استقرار
..
.
.
- وبس کدا انا اتعرفت علی تیتا سوذان النهایه..
- لا لا یاخ واصلی م تقطعی لی ف النص کل مره ..
- کانت انسانه طیبه شدید لحدی الان م متخیله انها سافرت ..
- معلیش دایما الطیبین بمشوا ..
- دنیا قاسیه المهم .. علی الاقل اتعوضت بیک انتی ..م علینا قلتی لی اللیله الفطور بشنو لانی خلاص عایذه اموت من الجوع ..
- م بقدر اعمله نطلب طلب ..
- من وین حبیبتی انا .. انا عندی ولد بربی فیه شوف عینک حتکملی لینا قروشنا ..
- متاکده انه ولد ..
- نثبت لیها کیف ی خباب ورینی فی ادله لکن احنا محترمنک بس ..
- وای لو شفتی اخر مره حنان جات مع سناء الرحلت جدید ف الحله سلمت وقعدت تعاین کدا بعدین شالت خباب وشغاله تتراشق وحلاتی ی ناس وحلاتی الحلوه دی اسمها منو قلت لیها اسمها امانی بعد شویه جات ذکاء ماره حنان قالت لیها نسیت اسمها ذکاء قالت لیها سوسن وسناء لمن اتشرقت کل م اتذکر بموت ضحک...
- انا کم مره قلت لیکم م تطلعوا خباب برا وفی نسوان
- یاختی جوا فجاءه بعدین متخیلنه ولد ذکاء یعنی ایذی ..
-ایذی ولا شباب انا م ارتحت لیهم نهای رغم الشهور الفاتت دیک جنهم شمارات عینهم حاره بری ..
- ایوا لکن تتزکری بسببهم انتی هنا .
- احیا والله دا المصبرنی علیهن ..
ٗ- ونرجع لسوالنا حناکل بشنو ..
- انا رای فته فول کدا مع مویه جبنه من عمو النور والموضوع منتهی ..
- حزینه منک کان نفسی ف بیتزا جدا .
احلی حیاة کان نفسی اعیشها وعشتها لکن للاسف برای وبقت عندی مسؤلیه بیبی کامل یفترض اکله اشربه وانومه ومنو بصدق انی انا ریم الکنت بکره العب بالعروسات وبکره الاطفال عموما وم بستسیغهم یجی الیوم البشیل فیه الدبدوب واقعد اغنی بیه ذی الهبله علشان الشیخ یضحک ..
وابدا م عانیت من ای وحده وبس کنت شایله هم لمن اهل ذکاء یرجعوا تانی الحایبیت معای منو ..
اامنیه مرات کتیره زوجها بسافر وبتبیت معانا بس دا م بمنع تفکیری الدایما بقول لی وبعدین الحیحصل شنو ...
#
.
.
- اذا کان دا تفکیرک فمعلیش ..
- ایوا کلام ریم صاح ی امنیه ..
-انتی بس خلی معای الصور واتکلی نومی الصباح حتلقی معلوماته کلها جاهزه المعفن ..
- وبعلی بخاف منک ی ریم الولد المسکین دایر یحنک وم بعرف اتحرق لانها احرجته ..
- هبش ناس غلط ی ماما ..
- مش علیک الله ی ذیکو حنوریه الطفاالنور منو
- والله یحلیله احتمال قصده شریف شایلاه الهاشمیه اعتزری لیه
- شریف مین والناس نایمین انا شایفه ننتهی منه ونریح العالم من شره ..
- انا حانذله ف القروب نشوف افکارهم شنو ..
- قدااام نصعد ی ود
- جامدد
القصه کانت کالاتی ذکاء مداومه فی مستشفی خاصه بدون ذکر الاسم صغیرونه کدا وکل یوم بستناها برا نطلع سوا بلقانا الدکتور مع العلم انه جمیل جدا لکن نقول شنو دایما الجمال بشیل من حاجات تانیه للاسف ..
بکشر لینا کدا ولا یضحک ذی المجنون ویمشی مرات بقول لینا مساء الخیر فی البدایه کنا بنعبر فیه لکن طفح الکیل بقینا بنهمشه یعاین یمشی ولا کانه شایفین شی ومرت الایام وصاحبنا اقصد الولد الماصاحبنا بقی کل مره یقول لیها حاجه قلت لیها ی شیخه دا متکرش فیک وم عارف یقول خلاص ربطی وفکینا من الوهمات الحاصله دی قالت لی انتی قادره تستوعبی انه الانسان دا لصقه و عبیط وغبی انتی عارفه انی مستحملاه بس علشان ...قلت لیها خلاص وقفی الحوار دا ماشی لمنحنی م طبیعی ممکن تمشی تقول لیه عندک معای مشکله لا سسمح الله ..قالت لی انتی مجنونه امشی اتکلم معاه علشان یقعد یلقی لیه موضوع فینی ..
قلت لیها علی کیفک ی ماما استحملی یلا وبقینا کل یوم علی نفس المنوال دکتور احمد دا بجیب لی الهواء یعنی م ممکن یعملها واضحه کدا احراج ..
جاتنی مریضه وفی قمه انغماسی جا علشان یقول لی عایذه قهوه اتخیلی معای اربعه م قال لیهم وای اتشلیت الناس بتسالنی علاقتک بیه کیف ..
الامور جاطت فقلت لیها لاذم نحسم الفارقه دی ومشت ردحت لیه وقالت لیه معلیش انا مرتبطه بطل تعمل لی مشاکل وانت حایم کدا جات تحکی لی قلت لیها بری م لدرجه دی کنت قاصده حاجه خفیفه وطبعا الوصفه السریه دایما بتنجح من تانی یوم وبقی عامل فیها رایح ورغم انه بصر وجهه علیها بالعکس الحاجه دی فرحتها جدا خلیک کدا خلیک طبیعی ولحدی هنا ماشین تمام ..
المشکله بقت من لمی اترقی وبقت تحت راسه مباشرة حقاره شدیده خلاص یعنی قاصدها عدیل کل مره تجی تحکی لینا اقول لیها بس انتی خلینی اساعدک تقوللی لالا بستحمل نشوف نهایتها معاه شنو ..
انا وذکاء کانت افکارنا متقاربه جدا بس عکس امنیه الطیبه جدااا جدا لدرجه عویره خلاص بترفع لی کثافتی و انسانه مضحیه جدا رغم انها دخلت بیناتنا لکن خلتنا احلی ثلاثی عرفت انها کانت متزوجه من سنه ونص وکانت عند اهلها لحدی م تمی زواجها وسکنت هنا یعنی م تمت سنه ولقیت وحده بتحب الحکاوی اکتر منی ..
وبتحب تسمع منی اذا کان ف هدیه تانیه انا لقیتها ف السنه دی فهی امنیه بدون م ابالغ ..
أنت تقرأ
بيتنا🧡
عاطفيةالقصه تحکیها البطله عن کل ذکریاتها واحاسیسها ...قصه سودانیه واقعیه من الخلفیات لکن احداثها غیر متوقعه ... حتعیشو معاها فی فرحها وبکاها تحذیر❌ لا تقلدو البطله فی المنزل ولا حتی تحت الاشراف
