليها عندنا نعمل ليها حفلتها ونرسلها ليه اسي انا حاقول لي صحباتي شنو ...
_ شنوو كح كح كح
-الموضوع عادي انتي بتملي لي بتك راسها ساي الجاحات دي كماليات ساي وبهرجه علي الفاضي اذا عاجبها الفستان الابيض تلبسه بعد م تتزوج وبعدين اهودي خالتك حنان اتزوجت واحد بدون م تشوفه ولا تلبس فستان كان في بورتسودان  وودوها ليه اسي مالها في زول متزكر عملو ليها حفله وولا لا
_ الزمن دا مختلف ! م عارفه الغير ليه رايه شنو حتي رشا مخلوعه وماعارفه تعمل شنو لا وكمان مصر العقد يتم قبل الجمعه الجايه علشان يوم الجمعه يسافرو طوالي
_ هئ
_ شوفي ياامي رشا جات ارح نتفاهم معاها في مصيبتنا دي ريم انتي خليك قبلك حتي لو متي م تطلعي من هنا انتي م بتشتغلي بي العادات احنا بنشتغل بيها وم حتمرقي لي ام راجلك لانه دا عيب عندنا مفهوم
-رايك شنو نقفل الباب عليها
_فكرة والله